ايه الفرق بين بنزين 92 و95 فى امبريزا 2007

**H_A_T_Em** · 27-05-2011 05:40 AM

تم تجربه ال٩٥ و فعلا اكتر شيء كان ملاحظ انه بيفرق في الاستهلاك يعني لو ال ١٠ لتر ٩٢ يعملو ١٠٠ كيلو مثلا ممكن ال٩٥ يعملو ١١٥ او ١٢٠ و لاحظت بردو ان نوع البنزين بيفرق يعني بالنسبالي شيل و امارات مصر انضف من موبيل و توتال و ده بيبان في السحب طبعا المهم انا كنت قريت عن منتج اسمو fuel charger وكنت قريت انه بيحسن سحب العربيه و بيوفر في البنزين فهل حد عنده فكره عن المنتج ده او منتج مشابه و استفسار اخر هل حد يعرف اما لمبه البنزين بتنور بيبقي فاضل كام لتر بنزين و لكم جزيل الشكر

**khalid_adel** · 27-05-2011 11:06 AM

بص هو فيه محسنات بنزين كتير ومفيش حاجه منهم اكيده بس اقدر اقولك ان احسن نوعين عن تجربه كان رقم واحد stb العبوه السيلفر وده بحوالة 67 جنيه تقريبا واللي بعديه كان (مش فاكر اسمه دلوقتي) بس هو عبوه ضخمه كده لونها ازرق غامق ومكتوب عليها save ودي ب 58 جنيه تقريبا
الاوكاتن بوستر ده محدش شكر فيها قبل كده ومجربتوش اصلا
لما لمبه البنزين تنور يبقى العربيه فيها حوالي 8 لتر بس نصيحه بلاش تمشي عليهم لان انت عارف البنزين المصري فيه خطوره على الرشاشات والطلمبه ومش ناقصه فياريت متنزلش عن اخر شرطه

**khalid_adel** · 30-05-2011 04:40 PM

لا الاحسن طبعا تغيرها
1-عشان البورده الاصلي تفضل موجوده (لو حبيت تبيع)
2-عشان البورده الاصلي حتعيق تركيب سماعات ( فيها منحنيات كتير)
3- البورده العموله حتبقى خشب وسمك اكبر يعني اداء افضل بكتير
المهم بقى لازم اللي يعملهالك يكون شغله كويس اوي ونضيف لانها صعبه شويه (عايزه شغل عالي)

**ezzstein** · 05-09-2011 04:05 AM

يا جماعة انا معايا عربية كيا سيراتو الشكل القديم موديل 2009 بفكر ابيعها و اجيب امبريزا موديل 2007 ايه رايك هي الامبريزا حلوة وصيانتها سهلة و سلسة ولا ايه ارجو الرد للافادة و ايميلي اهو كمان
ezzstein@hotmail.com

**khalid_adel** · 05-09-2011 12:48 PM

رديت عليك في موضوع سابق
http://www.nilemotors.net/Nile/188019-2007.html
وعلي فكره موديل 2007 قطع غيارها معمره جدا جدا جدا واسأل مجرب 4 سنين كاملين فحت وردم بمعني الكلمه ولما بيعت العربيه كانت حالتها كانها زيرو مش زي العربيات الكوري وحتي اللانسر والكورولا (نفس الموديل اللي كان مع اصحاب ليا)