حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

**otefa** · 03-05-2011 02:30 PM

الله ينور عليكي هو ده الزي الأقرب للزي الأسلامي

**heshamzaky** · 03-05-2011 02:34 PM

المشاركة الأصلية كتبت بواسطة زينة الله

أعتقد إن المسلمين لما كانوا بيحاربوا كابوا بيلبسوا بنطلون لسهولة ركوب الخيل وفوقه قميص طويل

ولما كان يجى وقت الصلاة كانوا بيصلوا بلبسهم طالما طاهر من النجاسة ويستر العورة

والأرض كلها مسجد للمسلمين مش الجامع بس

وديننا سهل وواسع ومافيهوش تحبذ لأن العبادة مفروضة على الكل بالزى الشرعى دون تحديد وتقييد نوع أو أسم لهذا الزى الشرعى

ما الهندى والباكستانى بيصلوا بالبنطلون والقميص الباكستانى وكل حسب طبيعته عشان كدا الاسلام انتشر أنتشار كبير

وعلى فكرة الجلابية موجودة من قبل الميلاد اللى يقرأ موسوعة قصة الحضارة لول ديورنت (جزء المسيح والرومان )

حيلاقى إن أصحاب حضارة قرطاجنة - الأمبراطورية القديمة اللى كانت تسيطر على البحر المتوسط (تونس حاليا)

كانوا يلبسون الجلباب و يطلقون اللحية ويحفون الشارب ::: ومن أبطالهم " هنيبال " أكيد كلنا نسمع الأسم لكن مانعرفش هو مين

كلامك صح و طبعا هانيبال دة غير هانيبال بتاع فيلم أنتونى هوبكنز

**otefa** · 03-05-2011 02:35 PM

رابط المشاركة
على حد معرفتي
مثال للزي الأسلامي
لاحظ البنطلون واسع وليس مجسم
القميص طويل
أو الأسهل عند كثير الجلباب والسروال فهو أضمن لستر العورة

**CryptonX** · 03-05-2011 02:37 PM

المشاركة الأصلية كتبت بواسطة aif

تخيلوا معايا كدة .... مجرد خيال
ان الموضوع حصل بشكل عكسي
تخيلوا لو تم منع دخول المساجد لمن يلبس البنطلون
....
كان ايه يبقى رد الفعل
1 - سلفيين متشددين .... وهابيين تكفيريين .... اسامة بن لادنيين .... انتحارييين ..... اخوانيين .... لا يعترفون بالآخر .... اعداء الحريات ..... هو ربنا بينظر للناس بملابسها ؟؟؟؟ المهم ما في القلوب
2 - فئة اخري ستطالب بمعاقبة هذة القلة الضالة واستتابتهم لتحقيق مبدأ المواطنة في بلدنا الغالي .... كفر الشيخ

3 - فئة اخرى لن تعلم اساسا باقرار لأنها لا تفكر في الدخول للمساجد
4- فئة اخري وهم الاكثرية ح يقولو ..... الحمد لله انها جت منهم ... انا اصلا الجلابية بتكعبلني وتعملي تسلخات

الجامع غير مملوك لاحد او يعتبر بيت الله .

النادي ملكية خاصة بشروط و قوانين خاصة حضرتك بتوافق عليها بمجرد اشتراكك او امضائك على عقد التعاقد .

يعني بصراحة لو المهندس لقي في عقد الاشتراك او قوانين و شروط النادي بند ممنوع الجلابية لا يلوم الا نفسه .

لانه كالعادة مفيش حد بيقرا حاجة هنا .. لا شروط ولا قوانين و حتى دليل استعمال !

ابسط مثال المنتدى ؟ كام واحد قرأ قوانينه ؟

انا بصراحة عمري ماقرتها ... عرفتها لما اتبطقت عليا وعلى غيري بس :)

وطلاما اتشرتك .. بتعمل علامة " صح " على اوافق على شروط الخ الخ الخ

وتجيش بعد متوافق تقول اي ده انتم ازاي تعملوا كدة ؟؟؟؟ و ازاي وازاي ! طب امال انت وافقت عليه ؟

لو في فعلا فضية تستدعي التغيير في هذه الحالة الجلابية ممكن تطلب تقابل القائمين على المكان و تطلب تعديل او تجديد ... زي بالظبط قسم المقترحات الي عندنا ...

فيه تعديلات بيبقى ليها اولية بتتم او على مقدرة المنتدى و في تعديلات كريم منير بينفضلي و ليكوا فيها :) و حقوا طبعا هو ادرى بشؤوون المنتدى اكتر منا !

