كلامك جميل ياأخ وليد والحقيقة تقريرك ممتاز ودقيق...
مع التوفيق
رقم العضوية : 305
تاريخ التسجيل : 28Apr2007
المشاركات : 591
النوع : ذكر
الاقامة : cairo
السيارة: 206
السيارة[2]: 406
دراجة بخارية: لا
الحالة :
بعيدا عن انها بيجو او مش بيجو , تصنيع ايرانى او تجميع ايرانى
هنعتبر العربية مالهاش علاقة بالبيجو غير الاسم وهى فعلا تصنيع ايرانى بنسبة من 80 ل 90 % ودى حاجة ماتقلقش بالعكس دى حاجة تفرح ان فى دولة زى ايران قدرت تصنع عربية بالنسبة دى وعقبالنا يارب
1-الموتور اصله انجليزى لكن متصنع بالكامل فى ايران هو فعلا موتور قديم لكن تم تعديله وتحويله الى موتور مطور حقن الكترونى متعدد النقاط (يعنى مش الانجكشن التقليدى ال كان بيزل فى بداية المواتير الانجكشن وكان بيبقى الحقن مرة واحدة مش متعدد النقاط)
واعتقد ان ده تعديل جوهرى حول الموتور من قديم لموتور متطور فعلا مفيش غير
وحدة الحقن الالكترونى والكنترول يونت من انتاج شركة سيمنس الالمانية ال بتنتج لمعظم السيارات الاوروبى لكن الغريب والجميل برضه انها سيمنس الايرانية يعنى متصنعة داخل ايران
2-نظام التعليق بالكامل تصنيع ايرانى لكن صناعة بجد محترمة لانى ياما بهدلت العربية معايا فى اماكن صعبة جدا على عربيات كتير وماشاء الله عليها هى ناشفة شوية لكن بتستحمل وثابتة على الطريق
3-الكماليات هى كلها بيجو بس برضه تصنيع ايرانى يعنى نفس كماليات بيجو الاصلية الباور والسنتر والزجاج والتكييف لكن مصنوعة فى ايران!!!
4-خامات الفرش جيدة وجلد التابلوه محترم فعلا اعتقد انه افضل من ال كان بينزل فى ال 405 العادية وده بشهادة ناس كتير ومتخصصين .
5-صاج العربية ماشاء الله محترم ومايقلش فى جودتة عن صاج البيجو 405 المصرى والفرنسى
تقييمى للعربية
عاوز اقول الاول ال يفكر يشترى العربية دى ما يفكرش انه هيشترى عربية فخمة ولا رفاهية عالية لانه اصلا مفيش عربية بالسعر ده كده لكن هى عربية متوسطة عملية منها مريحة وفيها كماليات معقولة وفى نفس الوقت قطع غيارها رخيصة جدا جدا
صالون العربية واسع ومريح زى اى 405 التكييف هو نفسة تكييف ال 405 فى الاداء ( على فكرة انا معايا 405 فرنسى)
موتور العربية زى ما قال الاستاذ شوبكشى ماشاء الله بجد جبار هو فعلا احسن حاجة فى العربية لكن عيبه صوته العالى وفعلا زى ما قال بسبب الكاتينة الجنزير والتاكيهات ورغم كده ليها ميزات
بقالها معايا اكتر من سنة ماغيرتش غير زيت وفلتر ومؤخرا غيرت طقم تيل امامى ب 90 من التوكيل !!! وسعره فى ال 405 العادية 250 فى التوكيل و160 بره التوكيل ( الاصلى) لكن فى انواع تانية ارخص
ثبات العربية محترم خصوصا بعد ما ركبت الجنوط ال 15 مشيت على 170 كانت ماشاء الله
عيوب العربية
1-اول حاجة طبعا التوكيل بس خلاص الحمد لله مش هروحله تانى بعد الضمان
2-صوتها عالى
3-فتيش ودبرياج تقيل شوية
4-تقفيل مش على نفس الدرجة المتعودين على فى عربيات بيجو الفخمة لكن مش سئ وقريب جدا من التقفيل المصرى وفى النهاية مش عيب جوهرى
5-كلام كتير اوى يكرهك فى العربية حتى لو انت معجب بيها ومش شايف فيها عيوب
رقم العضوية : 18516
تاريخ التسجيل : 10Sep2008
المشاركات : 2
الحالة :
كلامك جميل ياأخ وليد والحقيقة تقريرك ممتاز ودقيق...
مع التوفيق
رقم العضوية : 41651
تاريخ التسجيل : 02Jun2009
المشاركات : 813
النوع : ذكر
الاقامة : alkanter al5ayreya
السيارة: new accent 06
السيارة[2]: IBIZA 94
دراجة بخارية: no
الحالة :
كلام جميل و مشكووور يا وليد علي مجهودك ... تقرير محترم
بعد اذنك عايز اضيف شويه حاجات من واقع تجربه
العربيه كويسه بالنسبه لسعرها مستعمل ( اتباعت من 8 شهور ب 47 ... و كانت فابريقه بالكامل بدون مصاريف)
في مشكله في جوده التقفيل ... يعني في ناس جابتها و لقت مشاكل في الكرونه و العفشه
وناس مالقتش اي مشاكل فيها
العيوب
صوتها عالي و خشنه حبتين
ناشفه في المطبات
استهلاكها عالي بالنسبه لموتور 1600 حقن ... تقريبا 170 كم في الصفيحه جوه البلد / 220 في السفر
قطع غيارها مش منتشره ( عفشه + موتور ) لكن الصاج و الصالون هي 405 فرنساوي
المميزات
الاداء قوي ... الموتور 86 حصان جبت بيها لحد 185 و ممكن تجيب 190
البودي و الصاج و العضم ناشف جدا ( يعني حظه وحش اللي تخيش فيه عشان هايزعل )
الصالون حلو جدا و واسعه و خاماتها الداخليه كويسه
التكييف بتاعها قوي جدا ... و تبريدها ممتاز
عاليه عن الارض و مناسبه للمش في مصر جدا
عفشتها ناشفه بس قويه و عمرها طويل ( هي خلفي علي ديفرانس بدون كبالن )
رقم العضوية : 151625
تاريخ التسجيل : 14Nov2013
المشاركات : 283
النوع : ذكر
الاقامة : Cairo
السيارة: بيجو 405
السيارة[2]: ريتمو 75
الحالة :
أمتلك هذه السيارة و هى مقارنة بالسيارات السابقة التى كانت لدى تعتبر زيرو إمكانيات
لكنها بحق سيارة قوية تتحمل الطرق المصرية و قطع غيارها بسيطة غير ما سبق و كان لدى من سيارات
و الميزة بها إن قطع غيارها غير مكلفة
و بعد إنتهاء الصيانة الدورية فى التوكيل يمكن للميكانيكى الذى تثق فيه التعامل معها
و من يتعامل معها يتعامل معها على غنها سيارة قديمة فلا يغالى فى السعر
و الكثير من الناس يحاولوا إظهار عيوب بها لمحاولة تدمير سوقها
سيارة محترمة لمن لا يريد التهور فى استخدام السيارات
السيارة مع ضبط الكاوتش تستطيع مسابقة أعلى السيارات فى فئتها
تحياتى . . .
المفضلات