الموضوع: رابطة مالكي الشارك- لانسر 2008 : 2012

اخبار العزل بتاع الشارك ايه
هل صوت الموتور وصوت الكاوتش على الطريق مسموعين وانت قافل الزجاج
واستهلاكها للبنزين عامل ايه ؟

المشاركة الأصلية كتبت بواسطة eng_hatemfathy

بصراحه سىء جدا وبسمع صوت الكوتش مع اختلاف نوعية الاسفلت تحتى كأنى راكب عجله وبالنسبه للبنزين حاسس انها بتشرب بنزين ومش عارف امتى هتتحسن زى ما الشباب بتقول يعنى انا محسبتش فى اول تانك وبعدين فضيت التنك وفولت وبدأت احسب اول مره كانت عامله 230 كم فى الصفيحه وتانى مره 215 والمره دى متهيألى مش هتعدى 200 او 210 زى ما انا شايف
وبعدين فى حاجه كنت عايز اعرف اخبارها ايه عند شباب الشارك نفسى اعرف النقلات بتبقى على كام ار بى ام والار بى ام المكافىء لكل سرعه يعنى عندى ال 100 عند 2750 ار بى ام وال 120 عند 3250 ار بى ام وال 140 عند 3800 او قرب ال 4000 ار بى ام فهل ده عادى ولا مختلف عن العربيات التانيه-فعلا محتاج اطمن واعرف امتى هتظبط بنزين

لو ده الاستهلاك داخل المدينه, كده طبيعى,
خارج المدينه لما بثبت 100 العربية بتعمل 330 كم فى الصفيحه, لو ثبت 90 بتعمل 360كم فى الصفيحة
الٌ rpm اللى عندك ده طبيعى

