مرض الإلتصاق بالحارة اليسرى في الطرق في مصر والتي تسمى بحارة التجاوز

**ahmed1981** · 22-04-2008 12:16 AM

المشاركة الأصلية كتبت بواسطة fiatmomo

ومش شرط يكون المرور فى السعودية هو الصحيح . كل حاجة فى الدنيا فيها احتمال ونسبه خطأ

يا جماعة مفيش زعل ولا حاجة
وبعدين مش شرط يكون قانون المرور في السعودية صح لكن هو عندهم قانون وبيحترموه
ومش عارف إيه الغلط عندهم لو كانوا بيعتبروا الحارة اليسرى للتجاوز ثم يعودون للحارة اليمنى!!
هل هذا العمل فيه عيب
هما إقتضوه قانون وبيحترموه
جايز تكونوا شايفين إن فكرته غلط ؟ وممكن توضحلنا خطأ الفكرة

لكن الخلاصة ربنا يوفق بلدنا ويصبح قانون المرور فيها محترم من الجميع

**ahmed1981** · 22-04-2008 12:28 AM

المشاركة الأصلية كتبت بواسطة tutankhamoun

أولا السلام عليكم ......... يا بامشهندس أرى نبرة زعل في ردك
إن كان ردي أزعجك .......... فأنا آسف

أنا المتأسف
ولم أقصد أزعل حد

المشاركة الأصلية كتبت بواسطة tutankhamoun

و لكني متأكد مليون 100 % إن مفيش حاجة أسمها إن الحارة السريعة للتجاوز فقط قانونا
و أنا قلت إن ده ممكن يكون عادة ما بين السائقين
و بعدين أعتقد إن السعودية و الخليج كله و أغلب دول العالم أخذت قوانين المرور الأصلية من أوروبا ............. لأنهم ببساطة من أخترع السيارات و أول من أستخدمها

أنا شفت تعليمات المرور في السعودية وقدت فيها وأتكلم من هذا المنطلق
فأرجوك أعطني الفرصة لتوضيح ما قرأته عندهم ورأيته عندهم والتزمت به عندهم

المشاركة الأصلية كتبت بواسطة tutankhamoun

عموما .......... أنا سعيد بالحوار معاك و عايزك متزعلش ....... أحنا أخوة في الله يا أخي الكريم ..........
و شكرا

بارك الله فيك يا أخي توت
وبالتأكيد نيتنا في النهاية هي حال أفضل للطرق في مصر للمحافظة على أرواح أهلنا
ونسأل الله أن يصلح حال طرقنا وبلدنا

**islamnabil** · 22-04-2008 03:06 PM

المشاركة الأصلية كتبت بواسطة ahmed1981

بالتأكيد أختلف مع حضرتك تماماً
فنحن لسنا قطار على الطريق جميع عرباته لها سرعة واحدة هي سرعة الجرار
وإذا كانت السرعة المحددة 100 كلم/س وأنت تلتزم بها وإنتهيت من تجاوزك لسيارة في الحارة اليسرى فلترجع إلى اليمين واترك الحارة اليسرى لمن يريد التجاوز
فكما أن التجاوز من حقك فهو من حق غيرك دون النظر لسرعته

وإذا كانت حجة حضرتك أن الذي يمشي بالسرعة القصوى المحددة للطريق غير مخالف
فأحب أن أقول إنه لو تمسك بالحارة اليسرى فهو مخالف حتى لو كان ملتزم بالسرعة القصوى

فالحارة اليسرى ليست حارة السرعة القصوى للطريق ولكن الحارة اليسرى حارة التجاوز فقط

المشكلة انك لو على الصحراوي و ماشي على 100 مثلا في النص حتلاقي واحد قدامك ماشي على 60
حتعمل ايه و ماينفعش تنقل شمال لان في نقل تريلا ماسك الشمال
فحتضطر تعديه من اليمين
حتلاقي نفسك في الاخر عمال تاخد غرز
ده اللي بيحصل معايا

**AhmedGen2** · 24-04-2008 01:23 AM

وانا بتعلم السواقة الراجل كان دايما يقولى خليك فى اليمين !

**ahmed1981** · 26-09-2008 06:21 AM

كنت على طريق مصر إسكندرية الزراعي من كام يوم

وحالة الإلتزام بالحارة المرورية زي الزفت

ولو عايز تمشي صح هتضطر تعمل غرزة كل ثلاثين ثانية

والمشكلة الكبيرة سيارات كثيرة تمشي بسرعة منخفضة ورغم ذلك متمسكة بالحارة اليسرى

والواحد بيحاول يقلبله نور أو ينبهه مفيش فايدة
وفي النهاية تضطر تعديه من اليمين عن طريق الغرز
ولو الغرزة كانت ضيقة لظروف الطريق بلاقي علامات وإشارات الزعل بعد لما أعديه
رغم إن هو سبب الغرزة بجهله المروري

