كل ثورة و انتوا طيبين

**som3aa** · 17-05-2011 06:43 PM

بعد
1- الافراج عن سوزان مبارك بعد رد 24 مليون جنيه(غلبانة).
2-المجلس العسكرى قرر يعمل قانون للتصالح مع اللى خدوا أراضى بملاليم و باعوها بمليارات بعدر رفض الفكرة تماما لما اقترحها يحيى الجمل و مصممين ينفذوها برده.
3-الافراج عن سرور من الكسب غير المشورع و حاتم الجبلى و فاروق حسنى و عائشة عبد الهادى و مفيد شهاب
4- حالة الانفلات الامنى المتعمد و عدم التدخل
5-الاختيار السىء لكل القيادان زى وزير الصحة و سيد مشعل و وزير التنمية المحلية و وزير السياحة و وزير الزراعة و تغيير المحافظين بناس مرفوضة شعبيا او مكروهة دا غير ان 20 من 30 محافظ من الجداد لوائات سواء جيش او شرطة و طبعا واحد زى سامى الشريف رئيس التليفزيون.
6-المكافات اللى بالملايين و مستشارين الوزراء كله لسه موجود زى ما هو و لا كان فى حاجة حصلت
7-و غيره و غيره زى القبض على شباب الثورة و محاكمتهم محاكمات عسكرية!!!

لو بصينا على اللى حصل فى ماسبيرو و اللى خصل فى السفارة الاسرائيلية , فى السفارة الجيش و الشرطة جم بسرعة و الشرطة رمت قنابل مسيلة و رصاص فى الهواء و طاردوا المتظاهرين فى الشوارع و حاصروهم.
فى ماسبيرو ناس ضربت الناس اللى معتصمة بالرصاص و تبادل مولوتوف و رصاص و حرايق و حاجات و محدش اتدخل غير فى الاخر.

أنا رايى الشخصى ان الانفلات اللى فى البلد و تضخيم الامور مقصود علشان لما يقولوا نتصالح مع الحرامية و لا نفرج عن سوزان و الناس تقرر تنزل التحرير مع الوقت الفئات الغلبانة اللى بيشتغلوا باليومية تقلب عليهم و تحس انهم السبب فى اللى بيحصل !!!
البلد مش بتفلس و محتاجة قانون مصالحة علشان نرجع 3-4 مليار من كل الحرامية و لا 24 مليون من سوزان!!!!
الاولى نحاكمهم و نسترد كل الفلوس , كل التغييرات سيئة سواء فى المحافظين او القيادات او غيره!!

كل ثورة و انتوا طيبين , احنا اتضحك علينا

**Abo_Lina** · 17-05-2011 07:01 PM

احنا إتضحك علينا فعلا
و أحييك
و إسمع خطاب المشير إمبارح .. هاتلاقي كل حاجة بتتضح

**mr_vampire** · 17-05-2011 07:06 PM

فعلا كل ثورة وانتو طيبين. ومش هيتبقي لينا غير اننا ندعي لشهدائنا ( ان ربنا يتقبلهم شهداء ) عشان ميبقاش موتهم عالفاضي ولا فادو نفسهم ولا فادو وطنهم.

ياحسرة قلوب اهالي الشهداء. وياحسرة اصحاب العاهات والاصابات.

**A.Saad** · 17-05-2011 07:11 PM

موضوع التصالح مع اللى خدوا اراضى ده علشان يلم فلوس للاقتصاد ، المستثمر الللى لسه موجود - لو حد كان موجود ما يهربش-
موضوع الافراج عن سرور او غيره ده فى ايد القضاء والمفروض لا الحكومة ولا الشعب يتدخل فى اعمال القضاء

**otefa** · 17-05-2011 08:06 PM

المشاركة الأصلية كتبت بواسطة a.saad

موضوع التصالح مع اللى خدوا اراضى ده علشان يلم فلوس للاقتصاد ، المستثمر الللى لسه موجود - لو حد كان موجود ما يهربش-
موضوع الافراج عن سرور او غيره ده فى ايد القضاء والمفروض لا الحكومة ولا الشعب يتدخل فى اعمال القضاء

أنا معاك في التحليل ده
والصبر واجب لو مش من مبدأ الثقة يبقى على الأقل من مبدأ وأيه البديل الناس تنزل الشارع تاني ومظاهرات مليونية وأعتصامات يبقى بنضيع البلد في الظروف الحرجة ألي البلد فيها

**aly_hosny** · 17-05-2011 08:10 PM

ليه يعني التشاؤم دا
الموقف القضائي لسوزان يسمحلها بكدا "مش بمزاجك ولا بمزاج المحقق دا القانون"
و مبارك ممكن جهاز الكسب غير المشروع يتصالح معاه بس مش هيعرف يتصالح مع النيابة و القضية الجنائية لابساه ان شاء الله
فتحي سرور لسه في السجن على ذمة قضية تانية

انا لسه متفائل

**Ahmed_Ramadan** · 17-05-2011 08:17 PM

المشاركة الأصلية كتبت بواسطة a.saad

موضوع التصالح مع اللى خدوا اراضى ده علشان يلم فلوس للاقتصاد ، المستثمر الللى لسه موجود - لو حد كان موجود ما يهربش-
موضوع الافراج عن سرور او غيره ده فى ايد القضاء والمفروض لا الحكومة ولا الشعب يتدخل فى اعمال القضاء

