حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

**ahmed1981** · 03-05-2011 02:08 AM

المشاركة الأصلية كتبت بواسطة zalpany2000

موضوع الجلابية بقي ده لازم نفهم فيه الفرق بين المجافظة علي مستوي مكان والحرية الشخصية للحضور

المحافظة علي مستوي مكان خصوصا لو نادي بيبقي بمنع مثلا المأكولات و المشروبات ... منع التواجد في اماكن محددة ... الامن ومنع الاعمال المنافية للاداب ... ارشادات عامة الامن يطبقها زي مثلا ممنوع الصوت العالي حاجات كده

موضوع اللبس ده بالذات لازم يبقي فيه حرية لو النادي اجتماعي ماحدش يقولك اي حاجه طالما حضرتك مش بتعمل حاجه تتضارب مع القيم

انما اللي الاخوة اتكلموا فيه حاجه تانية اسمها ethics او ايتيكيت
دي بقي حاجات نسبيه ومش ملزمة لكل الناس .... زي الشوكة والسكينة .... زي الفستان السوارية و البدلة السودا في الفرح
زي الجزمة الكلاسيك ام بوووز .... كل الحاجات دي .... اتيكيت ... بيبقي مفهوم في الوسط ... وبيبقي نوع من التواصل الاجتماعي ... والقيو اللي احنا بنحطها لنفسنا اختياريا .... انما مافيهاش اجبار وماينفعش يبقي فيها اجبار من الاساس

انا ماعنديش غير جلابية واحدة فلاحي (كنت بالبسها لما اسافر برة ونعمل ليلة ثقافية عن مصر) و مش بالبس جلاليب ... انما ماعنديش ازمة في ان اي حد يلبس جلابية خصوصا لو رايح مكان يقضي فيه وقت بحريته، وهو استغني عن الاتيكيت و الكلام ده

موضوع الجامعة والشغل ... ده موود تاني و حضرتك مجبر تنفذ تعليمات مكان الشغل في الملابس لان الشغل ليه اعراف مختلفة

بارك الله فيك

**JUVENTUS** · 03-05-2011 02:10 AM

المشاركة الأصلية كتبت بواسطة ahmed1981

ومن هو الذي عليه التحديد ليقرر المكان الملائم للبس الجلبية مثلاً في نادي نقابة المهندسين

مين ؟
حسني مبارك مثلاً
أم أعضاء مجلس الشعب

واضح من كلامك إنك عارف إن المكان لا يصح فيه الجلابية وعندك ثقة قوية من تلك المعلومة
فهل هناك قانون يحدد ذلك
أم الدستور ؟
أم هو أمر توافق مع هواك مثلاً وبالتالي تلزم الجميع به

الخلاصة نادي نقابة المهندسين للمهندسين
وليس للنقيب أن يفرض فيه شرطاً مخالفاً للطبيعة إلا بعد أخذ إذن أصحاب المكان وهم المهندسون

وبصفتي مهندس أي أن لي سهم في هذا المكان فلن أسمح بعودة فكر مبارك وزبانيته ثانيةً

معلش انت لتتكلم في حاجة مش حاصلة اصلا في النقابة دلوقتي هو حد قالك ان انت تقدر تحط
قواعد للمكان
المفروض النقيب هو اللي بيكون له السلطة دي لانه هو االلي هيكون منتخب من الاعضاء
لكن النقابة تحت الحراسة حاليا و طالما فيه تعليمات تمنع لبس الجلابية يبقى انا التزم بيها
و برضو مش عارف ايه علاقة مبارك و لا الثورة بالموضوع

**heshamzaky** · 03-05-2011 02:10 AM

المشاركة الأصلية كتبت بواسطة ahmed1981

بسيطة جداً

سنفترض إن حضرتك بتلبس بدلة (بنفترض)
وفي واحد آخر لابس جلبية

وكل واحد فيكم راكب عربيته الخاصه

وأنتم الإثنين دخلتم مثلاً على كمين مدخل أحد المدن ولنفترض الغردقة

المعاملة ستكون مختلفة معك ومعه في الكمين

رغم أنه قد قد يكون أعلى منك تعليماً (أنا بفترض)
لكن لمجرد لبسه ومظهره الذي لم يكن يعجب زبانية مبارك المطرود
ممكن إنت توصل البيت وتنام وهو مازال متوقف في الكمين مع زبانية مبارك

لذلك قامت الثورة عند كثير من الناس وربما أنت لم تصادف مثل تلك المواقف وبالتالي قد تستغرب ربطها بالثورة

الحقيقة تخمينك فى محلة فعلا عمرى الحقيقة ما ركبت العربية و أنا لابس جلابية لآنى من وجهت نظرى شايف أنها ملائمة للبيت مش علشان انزل بيها الشارع و البسها ممكن ألبسها فى صلاة الجمعة و ممكن البسها فى صلاة العيد و دة مش شرط برضو و الطبيعى ببقى لابس قميص و بنطلون او تى شيرت عادى جدا .
بص يا سيدى الفاضل فى معظم احياء القاهرة محدش بيسوق العربية و هو لابس جلابية ممكن بعض الناس بتعمل كدة و دة حقهم و مشروع و لا غبار عليهم بس مين الى بيعمل كدة سعادتك مهندس تمام هل بتسوق العربية و أنت لابس جلابية و لا لابس عادى . و لو كان نظرة رجل الامن و ممكن جدا تكون خطأ للراجل الى داخل الغردقة أو أى مدخل مدينة اخرى لو لقاة لابس كدة ممكن يسألة عن الرخصة أو الورق دة عادى بس تفتكر لية أية السبب ما تقوليش أنة متدين علشان كدة وقفة مهو ممكن يكون تاجر أو حرفى و ممكن يكون مسيحى و تاجر أو معلم و دة لبسة العادى .