للأسف الجهل المروري مازال بشع الإنتشار

**Abdo_Eldesokey** · 26-09-2008 06:39 AM

القاعدة دي صحيحة فعلا ً... لكن انت مش واخد بالك من حاجة مهمة

الطريقة عندنا غالبا ً بيكون حارتين ، فلو جيت تمشي في الحارة اليمين هيقابلك كذا مشكلة

- الميكروباصات الي كل شوية تقف عشان يحمل وينزل ركاب.
- التكاتك الرابضة على جوانب الطريق في انتظار الفرصة المناسبة للانقضاض.
- لو على طريق زراعي يبقى على يمينك ترعة أو أرض زراعية ، والحارة اليمين تلاقي كل شوية الحصاد بتاع المزارع والعربيات بتحمل ، شوية طوب ، أو الأسفلت متاكل من حتة

فبالتالي أنا بمشي في الحارة الشمال بس لو حد جاي من ورايا بعديه ... إلا طبعا ً لو سواق نص نقل رخم

**ahmed1981** · 26-09-2008 10:58 PM

المشاركة الأصلية كتبت بواسطة Abdo_Eldesokey

القاعدة دي صحيحة فعلا ً... لكن انت مش واخد بالك من حاجة مهمة

الطريقة عندنا غالبا ً بيكون حارتين ، فلو جيت تمشي في الحارة اليمين هيقابلك كذا مشكلة

يا أستاذ عبده
الطريق الزراعي أغلبه ثلاث حارات وخاصة بداية من طنطا إلى القاهرة
والمشكلة إني كنت الساعة الثانية فجراً
والطريق فاضي

ولا أنسى أن أشكرك على ردك يا أستاذ عبده

**M.Osman** · 28-10-2008 01:26 AM

مواضيعك مميزة ...

للأسف على الطرق الزراعية تالقى العربيات الكاررو و اى حاجة بطيئة ماشية عاليمين و ده سبب من الأسباب يخلى النقل التقيل يمسك شماله ( و ده غلط ! ) و انا لما اكون عايز اعدى بعدى من عاليمين !!

حاجة ولا فى الخيال والله

**M.Osman** · 12-12-2008 01:42 PM

مينفعش بجد انك تفضل ماشي فى الحارة اليمين " فــــــي مصــــــــــــــــر "

تخيل لو ماشي على طريق زراعى اية اللى ممكن يكون ماشي عاليمين طول الطريق ...

عشان كدا بتوع النقل بعذرهم ساعات انهم مبيعرفوش يلتزموا بالحارة اليمين ..

انا شايف ان الحكومة تفرض قانون مرور عالعربيات الكاررو و بعدين تبقى تشوف الغلابة اللي بيسوقوا عربيات اللى زي حالاتنا :)

شكرا :)

**fadynabil** · 01-01-2009 02:58 PM

أعتقد إن الناس كلها ماشية ع الطريق بالبركة ومحدش يعرف يعني إيه حارة يمين وحارة شمال

كله بيعك وماشي سبعات فـي ثمانيات وحاجه فعلا تقرف

إيه المشكله لو طريق زي الدائري مثلا يبقي كل حاره فيه ليها سرعة معينه

ونعمل فعلا شكل قطار السيارات زي الدول المحترمة

لكن الكل بيقول يلا نفسي وأنا وبعدي الطوفان

وبعدين أنا معترض شويتين علي أراء البعض

كنت عايز أسأل سؤال للناس اللي بتقول إن مينفعش أمشي أكتر من سرعة الطريق وأمشي في الحارة الشمال و **** في الي جاي ورايا

١/ هل الناس دي عمرها ما عدت السرعة القانونيه ؟؟؟

٢/ وهل لو إنت راجع بيتك بليل الساعة ٢ ولا ٣ والدنيل شبه رايقة مجرتش أكتر من ١٠٠ ع الدائري مثلا ؟؟

٣/ وهل عمرك وإنت مسافر أو بتجرب عربيتك ماجبت ١٥٠ ولا ١٨٠ أو أكتر من السرعة القانونية ؟؟

الإجابة أكيد طبعاً حصلت وعديت السرعة القانونية

يبقي الحارة الشمال تبقي للتخطي ولو أنا ماشي فيها وحد جه ورايا أوسع ليه الطريق وأرجع تاني لو عايز بس .. مرخمش علي حد ومعديهوش.

الموضوع: مرض الإلتصاق بالحارة اليسرى في الطرق في مصر والتي تسمى بحارة التجاوز

LinkBack

أدوات الموضوع

عرض

-

-

-

-

-

المواضيع المتشابهه

الم فى معصم اليد اليسرى

سلسلة سلوكيات القيادة - الحلقة الثامنة (الألتزام بالحارة المرورية)

هى دى تسمى موهبه؟؟؟

هل تلتزم بالحارة المرورية؟؟

الكلمات الدلالية لهذا الموضوع

المفضلات

المفضلات

ضوابط المشاركة