انا اتثبت واتخطفت واتسرقت

**golfawyzz** · 08-05-2011 06:51 PM

قدر الله وماشاء فعل .. اهم حاجه انك بخير
والايصالات دى ملهاش اى لزمه وهتلاقيها مكتوبه بطريقه غلط
وعادى ممكن تثبت انها تحت التهديد اصلا لو فكرو يعملو بيها حاجه
بل بالعكس لما تكون مبلغ بالواقعه هيفيدك اوى الموضوع ده

وربنا يستر على الناس

**elpasha1** · 08-05-2011 07:02 PM

هيحصل اية تانى يا مصر

**heshamzaky** · 08-05-2011 07:37 PM

حمد الله على سلامتك ربنا سترها معاك فعلا . بص موضوع أنة ياخدك لغاية مكانة و بيت عندهم غريب شوية لو كان عاوز يقلبك فقط كان أخد الى معاك فى الشارع و خلع منك . موضوع أنة يمضيك على وصل أمانة هو غريب طيب أنت فاكر صيغة الوصل و لا لآ .
أنا بصراحة شديدة كنت حا أقاوم من أولها أول فرصة تسمح لى أنى أضربة حا أضربة لو معرفتش تسحب منة السكينة و تشرحة أو تضربة طعنة تعجزة كنت حا أجرى لو كانو مسيطرين تماما عليا حا أنتظر الفرصة و حا أطير جرى يعنى لكمة فى وشة تكسر مناخيرة و أجرى ما تقفش لو قدرت أخلع فى أى لحظة حا اخلع

**hugan** · 08-05-2011 07:50 PM

1000 سلامه ان ربنا اخرجك من الموقف ده
لكن كنت فين في المطريه
وليه ما طلعتش علي القسم هو في الحي الان علي مايبنوا القسم بعد ما ساح في الحريق

**lovely_love** · 08-05-2011 08:22 PM

الف الف سلامة لحضرتك بس مقولتلناش الموضوع دا كان فين فى المطرية ولما خدوك خدوك ودوك فين بردوا بالظبط فى المطرية

**tarekomar66** · 08-05-2011 08:27 PM

انته بتتكلم جد ؟؟؟؟؟ عموما الف حمدالله على سلامتك

بس معلوماتى عن الهنجرانيه اللى فى المطريه انهم مابيسيبوش حد الا لما يقلبوه فى الشارع مش بياخوده معاهم حتتهم , ولو كلامك جد ايه اللى اخرك لغايه دلوقتى فى الابلاغ ؟ هوه انته ماتعرفش ان ايصال الامانه بيدخل السجن !!!!! انا مش قصدى اخوفك بس بنصحك انك تروح فورا تعمل محضر فى القسم والشرطه العسكريه
حمد الله على سلامتك مره تانيه

**tarekomar66** · 08-05-2011 08:30 PM

المشاركة الأصلية كتبت بواسطة heshamzaky

حمد الله على سلامتك ربنا سترها معاك فعلا . بص موضوع أنة ياخدك لغاية مكانة و بيت عندهم غريب شوية لو كان عاوز يقلبك فقط كان أخد الى معاك فى الشارع و خلع منك . موضوع أنة يمضيك على وصل أمانة هو غريب طيب أنت فاكر صيغة الوصل و لا لآ .
أنا بصراحة شديدة كنت حا أقاوم من أولها أول فرصة تسمح لى أنى أضربة حا أضربة لو معرفتش تسحب منة السكينة و تشرحة أو تضربة طعنة تعجزة كنت حا أجرى لو كانو مسيطرين تماما عليا حا أنتظر الفرصة و حا أطير جرى يعنى لكمة فى وشة تكسر مناخيرة و أجرى ما تقفش لو قدرت أخلع فى أى لحظة حا اخلع

اعذرنى يا عم هشام , لاقدر الله لو حصل ليك كده نصيحه لوجه الله اوعى تقاوم وعن طيب خاطر اديهم اللى عاوزينه لان الاشكال دى اساسا بتبقى مش فى وعيها وبايعه نفسها يعنى لاقدر الله ممكن بشله موس او لسعه سنجه او غزه قرن غزال لاقدر الله