السلام عليكم
انا اخوكم عبد العزيز من مرسى مطروح نمرتي 01000558484
انا عندي شارك هاي لاين 2008 خليجي اوتوماتيك كانت عامله يوم ما اشتريتها 115 الف
انا ما ليش في العربيات و اول مرة اشتري عربيه ( يعني معلوماتي صفر في العربيات ) و بصراحه انا بحب العربية دي جدا و عاجباني
المهم ... مجمل اللي اتعلمته من العربية عشان طلع عيني في كذا موضوع و انتوا عارفين دار الإفتاء بتتفتح على البحري من ميكانيكية و سمكرية و كهربائي واصحابك و... و... و.... ، نصيحي و معلوماتي عن الشارك كالآتي :
- الموتور بتاعها اوروبي يعني ايه اوروبي يعني هتلاقي نوع فلتر الزيت الماني دوخت عليه بره ماليقتوش جبته من التوكيل ب75 مكتوب عليه بخط صغير كده MANN filter w67 يعني للي عاوز يجيبه من بره ، و طقم البوجيهات الماني بردو ( بوش بـ 490 من التوكيل و لسه ما جيبتوش ) و بياخد الموتور 5 الا ربع زيت موبيل وان العشر الاف كيلو " و بالنسبه للتغيير الزيت مالوش دعوه باللون نهائي اهم حاجه اللزوجه بتاعته و انت بتقيسها لازم تكون لسه طافي الموتور عشان تقيسها و هى سخنه لأن معامل موبيل بتقيس اللزوجه على درجه 100 مئوي مش اقل من كده و انت بتشتري الزيت اشتريه من مكان و ذاكر الجركنين كويس و اتاكد من الصلاحية و غيرالزيت عند واحد تاني ( في مطروح الا 4لتر ب 265 ج و ال 1 لتر لوحده ب 75 ج)
- "عشان اتلسعت في موضوع EXXON MOBIL ده "
محرك سعتة 1500 سى سى
MIVEC
16-valve
DOHC
حقن إلكتروني
يعطى 109 حصان عند 6000 لفة/دقيقة
و عزم قدرة 143 نيوتن عند 4000 لفة/دقيقة
و طبعا لو عاوز تنضف الموتور قبل تغيير الزيت تجيب ازاتين MOTOR FLUSH امريكاني الواحده ب 15 ج و لازم تستنى الموتور يبرد و تكون العلامة مظبوطة و بعد كده تحد الازازتين و تشغل العربية لمده 5 دقايق بالظبط لا أكتر و لا أقل بس اوعى تحركها و بعد كده تنزل الزيت القديم و الفلتر طبعا
- المساعدين الامامي واحد منهم كان جايب زيت " طلع في نوعين من المساعدين : زيت أو غاز " بتاع الشارك غاز في التوكيل ب 2800 و في الحرفيين 2000 جبت طقم من مطروح ياباني بـ 1200 و شغال معايا تمام مفيش اي مشكلة و غيرتهم عند عفشجي
- فلتر الهوا بيتغير كل 40 الف من التوكيل ب 290 من بره ب 115
- زيت الفتيس بتغير كل 40 الف و نوعه MOBIL ATF 220 ده بالنسبه للأتوماتيك لونه كده احمر وردي الليتر منه ب 25 ج بره في التوكيل ب 75 ج " العربية بتاخد 5 ليتر بالضبط "عاوز تغير بره عند اي حد بغير زيت و عنده مكنه شفط يشفط القديم كويس " تقيسهم ادامك 5 ليتر بالتمام و الكمال" و يحط الجديد
- زيت الفرامل " دي سهلة " لازم يكون يا DOT 3 أو DOT 4 في التوكيل ب 20 جنيه و بره ب 15 ج و يتغير او يتزود بس لما تلاقي منسوب الزيت أقل عن علامه MAX " انا اللي عندي سينيكون ياباني ب 15 ج دوت 3
- طبعا الباور ستيرينج بتاعها كهربا يعني مالوش زيت " الحمد لله "
- ميه الرادياتير لازم تكون خضرا " اللي جبتها ABRED امريكاني الجركن 3.6 ليتر ب 30 ج و كل فترة كده لما تلاقي العلامه بتنزل ابقى زودها.
- الكاوتشات بتاعتها DUNLOP ياباني و اهم حاجه مقاسها اللي هو 205/60 R16 92H و لازم الارقام دي تكون مكتوبة على الكاوتش و سعر الواحد 700ج بس اللي جبتهم انا لما غيرت الاربع فرد كان TOYO ياباني بنفس التمن بردو و بيتغير كل 60 الف او 40 الف على حسب طرق اللي انت فيها
- اهم حاجه في الكاوتشات انك بعد اول 10 آلاف كيلو تغير الامامي يمين يبقى خلفى شمال و العكس الامامي شمال يبقى خلفي يمين و بعد العشر الاف التاني تجيب الامامي يمين مكان الخلفين يمين بردو لأن العربيات دي دفع امامي " دي قرأتها في كاتالوج لشركة هانكوك للاطارات"
- طبعا يستحسن تجيب البلف بتاعهم حديد ب 15 ج في مطروح و النفخ طبعا نيتروجين على 30 احسن من الهوا ميه مرة
- ترصيص لو سبور يبقى رصاص لزق و ده احسن من الكبس " ده لو لقيت التارا بتعمل بتتهز بعد 120 و ضبط الزوايا نفس الكلام بيبان في السرعات العاليه .
- اهم حاجه لمبة الشيك الصفرا "اللي هي لمبة الأعطال MIL " لما تطلع يعني ايه ؟؟!!!
يعني نسبة خروج الغازات من العادم بتاع العربية مش مظبوط احد سببه الشائع و خصوصا في الشارك و ده حصل معايا " تحس ان العربية مكتومة و كل ما تدوس بنزين تلاقي الار بي ام ما يزدش عن 2000 لفة " حاجه مرعبة صح " و شويه تبقى العربية عادي و تلاقيه في مرة عملت الموضوع ده تاني .. ايه السبب و ايه الحل .؟؟!!!!
السبب : هو بوابه الحقن اتوسخت جامد عشان فلتر الهوا مش اصلي او ما تغيرش في ميعاده و ده غير طبعا طبيعه المكان اللي انت فيه " مطروح يا جماعه صحراء و اي شوية هوا يعفروا الدنيا و يملوها تراب "
و السبب التاني و الاهم ان العربية دي لازم تحطلها بنزين 95 "مكتوب على غطا التانك " و احنا في مطروح مفيش 95 و لو في مش هاحطه بردو
الحـــل : كل فتر تعمل تنظيف بوابة الحق عند كهربائي شاطر " كهربائي مش ميكانيكي بس هاتجيب سبراي تنظيف الكاربيراتير مرسوم عليه تور احمر كده " مش فاكر اسمه بالضبط " ب 25ج و تاخد بالك و الكهربائي بيفك ازاي و احفظ الطريقة و اعملها انت أو تروح التوكيل و هاتكلفك بالظبط 90 و 15 خدمه شاملة سائل التنظيف .
- و دي شوية اسعار حاجات جبتها من توكيل المأمون لما كنت بكشف على العربية " 200 ج الكشف " :
1- مساعدين خلفي 1400
2- فلتر هوا 296 كل 40 الف
3- زيت فتيس 350 كل 40 الف
4- بوجيهات 490 كل 100 الف
5- فلتر البنزين 780 كل 100 الف
6- سير مجموعه الدينامو 220 كل 100 الف
7- طنابير اماميه 1450
8- تيل فرامل 500
9- مفتاح بالشفرة 1200
- بس و لو افتكرت حاجه تاني هابقى اكتبها " عشان ايدي وجعتني "
- يا ريت عند طلب لو حد هاينزل الحرفيين يسألي على دوووول ضروري و نمرتي 01000558484 " دوخت عليهم في مطروح و ش صلاح الدين بتاع اسكندرية و ماليقتشهومش" :
1- بوجيهات البوش الالماني بكام الاصلي بتاعتها
2- تيل الفرامل الاصلي " امامي و الخلفي "
3- الطنابير الاستيراد بكام
4- كاوتشات الكوبلن بكام
5-فلتر البنزين الاصلي بكام
6-سير المجموعه الاصلي بكام
- ياريت اكون افدت الجميع " عن تجربة شخصية و الله مش أكتر "

شوفت بقى عربيات آخر زمن