**heshamzaky** · 03-05-2011 02:22 AM

و على فى الكمائن دى برضو بيوقفو الشباب الى راكبين عربية أخر موديل و لابسين كاجوال و ممكن يفتش العربية ممكن شباب منهم يكون معاها مخدرات . يعنى مش مقياس . الى بجلابية بيوقفة و الى لابس كاجوال برضو بيوقفة لو اشتبة بة.
أما باقى الافتراضات محصلتش و مش موجودة يعنى موقفتش فى كمين قبل كدة و فتشنى

**JUVENTUS** · 03-05-2011 02:34 AM

يا جماعة من فضلكم بس عشان الناس اللي بتقول مبارك و ثورة و كلام بعيد كل البعد عن الموضوع
انا من اسبوع كنت في نقابة المهندسين اللي في الزمالك و كنا مجموعة مع بعض و كلنا اقارب
من ضمن الناس دي كان معايا خالي و ده راجل ملتحي بس مكانش لابس جلابية المهم الراجل دخلوه عادي جدا و محدش اتكلم طبعا ايام مبارك كان عمره ما هيخش
ده يبين الموضوع ملهوش علاقة بما كان يحدث قبل الثورة الموضوع زوق عام فقط لا غير
حاجاة كمان الناس اللي بيديرو المكان مش اغبياء و محدش يقدر يمنع واحد من الدخول لسبب ديني لانهم ببساطة عارفين ان الناس خلاص معدتش بتسكت زي الاول و كله بيطالب بحقه و بالتالي محدش منهم هيدخل نفسه في مثل هذه المشاكل

**ahmed1981** · 03-05-2011 02:45 AM

المشاركة الأصلية كتبت بواسطة aif

عرفتو بقى فرنسا جابت منع النساء من الحجاب في المدارس والجامعات منين ....... من عندنا ..... من قلب الاسلام
والله طالما ان ملابسي لا تخدش حياء الآخرين يبقى محدش له عندي حاجة
دي حرية شخصية طالما لم تتعدى حريات الآخرين
طب ما الستات بيلبسو عبايا وجلاليب وبنطلونات ...... ايه المشكلة لما راجل يدخل لابس جلابية
...
دي مش تعليمات النوادي دي تعليمات امن الدولة سابقا
...
هما مرعوبين من اي حاجة ممكن يكون لها اي علاقة محتملة او اي انتماء قد يكون او اي مظهر ممكن يبقى له علاقة بالاسلام ........ من الآخر

بارك الله فيك يا حاج أحمد

يا باشا المشكلة مش كل الناس تعرف يعني إيه نار أمن الدولة
ناس كتير كانت عايشة في جنة أمن الدولة
وبالتالي أي قرار من أمن الدولة ينزل برداً وسلاماً على قلوبهم

أنا سألت كتير ما هو مصدر هذا البند الذي يمنع دخول الجلباب
الحمد لله

**khaled_yassin** · 03-05-2011 02:49 AM

انا راى انك لا تقدم شكوى ولا حاجة لان بمنتهى البساطة ما ينفعش حد يدخل بجلابيه مكان زى نادى النقابه
انا لو فى النقابه وشوفت مهندس لابس جلبيه صدقنى هيبقى منظرها وحش جدا جدا جدا احنا مهندسين يا جماعة

**heshamzaky** · 03-05-2011 02:52 AM

المشاركة الأصلية كتبت بواسطة tamtam_313

انا راى انك لا تقدم شكوى ولا حاجة لان بمنتهى البساطة ما ينفعش حد يدخل بجلابيه مكان زى نادى النقابه
انا لو فى النقابه وشوفت مهندس لابس جلبيه صدقنى هيبقى منظرها وحش جدا جدا جدا احنا مهندسين يا جماعة

سؤال يا باشمهندس بعيد عن موضوع الجلابية . لو مهندس رايح النادى هل من المقبول أن يدخل النادى لابس عفريتة ((( أفرول ))) و مش حا أقول متسخ لآ جديد و بيبرق و زى القشطة و معاة خوذة ممكن يدخل النادى و لا برضو شكلة حا يبقى غريب شوية لآنة مش بيشتغل و داخل موقع

-

-

الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

LinkBack

أدوات الموضوع

عرض

-

-

-

-

المواضيع المتشابهه

اعرف موقفك قبل انتخابات نقابة المهندسين

نادي نقابة المهندسين بالسادس من أكتوبر

نادى نقابة المهندسين

اسكان نقابة المهندسين

سؤال عن رحلات نقابة المهندسين

الكلمات الدلالية لهذا الموضوع

المفضلات

المفضلات

ضوابط المشاركة