اقتباس المشاركة الأصلية كتبت بواسطة hobiko مشاهدة المشاركة
محدش علق من زميلنا السلفيين على المقال دة ؟؟؟؟؟


هو صح ولا غلط ؟؟؟؟
اقتباس المشاركة الأصلية كتبت بواسطة heshamzaky مشاهدة المشاركة
أنا برضو فى أنتظار التعليق من الاخوة السلفين على المقال دة لانة ذاكر معلومات ب أسماء بعض الشيوخ و بتفاصيل و بطريقة مرتبة جدا بالتواريخ



لو حضراتكم ركزتم فى المقال هتلاقوا ان مفيش فروقات بين التصنيفات الا فى جزئية السلفية الجهادية وهؤلاء شذوا عن المنهج السلفى ... لأن المنهج السلفى يقول بأن الجهاد فرض والحاكم هو الذى يقوم به والمنهج السلفى بريئ منهم

والتصنيفات اللى صاحب المقال صنفها هى كلها تصنيفات من حيث النشأة والمكان ... يعنى هنفترض مثال

لو احنا هنا فى كمجموعة من الناس فى منتدى نايل موتورز عايزين نعرف الدين صح ومفيش فى الوقت بتاعنا ده شيوخ مثلا الا القليل وعايزين نتعلم الدين هنجيب كتب دينية مثلا فى الفقه للإمام الشافعى كتاب الأم وفى الحديث مثلا كتاب صحيح البخارى وفى السيرة مثلا كتاب السيرة لإبن هشام وهكذا فى كل فرع من فروع الدين هنجيب كتاب او كتابين واتعلمنا العلم الشرعى من الكتب دى وعرفنا ايه هو اللى النبى كان بيعملوا والصحابة والتابعين وعملنا زيهم ... اولا كده بقينا سلفيين علشان اتبعنا منهج السلف ...

طيب وفى منتدى تانى فى السعودية مثلا عمل نفس القصة بس احنا مفيش اتصال بيهم

ومثلا فى تونس مجموعة بردوا عملوا نفس القصة

ومثلا مجموعة فى القاهرة واخرى فى الاسكندرية

هتلاقى ان كل المجموعات من الناس دى اخذوا من نفس المنبع بالرغم انهم مش مع بعض وميعرفوش بعض
هتكون النتيجة ان كلامهم واحد وافعالهم واحدة بس هتلاقيهم مختلفين فى حاجات بسيطة على حسب مصدر الكتب اللى قرأوا فيها وكمان اختلاف الطبعات وكمان اختلاف المذاهب ..

طيب وفرقة كمان عملت نفس عملهم بس شذوا فى حاجات او اخذوا ببعض الأراء اللى ممفيش دليل راجح بيأيدها واخذوا بالرأى ده .. يبقى هل هما كده على نفس المنهج طبعا لأ .......

وفى نفس الوقت كان فى مؤسسة بردو اسمها الأزهر ولها أئمتها وعلامائها وطلبة علم لهم أرائهم الفقهية سواء اتفقت او اختلفت مع هؤلاء فهذا راجع الى اختلاف الفهم للنص

اذن فالمسميات هنا كانت بسبب النشأة والمكان وليس اختلاف المنهج ......... فمثلا هذا ازهرى لأنه درس فى الأزهر وهذا سلفى لأنه درس على يد مشايخ الدعوة السلفية وهذا وهابى نسبة الى شيخ الاسلام محمد بن عبد الوهاب ..............

ياريت تكون الفكرة وضحت