بس مش حاجي اقول يا ادارة بنت كذا في كذا !! و اتخانق مع كريم !
طب منا اتوقفت ماشاء الله مرتين او تلاتة ! خالفت قاعدة ! او قاعدتين !

هل حملت ضغينة .؟؟ ممكن ساعتها اه ساعة الوقف ... وساعات بقول مش راجع تاني و مش عارف ايه بس في الاخر بمتثل لقوانين المكان علشان انا عايز منه حقوق و واجبات (كاستمتاع او تعلم ) بس لازم يكون عليها حقوق برده و شروط !

---

**heshamzaky** · 03-05-2011 02:41 PM

المشاركة الأصلية كتبت بواسطة otefa

الله ينور عليكي هو ده الزي الأقرب للزي الأسلامي

معلش سؤال هو فية زى أسلامى أنا اعرف لبس الاحرام فى الحج .
بص المشاركة دى منقولة .................

كان رسول الله صلى الله عليه وسلم

1- يلبس القميص وكان أحب الثياب إليه، وكان كُمّه إلى الرسغ
- القميص كما في العربية هو الطويل من الثياب إلى الكعبين أو نحوه، وليس القميص المعروف عندنا ذو إلى السرة أو نحوه.

2- يلبس الجُبّة
- والجُبّة في لسان العرب: ضَرْبٌ من مُقَطَّعاتِ الثِّيابِ تُلْبَس وهو إسم من أسماء: الدِّرع

3- يلبس الإزار والرداء ، قال الواقدي: كان رداؤوه وبرده طول ستة أذرع في ثلاثة أشبر وشبر.

4- يلبس السراويل

5- يلبس العمامة وكانت له عمامة تسمى : السحاب كساها علياً
- العمامة كما في المعجم الوسيط ما يلف على الرأس

6- يلبس تحت العمامة القلنسوة وكان يلبس القلنسوة بغير عمامة ويلبس العمامة بغير قلنسوة
- القلنسوة كما في المعجم الوسيط لباس للرأس مختلف الأنواع والأشكال.

7- إذا اعتم أرخى عمامته بين كتفيه ، وكان يرخي الذؤابة من خلفه تارة ، ويتركها تارة، وأحيانا يتحلى بالعمامة تحت الحَنك

[frame="9 90"]وهناك أنواع أخرى لم أذكرها خشية الإستطراد وإنما الغاية لم يخصص الاسلام زي معين للرجل لكن هناك بعض الامور يجب ان يراعيها :

نهى عن الأحمر البحت و نهى عن اللباس المعصفر للرجال

4- ونهى عن التختم بالذهب للرجال واتخذ خاتماً من فضة ولم ينه عنه للرجال والنساء

5- ولم ينقل عنه أنه لبس الطيلسان ولا أحدٌ من أصحابه

6- نهى عن الحرير للرجال
7- الإبتعاد عن الشهرتين من الثياب: الغالي و المنخفض (الغالي من الثياب الفاخرة بل ويشمل لبس الخشن إن قصد به الشهرة والخيلاء )[/frame]

**aif** · 03-05-2011 02:46 PM

المشاركة الأصلية كتبت بواسطة human12

الفرق بس ان الجامع بيت الله و ماحدش يقدر يمنع حد انه يخش بيت لله
النادى ليس كذلك يا عزيزى
مقارنه ليست فى محلها

ما هو انا عشان كدة باقول مجرد خيال .... وان كان البنطلونات الايام دي لا تصلح اساسا للصلاة .... انا احيانا باترك مكاني في المسجد علشان بيبقى قدامي واحد بيسجد وعورته مكشوفة ....

المشاركة الأصلية كتبت بواسطة otefa

البنطلون بدون قميص طويل فوقه طبعا فيه مخالفة صريحة لستر العورة
ربنا يتقبل منا ويغفر لنا سهونا أو تقصيرنا

ده اللي باقصدة بالظبط

المشاركة الأصلية كتبت بواسطة heshamzaky

طب السؤال هل الجلباب هو الزى المفضل و الرسمى لدخول الجامع طبعا لآ
هل فية حاجة فى الدين تحث و تفضل أرتداء الجلباب أعتقد لآ برضو
هل العرف و المتعارف علية أن ممنوع دخول الجامع لمن يرتدى بنطلون برضو لآ
يبقى القصة مش ممكن تقيسها كدة

ونفس السؤال برضه باوجهه لحضرتك ....
طب السؤال هل البنطلون والتيشيرت هو الزى المفضل و الرسمى لدخول النادي طبعا لآ

