الموضوع: عنوان معدل (واجهتني مشكلة بسبب السرعة الزائدة)

ارجو تتقبل رايي بروح رياضيه
مبدئيا انا في قمه السعاده برجوع الرادارات والشرطه والمخالفات
عارف ليه علشان احنا محتاجين اللي يقولنا نمشي صح ازاي وكمان يضرب علي ايدينا ويقولنا كخ
لما الدائري يتحول الي دائري نسكار وكل يوم ضحايا بالعشرات يبقي احنا اللي غلط
لما كل شوارع مصر بلا استثناء العربيات تركن صف تاني يبقي احنا اللي غلط
لما حضرتك وباعترافك الطريق مليء بالحوادث القاتله ومع ذالك ماشي 160 يبقي زعلان من ايه يا راجل يا طيب دا في دول في العالم ممكن تتسجن بسبب سرعه زي دي
نصيحه بعد كبايه شاي حلوه كده اقعد اقرء ردود اخواتك في المتدي اللي ما يتمنوش غير سلمتك وسلامه غيرك برده لانك علي السرعه دي ممكن تاذي ناس غيرك كتير
وارجو تقبول تحياتي
وتعيش وانشاء الله ما تعديش السرعه دي تاني وما تاخدش مخالفات يا رب

بهدوؤ كدة عشان نمسك الموضوع صح
الاخ صاحب الموضوع غلط فقط عشان كان ماشي على 160
ولاكن هل كل اللي هيوقفهم الظابط ويطلب منهم مخالفة سرعة كانو ماشيين 160 طبعا لا
لانه اساسا مفيش رادار هو شغال بالتخمين ان كل اللي هيعدي علية كان معدي السرعة القانونية لان الراجل باعترافة كان ماشي 160 والاخ بيقولة 115 وده بيدل ان مفيش رادار
ثانيا الظابط مسك نفسه فقط عشان الظروف الحالية لا تسمح بالبلطجة السابقة وعندهم تعليمات جامدة بكدة انهم يمسكو نفسهم( ما يقلوش ادبهم على حد) يعنى تغيير شكلي لاكن العقيدة الداخلية عند معظمهم لم تتغير وده من مصادر شرطية مباشرة
وبعدين الاخ اللي بيقول مجرد وجودهم بيحسسنا بالامن لا طبعا مجرد وجوهم فقط بدون رغبة في العمل الجاد لا يحسسنا بالامن والبلطجية عارفين كدة كويس ان مفيش حد هيتعرضلهم من الشرطة
ولو وجودهم مجرد وجود عشان ينتقمو بس مننا يبقى عدم وجودهم افضل
وبعدين خدوا بالكم من كلمة مهمة على لسان الظابط وهي الاتي
انتا فاكر يعنى ان احنا هننام ف بيوتنا ونسيبكو هايصين مش انتا بردو من شباب التحرير
معنى كدة ومن كلامة ان الباشا سبب وجودة وعدم قعدتة في بيتة انو ما يسبش الناس هايصين لا ينزل ينكد عليهم عشان هما من شباب التحرير
اللي يفهم الكلمة دي كويس مش هيعلق على كلام صاحب الموضوع كتير ويغلطة
لان ببساطة ومش هنقول برضة كل الشرطة عشان محدش يطلعلي ويقوليى فيهم شرفاء ماشي
قطاع كبير جدا من الشرطة شاايفين ان بتوع التحرير والمؤيدين ليهم اعداء شخصيين ليهم وبقت عقيدة عندهم وان الشعب لازم يتربى
هي دى نوعية الشرطة اللي عايزينة يرجعو يحمونا تاني