+11111111111111

هما بيحاولوا يلموا فلوس و القضاء هوا اللى بيحكم ....وكفاية مظاهرات و هبل بقى و كله يلم نفسه و يشتغل

**kimocyc** · 17-05-2011 08:19 PM

المشاركة الأصلية كتبت بواسطة som3aa

بعد
1- الافراج عن سوزان مبارك بعد رد 24 مليون جنيه(غلبانة).
2-المجلس العسكرى قرر يعمل قانون للتصالح مع اللى خدوا أراضى بملاليم و باعوها بمليارات بعدر رفض الفكرة تماما لما اقترحها يحيى الجمل و مصممين ينفذوها برده.
3-الافراج عن سرور من الكسب غير المشورع و حاتم الجبلى و فاروق حسنى و عائشة عبد الهادى و مفيد شهاب
4- حالة الانفلات الامنى المتعمد و عدم التدخل
5-الاختيار السىء لكل القيادان زى وزير الصحة و سيد مشعل و وزير التنمية المحلية و وزير السياحة و وزير الزراعة و تغيير المحافظين بناس مرفوضة شعبيا او مكروهة دا غير ان 20 من 30 محافظ من الجداد لوائات سواء جيش او شرطة و طبعا واحد زى سامى الشريف رئيس التليفزيون.
6-المكافات اللى بالملايين و مستشارين الوزراء كله لسه موجود زى ما هو و لا كان فى حاجة حصلت
7-و غيره و غيره زى القبض على شباب الثورة و محاكمتهم محاكمات عسكرية!!!

لو بصينا على اللى حصل فى ماسبيرو و اللى خصل فى السفارة الاسرائيلية , فى السفارة الجيش و الشرطة جم بسرعة و الشرطة رمت قنابل مسيلة و رصاص فى الهواء و طاردوا المتظاهرين فى الشوارع و حاصروهم.
فى ماسبيرو ناس ضربت الناس اللى معتصمة بالرصاص و تبادل مولوتوف و رصاص و حرايق و حاجات و محدش اتدخل غير فى الاخر.

أنا رايى الشخصى ان الانفلات اللى فى البلد و تضخيم الامور مقصود علشان لما يقولوا نتصالح مع الحرامية و لا نفرج عن سوزان و الناس تقرر تنزل التحرير مع الوقت الفئات الغلبانة اللى بيشتغلوا باليومية تقلب عليهم و تحس انهم السبب فى اللى بيحصل !!!
البلد مش بتفلس و محتاجة قانون مصالحة علشان نرجع 3-4 مليار من كل الحرامية و لا 24 مليون من سوزان!!!!
الاولى نحاكمهم و نسترد كل الفلوس , كل التغييرات سيئة سواء فى المحافظين او القيادات او غيره!!

كل ثورة و انتوا طيبين , احنا اتضحك علينا

+ 1111111111باشا.. باشا.. باشا

**som3aa** · 17-05-2011 08:49 PM

والصبر واجب لو مش من مبدأ الثقة يبقى على الأقل من مبدأ وأيه البديل الناس تنزل الشارع تاني ومظاهرات مليونية وأعتصامات يبقى بنضيع البلد في الظروف الحرجة ألي البلد فيها

مش عارف صبر ايه و ثقة ايه بعد الافراج على سوزان؟ ازاى ترجع الفلوس و يقبلوا الصلح؟؟؟؟؟
مفيش قانون بيقول كدا بس من حق النيابة تتصالح و من حق الرئيس او المجلس العسكرى دلوقتى علشان مفيش رئيس ان واحد يتحكم عليه و يلغوا العقوبة و استخدام الحق دا يضيع العدل زى قبول الاموال المسروقة اللى زى ال24 مليون بتوع سوزان بيضيع الحق

مفيش حاجة اسمها حرامى يرجع الفلوس!!! و الا لازم القانون يبقى على الكل و اللى يسرق شنطة او فلوس او موبايل نديله الحق انه يرجعه و الرسول اتكلم على الحالة دى بالذات لما قال "انما أهلك الذين من قبلكم انهم اذا سرق فيهم الشريف تركوه " أعتقد مفيش بعد كلام الرسول , طيب اللى مقتنع بالحديث دا عايزين الهلاك لمصر؟؟؟؟؟؟

الموضوع: كل ثورة و انتوا طيبين

LinkBack

أدوات الموضوع

عرض

-

-

-

-

المواضيع المتشابهه

كل سنه و انتوا طيبين يا نمور كيا .

كل سنة و انتوا طيبين صقور نيسان 2012

حكومة ثورة وإلا ما نراه من ثورة على الحكومة

لماذا لن أشارك في ثورة الغضب الثانية المزعومة الجمعة 27مايو(ثورة سرقة نتيجة الإستفاء)

من أنتم؟ أين كنتم عندما كان يطلق علينا الرصاص في ميدان التحرير؟ إلى الأمام ثورة ثورة

الكلمات الدلالية لهذا الموضوع

المفضلات

المفضلات

ضوابط المشاركة