الموضوع: تقدر تعيش من غير عربية قد ايه؟

بيتى بعيد عن المواصلات العامة مسافة كيلومتر ونصف

هذة المسافة سواقين التاكسى فى المنطقة بيبيعو ويشترو فينا عليها،

رجلى اليسرى فيها اصابة قديمة تمنعنى من المشى لمسافات طويلة وتمنعنى من الإنسحاق داخل المواصلات العامة

المسافة من بيتى الى عملى 25 كيلومتر من اقصر طريق، لو هاخدها مواصلات هغير 3 مواصلات على الأقل وهدفع ما لا يقل عن 6-7 جنيه فى الفردة الواحدة، ولو خدتها تاكسى ممكن ياخد فى الفردة 25 جنيه بعد خناقة، فى جين ان تكلفة بنزين السيارة فى الفردة لا تتعدى5 جنيه من الباب للباب وراكب ومبسوط

من الآخر مقدرش استغنى عن العربية ولا نص ساعة، وده السبب الأساسى ان دايما البيت فيه عربيتين، علشان الفترات اللى عربية بتكون فى التصليح ، او بنبيع عربية ونشترى واحدة تانية، او حتى لو عربية مرضيتش تدور الصبح

ولا ليها اي لزمه معايا طالما الموتوسيكل بخير و العربيه بتطلع في المشاوير العائليه فقط غير كده ولا بعبرها