الموضوع: مشكلة صغيرة (وعايز اعرف هل انا غلطان )

مشكلة صغيرة جدا
وهى
انى مرتبط ببنت وعاوز اخطبها والدنيا تمام وكل حاجة
وانا متفائل فى ربنا خير
اولا انا بشتغل شغل ثابت مرتبى نسبيا كويس مع احتمال (اشتغل تانى بعد الشغل علشان اقدر اجمع فلوس اكتر بعد الخطوبة )
الوالد كان واعدنى بشقة وحالتة المادية متدهورة بقالها فوق 10 سنين
فقررت انى احاول اقنع السكان عندى انى ابنى شقة بدون سقف يعنى هسقف جمالون واعمل بعد كدة تحتية اى شغل تانى يدارية
تجنبا للهدد (معايا مبلغ خاص بى اقدر ابنى بية الشقة والسقف بدون تشطيب )
المهم انا بقالى مع البنت حاليا داخل فى سنتين وبصراحة مستتقل نفسى اوى وانا اتخنقت من نفسى بسبب الموضوع دة
طبعا انا رحت لااهلها لوحدى زيارة تعارف مرة من مدة طويلة وطبعا اهلها منتظرين انى اجى تانى ومجتش
اهلها سهلولى حاجات يعنى وسط الكلام فهموا انى لوحدى ومحدش هيساعدنى قالوا عارفين الوضع بالشكل دة(ابنهم الكبير نفس ظروفى يعنى بيعمل نفسة بس الشقة استلمها من اهلة على الطوبة ولسة كات كتاب ودخل فى السنة الرابعة وهو متفق على ثلاثة ) ومفيش مشاكل طالما انك ناوى خير ربنا هيقف جنبك لو البنت من نصيب وطلبوا منى انى اجيب اهلى واقرا فاتحة بدون دهب او حاجة ولما تيجى الشقة نبقا نتفاهم فى الحاجات دى مش هتفرق
وكلام من دة
اهلى بقا رافضين يروحوا من غير الشقة ورافضين انى ابنى علشان خايفين تتهد ودلوقتى بقت الحجة
(هتخطب دلوقتى ويعملوا البحر طحينة وبعدين هيطلعوا عنيك وتقولنا ساعدونى وبعد ماتتجوز هتقولنا ساعدونى )
وكلام من هذة الشاكلة فا قلت انا لو لقيت نفسى مش هقدر اكمل والدنيا باظت او حسيت من اهلها كلام ملوش لازمة هفسخ بس المهم عندى اكون رضيت ضميرى من ناحية البنت علشان هى فعلا فى خلال الفترة دى مزعلتنيش مرة مشوفتش عليها حاجة بتعمل الى يرضينى قدر امكانها شوفت منها كل شىء كويس
بصراحة مبقتش عارف اعمل اية انا مش عاوز اظلمها ومش عاوز اسيبها من غير على الاقل لما اروح لها البيت
(على فكرة دة مش اول ارتباط ليا علشان محدش يقول انى ولهان ولا حاجة بس انا اول واحد ليها ودة انا متأكد منة وانا مش مراهق انا سنى 26 يعنى اظن انى عديت المرحلة دى )
اسف انى طولت بس بحاول احكى من كل الجهات علشان اوضح ياريت المساعدة
وانا معاكم فى اى استفسار

المشاركة الأصلية كتبت بواسطة masterzmind

البنات مش لقين جواز والرجل من الاخر عاوز يستر البنت لو فعلاا ناس كويسة ان شاء الله هيسعدوك وصلى استخارة وكل شىء هيبقى تمام او ممكن تعمل حل تانى ممكن تخليهم يصبرو شوية تكون دبرت حالك عشان كمان بنى وبينك مفيش بنات كويسة فى الزمن دة كلوة صاحب وكلو مشى وكلو خرج وكلو ......... مش هينفع بقى اقول انت فاهم اكيد.... من الاخر برضو خلى فى اعتبارك مش هتلقى زيها اوى نادرااا يعنى

بص بصراحة الموضوع مش اكتر من انى شايفها بنت كويسة وتستاهل خصوصا انى مشوفتش حاجة وحشة منها نهائى فعلا

المشاركة الأصلية كتبت بواسطة mr_vampire

معلش ياباشا انا هتكلم معاك بصراحة شوية : بصراحة رأي اهلك هو اللي غير منطقي فعلا خالص. يعني المعروف ان اهل العريس هما اللي بيبقو بيزقو الحوار واهل العروسة هما اللي بيأجلوه لحد مايطمنو علي بنتهم انما في الحالة ده الوضع مقلوب خاااااااااااااالص.

-يعني خلصنا من عقدة وسبب عنوسة البنات وتأخر سن جواز الشباب عشان طلبات اهل العروسة اللي بتقتم وسط شاب لسة بيبدء حياته. هيطلعلنا حسابات اهل العريس اللي لسة في علم الغيب ( هتيجي تقولنا ساعدوني زي ماقولت ).

--توكل علي الله وزي مالشباب روح قول لأهل البنت انا حدودي كذا وكذا وكذا عشان متبقاش خدعت حد. واتكلم مع اهلك ان الواحد يعمل اللي عليه ويسيب المستقبل لله.

دة الى انا مستغربلة انهم بيفكرو فى حاجة فى علم الغيب
انا بقول انى اول ما اخطب هشتغل بعد الظهر علشان الحق اشطب قبل الميعاد وهعمل خطوبة على قدى
وهقول ظروفى لكنهم مش مقتنعين هما الى فى دماغهم دة بيوصلنى لمرحلة عصبية غريبة
يعنى انا بقول لنفسى انا هعمل الى عليا والباقى بتاع ربنا محدش بيقدر يحسب كل حاجة
مش عارف اتصرف معاهم ازاى

المشاركة الأصلية كتبت بواسطة syd

خير البر عاجله
طير هات شقة ايجار جديد
اتجوز
لما المرتب يكبر وانت علي كلامك هتشتغل بعد الظهر شغل تاني
احجز تبع اسكان الشباب ولا دوور علي ايجار قديم او اتصرف بقرض من اي حتة
المهم طالما بتحب والبنت واهلها شاريين اوعي تفوت الفرصة الحاجات دي مش بتقعد
استخير ربنا
واذا عزمت فتوكل علي الله
واوعي تفتكر ان مشكلتك في المباني
بالعكس
absolutely
مشكلتك في التشطيب
الاسمنت سعره مولع والسيراميك والدهانات والنجارة والسباكة والصنايعية
وموواويل
المهم هات الشقة حتي لو قانون جديد ودبلتين واخطب البنت الي بتحبها وربك كريم اوي وقبل اي حاجة رضا ابوك وامك تأكد من ذلك
والله المستعان

قانون جديد مش عاوز لكن ممن ايجار قديم رغم انى كنت عاوز ابنى علشان ابقا فى بيتى والكلام دة