ممكن حضرتك تشوف الموضوع دا بيشرح كيفية رفع الصور
http://www.nilemotors.net/Nile/203179-a.html
ممكن حضرتك تشوف الموضوع دا بيشرح كيفية رفع الصور
http://www.nilemotors.net/Nile/203179-a.html
بالنسبه للريش الكبيره ياترى ركبت في نفس القميص؟
وبعدين مش هيفرق لو غيرت الريش فقط لان الموتور كده واحد
الكباس اهم حاجه في المنظومه ولازم عليه ضمان
بالنسبه لبتاع الفبريكا هو من نوع اسمه سابرو لو هو ده يبقى انت 100%
الابنص اللي بيعلي العربية احنا دافعين تمنه ولسا هنركبه الاسبوع الجاي بس انا متعايش من غيره واعتقد ان وجوده مش هيعجبني لكن هقرر بعد اما اركبها
وبالمناسبه الابانص سعره هنا 250 ومنتظين صورك بفارغ الصبر وياريت تقرير كامل
تحياتي
بالنسبة للمروحه الريشة لالكبر فرقت طبعا في تدفق الهةا بنسبة 40% وركبت علي نفس القميص بس هاتعمل حمل علي موتور المروحة بس جايبة نتيجة ممتازه وبالنسبة للكباس انا مش عارف يصراحة اسمة اية بس انا خلعتة من نصف عربية ماروتي اخت بتاعتي بالضبط بالقاعده بتاعتة بالبكره بتاع الكرنك . بالنسبة لتدفق الهواء من الطابلوه انا خليتة من الهوايات اللي في النص بس ولغيت اللي في الجنب عشان يبقي اقوي
الحمد لله تم انجاز التكييف بتاعى امبارح ، طبق الأصل من بتاع حازم ، والنتيجة معقولة جدا ، الفارق الوحيد بين العربيتين هو انى خليت شريف ركب لى زرار منفصل للكباس ، يعنى الكباس ميشتغلش غير لما يكون الزرار بتاعه على أون وزرار المروحة على 1 او 2 او 3
عموما حصلت غلطة بسيطة جدا ف التركيب ، هى غلطة سهل اصلاحها هعملها بنفسى بدل المشوار لكنها كوميدية جدا، هو وصل المروحة بتاعت التكييف مع المروحة بتاعت الردياتير علشان يشتغلوا مع بعض، وانا كنت عامل زرار باى باس على الثرموستات بتاع المروحة علشان لما احب اشغل المروحة يدوى، واصلا دايرة المروحة مربوطة مع دايرة الاشعال(تشغيل الموتور) والوصلة اللى هو وصلها جايبة من البطارية مباشرة عبر الدايرة بتاعته ، فالنتيجة انى لو شغلت التكييف وشغلت الرزار بتاعى مع بعض آجى ابطل العربية متبطلش ، اكتشفتها وانا فى محطة البنزين بعد مار روحت وطبعا جالى حالة هلع بعد ما جيت ابطل العربية مبطلتش غير لما طفيت زرار المروحة، بس بعد قليل من الدراسة عرفت اللخبطة دى جت منين وهى لخطبة غير مؤثرة وكل اللى محتاجاه انى اركب كتاوت ب 10 جنيه لفصل هذة الدائرة عن تلك، بس هعملها يوم الجمعة وحاليا بطفى التكييف وزرار المروحة قبل ما ابطل العربية لحين ضبط الدايرة، وكدة كدة الواحد اصلا بيفصل الحاجات دى قبل ما يبطل العربية
لكن التبرييد معقول والتأثير علىالسحب عادى خالص زى اى عربية صغيرة، والتأثير على سخونة السيارة برضه مقبول وفى الحدود الآمنة
مجهود هايل بجد
كنت بسال هو ايه نوع الكباس و لو عندك صوره مقربه اكتر ليه عشان عاوز اتاكد من حاجة و شكرا جزيلا
الكباس ساندن SD 505
حازم حاطط له صورة فى التقرير
ودى صورة اخرى له
http://acpartsguys.com/yahoo_site_ad...820924_std.jpg
http://i586.photobucket.com/albums/s...r/DSC_0151.jpg
يعني نستلف القرشينات ونتوكل على الله؟
الموضوع يستحق التكلفة؟
هو عادة كباس السيارة مش بيتحسب بالامبير لأنه مش على محرك كهربى ولكن مربوط مباشرة على محرك السيارة لكن دة مجموعة من المواصفات اللىانا لقيتها للكباس، هو المفروض التكييف على بعضه بيتحسب بحاجة اسمها الوحدة الحرارية البريطانية BTU لكن انا لسة مش لاقى الكباس ده كام بى تى يو ، سعره منفصلا معرفهوش لأنى اشتريت التكييف على بعضه مونة واجرة بكباسه بتلاجته بسربنتينته بخراطيمه بضفيرته بتركيبه بتشغيله، لكن الكباس سعره بره فى حدود 50 دولار، يعنى قول فى مصر مفروض يكون فى حدود 750 جنيه بعد الشحن والجمارك ومكسب التاجر(أنا طبعا معرفش التجار بيمصلحوا قد ايه فى الليلة دى لكن ده توبه)
SD505 COMPRESSOR
Goods name : SD505 5H09 auto sanden compressor
MODEL: INTL-505-1
Compressor Type: SANDEN
Vehicle Application: Universal
Refrigerant:R134a OR R12
Clutch: 125 / A2
Displacement (cm3/r): 87
Voltage(Dc.V):12v
Num. Of Cylinder: 5
Weight(kg): 8KG
Bore(mm):35
Grooves:2A
cooper coil
high quality bearing