يا باشا لا المسجد له لبس معين ولا النادي كمان
المهم يكون اللبس لا يكشف عورة ولا يفسرها ولا يسيء لشعور احد
هو انت لما بتشوف حد لابس جلابية بتشعر باشمئزاز مثلا ..... ما الاقاليم والصعيد لابسين جلاليب .... والخليجين لابسين جلاليب والشيوخ لابسين جلاليب وكاكولا والقساوسة لابسين جلاليب سوداء
هي الجلابية بقت كلمة أبيحة ولا حاجة

انتو محسسيني ان اللي لابس جلابية كأنه لابس فروة خروف او جلد نمر من العصر الطباشيري
يعني شيخ الازهر لو راح يفتتح مسجد النادي زي ما بيحصل دايما ..... ح يجرح شعور الناس ال.... أنتي جلابية

.....
حلوة الـ أنتي جلابية دي ....... ممكن يبقى مصطلح جديد .... بس افتكرو اني صاحب حق الاختراع

**heshamzaky** · 03-05-2011 02:52 PM

المشاركة الأصلية كتبت بواسطة otefa

ماشي ياباشا
ثم أنا مابلبس جلابيات أصلا هههههههه
هي الفكرة في موضوع بسيط زي كده عايزين نقيد حريات بمزاجنا من غير قوانين مسببة
فما بالك في أنتخابات ومصالح سياسية ده الناس هاتقطع بعض لو مافيش ضوايط ووعي بدولة المؤسسات والحريات ههههه
فالموضوع طول مش بسبب الجلبية نفسها بس علشان مبدأ المرجعية ألي هانحتكم ليها في تحديد مايصح ومالايصح ويمنع
تحياتي

ههههههههههههه تصدق و تأمن ب الله أنا أولادى صغيرين فضلو يزنو عاوزين جلاليب روحت أشتريت لهم جلاليب و بيشعرو بمنتهى الفرحة لو نازلين يوم الجمعة لابسين و مطقمين الجلاليب البيضاء وقت الصلاة و ساعت صلاة العيد الزى كامل عايزين الجلابية مكوية و الطاقية المتينة و بنطلون أبيض يحت الجلابية و تتكوى من ب الليل علشان صلاة العيد .
أنت عارف أنا الى مضايقنى أن بعض الناس متخيلة أننا لما بنقول كدة يبقى الجلابية حاجة مش قد المقام مثلا و لا دى مخصصة لفئة معينة و حاسين أن فية تميز عنصرى طب لية كدة . هى الجلابية حا تقلل شأن الى لابسها أكيد لآ و لا حا تزودة و تديلة وقار و هيبة عادى لبس زى أى لبس بس المهم أبقى عارف ألبس اية فين و أمتى

**aif** · 03-05-2011 03:00 PM

المشاركة الأصلية كتبت بواسطة cryptonx

الجامع غير مملوك لاحد او يعتبر بيت الله .

النادي ملكية خاصة بشروط و قوانين خاصة حضرتك بتوافق عليها بمجرد اشتراكك او امضائك على عقد التعاقد .

يعني بصراحة لو المهندس لقي في عقد الاشتراك او قوانين و شروط النادي بند ممنوع الجلابية لا يلوم الا نفسه .

لانه كالعادة مفيش حد بيقرا حاجة هنا .. لا شروط ولا قوانين و حتى دليل استعمال !

ابسط مثال المنتدى ؟ كام واحد قرأ قوانينه ؟

انا بصراحة عمري ماقرتها ... عرفتها لما اتبطقت عليا وعلى غيري بس :)

وطلاما اتشرتك .. بتعمل علامة " صح " على اوافق على شروط الخ الخ الخ

وتجيش بعد متوافق تقول اي ده انتم ازاي تعملوا كدة ؟؟؟؟ و ازاي وازاي ! طب امال انت وافقت عليه ؟

لو في فعلا فضية تستدعي التغيير في هذه الحالة الجلابية ممكن تطلب تقابل القائمين على المكان و تطلب تعديل او تجديد ... زي بالظبط قسم المقترحات الي عندنا ...

فيه تعديلات بيبقى ليها اولية بتتم او على مقدرة المنتدى و في تعديلات كريم منير بينفضلي و ليكوا فيها :) و حقوا طبعا هو ادرى بشؤوون المنتدى اكتر منا !

بس مش حاجي اقول يا ادارة بنت كذا في كذا !! و اتخانق مع كريم !
طب منا اتوقفت ماشاء الله مرتين او تلاتة ! خالفت قاعدة ! او قاعدتين !

هل حملت ضغينة .؟؟ ممكن ساعتها اه ساعة الوقف ... وساعات بقول مش راجع تاني و مش عارف ايه بس في الاخر بمتثل لقوانين المكان علشان انا عايز منه حقوق و واجبات (كاستمتاع او تعلم ) بس لازم يكون عليها حقوق برده و شروط !

