بدون كلام كتير ... اتمنى مصر انها تبقى زى تركيا دلوقتى ... دولة مدنية ذات غالبية مسلمة ( تركيا نسبة الاسلام فيها 99%)
يارب نفهم بسرعة ونطبق النموذج الناجح ده
بدون كلام كتير ... اتمنى مصر انها تبقى زى تركيا دلوقتى ... دولة مدنية ذات غالبية مسلمة ( تركيا نسبة الاسلام فيها 99%)
يارب نفهم بسرعة ونطبق النموذج الناجح ده
بطاطا
وهتفضل طول عمرها بطاطا
ياريت الناس تشترى دماغها بقا وتشوف اكل عيشها
زي ما كان في فاروق حسني كان في الشيخ ال اتصل ايام المظاهرات و قال انه حلم بالرسول و قاله ان مبارك حلو و كلام كدا
و في احمد عمر هاشم ال كان من رموز الحزب الوطني و اول ما الريس مشي راح عمل حزب و سماه 11 فبراير
و زي ما قولت لحضرتك المسمى مبيفرقش نهائي
يعني مش قصدي اننا نبقى دولة ليبرالية اننا نبقى زي اي دولة في العالم
لا انا اقصدي اننا نمشي بشرع ربنا و قوانينه بس منبقاش زي الدول ال بتقول انها اسلامية و كل ال بيعملوه غلط زي السعودية و ايران
المسمى ال انا بقولة "ليبرالية مسلمة" هو اننا نطبق الاسلام صح و مزود كلمة ليبرالية عشان يبقى اكيد ان اننا احرار مش زي السعودية ال بيقول فيها كلمة على العيلة المالكة بيروح ورا الشمس
اتمنى تكون وجهة نظري وصلت لحضرتك
ياريت يا جماعه زى مادورت على النت علشان اعرف معنى الليبراليه ياريت تدور ولو لدقيقة عن معنى الدولة الاسلامية (موش الدينية)
هل السعوديه دوله اسلاميه؟؟
طبعا لا دى دولة ملكية يعنى لو الملك مات يبقى المحروس اللى عليه الدور هو اللى هايمسك حتى لو مابيصليش
هل ايران دولة اسلاميه؟؟
طبعا لا دول شيعه و الشيعه دول اللى يعرفهم هايقول ان اليهود ارحم منهم بمراحل
اذن هل البطش و العنصريه و الظلم اللى فى السعوديه ده من الاسلام؟؟
طبعا لا
( انا بااكد على العنصريه علشان دى اكتر حاجه خنقتنى لما كنت فى السعوديه)
طيب هل التخلف و الجهل و النهب اللى فى ايران ده من مبادىء الاسلام؟؟
طبعا لا
انا سعيد اننا وصلنا دلوقتى لنقطه متقاربه هى ان انا باقول ان الاسلام لوحده هو اللى محتاجينه و حضرتك بتقول ان الاسلام لوحده موش كفايه و لازم معاه الليبراليه
طيب عايزين كلام موضوعى عن النقط اللى فى الاسلام اللى ناقصه و بنكملها من الليبراليه
الحريه؟؟
ايه البند اللى فى الاسلام اللى بيحارب الحريه؟
طبعا اسلامية.....الاسلام مش وحش ...الاسلام عدل مساوه رقي نظام اخلاق تسامح فلاح اجتهاد رحمة حب ............بعد دة كلة نقول عيزنها مدنية....دة لو عيل صغير سمع الكلام دة هيختار اسلامية و هو مغمض
لا لا لا
انا مقصدش ان الاسلام بيحارب الحرية
انا اقصد ان الدول ديه بتقول على نفسها اسلامية و هي بتحارب الحرية
ف احنا هنطبق الحرية بس مش بتاعة فرنسا او تركيا او غيره
احنا هنطبق الحرية الاسلامية
وحرية يعني ليبرالية تبقى ليبرالية مسلمة :grin54:
الاختلاف بين ال انا عايزه و ال حضرتك عايزه مسميات
انا بحاول اختار مسمى يبين ان اننا هنبقى دولة حرة بس في ظل الاسلام
حضرتك شايف ان كلمة اسلامية لوحده كفاية "طبعا كفاية" بس احنا عايزنها اسلامية بترسخ مباديء الحرية مش زي السعودية و ايران
ليبرالية ذات مرجعية دينية مع التأكيد على المحافظة على حقوق الجميع متساوية بعض النظر عن الجنس أو اللون أو الدين.
بأختصار الليبراليه العلمانيه لاتنفى الدين ويتواجدان معا فى الدوله اما الدوله الدينيه فهى لا تعترف بأى شىء اخر فأنا اختار الاثنين معا