---

كريم باشا ..... واحشنا في الاجتماعي من زمان
طبعا بيت الله لا يمكن مقارنته بالنادي وعلشان كدة انا باقول مجرد خيال ...يعني كان مجرد سخرية من فكرة منع لبس معين في مكان
لكن النادي مش ملكية خاصة
ده ملك النقابة يعني ملك جموع المهندسين .... يعني ملكية عامة للمهندسين
والقانون اللي بيقول ممنوع الجلابية ده قانون وضعه بعض الناس .... مش كلهم ولا اغلبهم .... بمعنى أصح تعليمات امن الدولة بعدم دخول قئة معينة .... زي برضه عدم دخول الملتحين نوادي الجيش
يعني مش كلام منزل في القرآن ....
لكن انا مجرد ذكرت موضوع الجامع لبيان الحرية الشخصية في الملبس ....
انا من حقي البس الزي اللي يعجبني طالما مش خارج عن الآداب العامة ..... من غير ما حد يطهدني ويمنعني من شيء لمجرد ان لبسي مش عاجبه
ممكن الكلام ده يبقى في ممارسة لعبات رياضية .... لكن مش في نادي اجتماعي رياضي ثقافي
...
...
لما يبقى فيه استفتاء من جموع المهندسين اللي هما ملاك النادي على شيء من هذا القبيل يبقى الكلام ده يعمم بناء على طلب الاغلبية .... لكن مش بمزاج فلان بيه بتاع امن الدولة
....
المفروض ان حرية الملبس مكفولة للجميع .... فيما لا يتجاوز حريات الآخرين
انا عمري ما فكرت اروح اي نادي او مكان عام بجلابية ..... لكن شكلي ح أفكر بجد ..... حقي

**heshamzaky** · 03-05-2011 03:02 PM

المشاركة الأصلية كتبت بواسطة aif

ما
ونفس السؤال برضه باوجهه لحضرتك ....
طب السؤال هل البنطلون والتيشيرت هو الزى المفضل و الرسمى لدخول النادي طبعا لآ

يا باشا لا المسجد له لبس معين ولا النادي كمان
المهم يكون اللبس لا يكشف عورة ولا يفسرها ولا يسيء لشعور احد
هو انت لما بتشوف حد لابس جلابية بتشعر باشمئزاز مثلا ..... ما الاقاليم والصعيد لابسين جلاليب .... والخليجين لابسين جلاليب والشيوخ لابسين جلاليب وكاكولا والقساوسة لابسين جلاليب سوداء
هي الجلابية بقت كلمة أبيحة ولا حاجة

انتو محسسيني ان اللي لابس جلابية كأنه لابس فروة خروف او جلد نمر من العصر الطباشيري
يعني شيخ الازهر لو راح يفتتح مسجد النادي زي ما بيحصل دايما ..... ح يجرح شعور الناس ال.... أنتي جلابية

.....
حلوة الـ أنتي جلابية دي ....... ممكن يبقى مصطلح جديد .... بس افتكرو اني صاحب حق الاختراع

الاجابة على السؤال الاول أيوة البنطلون و القميص أو التى شيرت هو المفضل لدخول نادى و ليس زى رسمى و يلية الملابس الرياضية لو حا ألعب رياضة دى مفيهاش حاجة و أعتقد الناس حا تتفق عليها
لية الاحساس الى واصل للناس أن الجلابية بتتقال كأنها حاجة أبيحة
و أنا عارف الجلابية و الكاكولا و الجبة و القفطان و العمة و المز و الطاقية أم حيطة كمان و احب أقولك و أنت سيد العارفين طبعا أن تمن الكاكولا غالى و مش رخيص و مش أى حد بيفصلها و تمن تفصيلها غالى , الجلاليب القماش ال زبدة كمان عارفة هههههههههههههههه
يا حاج أحمد الجلابية مفيهاش حاجة تعيب و لا هى لبس من العصر الطباشيرى
بس الفكرة ألبس أية و أنا رايح فين دة كل الموضوع

-

الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

LinkBack

أدوات الموضوع

عرض

-

-

-

-

المواضيع المتشابهه

اعرف موقفك قبل انتخابات نقابة المهندسين

نادي نقابة المهندسين بالسادس من أكتوبر

نادى نقابة المهندسين

اسكان نقابة المهندسين

سؤال عن رحلات نقابة المهندسين

الكلمات الدلالية لهذا الموضوع

المفضلات

المفضلات

ضوابط المشاركة