حدث قبل منتصف الليل:: جواز صالونات

**Car's Sniper** · 19-05-2011 11:12 PM

اخو واحد صاحبى كان فى نفس موقف حضرتك وعمل حركة ذكية عشان مايجرحش العروسة...راح كلم والدها وصارحه بالحقيقة ان مافيش نصيب يكونوا لبعض وقاله يفهما ان هو(والدها) اللى رافض عشان مش عاجبه العريس وبكدة خلع بدون احراج...يعنى مثلا تقول انك هتسافر برة على طول وتفهم والدها انه يرفض الوضع ده لبنته

**A7MED_PHARMA** · 19-05-2011 11:25 PM

المشاركة الأصلية كتبت بواسطة cars sniper

اخو واحد صاحبى كان فى نفس موقف حضرتك وعمل حركة ذكية عشان مايجرحش العروسة...راح كلم والدها وصارحه بالحقيقة ان مافيش نصيب يكونوا لبعض وقاله يفهما ان هو(والدها) اللى رافض عشان مش عاجبه العريس وبكدة خلع بدون احراج...يعنى مثلا تقول انك هتسافر برة على طول وتفهم والدها انه يرفض الوضع ده لبنته

والدها متوفي
وهما كانوا ماسكين فيا جاااااامد مش عارف على إيه ! ! !
المهم الموضوع كده خلص
وهيا جايبالي عروسة

**Abdallah** · 20-05-2011 12:20 AM

بص يا عم احمد سيدنا محمد بعض زوجاته كانوا اكبر منه سنا واغنى منه مالا
صدقنى لو فى تفاهم والبنت كويسة وبنت حلال استخير وتوكل على الله

**brown-eyes** · 20-05-2011 12:39 AM

للاسف ياجماعة جزء كبير من ارأنا واختيارتنا مبنية علي نظرة الناس وكلام الناس والاهل مع ان دي حياتنا مش حياتهم والموضوع ده مبني عليه حاجات كتير في حياتنا بصراحة في عادات وتقاليد كتير متحكمة فينا ولازم نتخلص منها مش معقول عشان الناس ماتكلمش علينا نفرض حاجات علي نفسنا ممكن نعيش تعسة بسببها طول حياتنا والاسم عشان محدش يتكلم علينا

**MohaMed_Refaat** · 20-05-2011 06:56 AM

بصراحة مش بحب الطريقة دية فى الجواز راى شخصى
انا بفضل انك تقابل الواحدة وتعجب بيها فى ظروف عادية
لكن لما تبقى رايح ومعروف انك رايح تشوفها وهية تشوفك بيكون الموضوع فية تجمل وتظاهر وصعب تحسوا بحاجة تجاة بعض خصوصا وسط الزحمة والاهل ....

**n_i_t_e** · 20-05-2011 12:35 PM

المشاركة الأصلية كتبت بواسطة azmeralda

وليه متكونش بتتكلم قدام والدتها مش من ورا اهلها يعنى ودى هتبقى وجهات نظر

مضبوط..هو ده قصدي..أن مينفعش نحكم سواء بالسلب أو الأيجاب..كل شىء جايز

المشاركة الأصلية كتبت بواسطة tamatemo

بص يا ابو فارما

القصة مش في البنت

القصة والمشكلة فيك انتا

هل انتا دماغك ناضجة كفاية ان تقود السفينة وتقدر تختاري الاختيار الصح في الوقت الصح تحت وجود ازمة؟؟؟

اذا دماغك كدا يبقي تقدر تتعامل مع اي بنت في رينج معين سواء اكبر او اصغر

لازم تفكر الف مرة قبل ما تتجوز

علشان تطبق مقولة واحد قالهالي مرة وطبقتها في جوازتي والحمدلله

-ماتتجوزش واحدة علشان دي اللي موجودة اتجوز واحدة مينفعش تتجوز اي واحدة تانية غيرها-

انتا ممكن تتجوز اي بنت
بس فيه بنت ميانفعش تتجوز غيرها دي بتاعتك

واصبر وفكر واحسب الامور باكتر من منطق وباكتر من طريقة

وماتسمحش لحد انه ياثر علي تفكيرك او انك تتاخذ قرارك

صح كده

المشاركة الأصلية كتبت بواسطة mohamed_refaat

بصراحة مش بحب الطريقة دية فى الجواز راى شخصى
انا بفضل انك تقابل الواحدة وتعجب بيها فى ظروف عادية
لكن لما تبقى رايح ومعروف انك رايح تشوفها وهية تشوفك بيكون الموضوع فية تجمل وتظاهر وصعب تحسوا بحاجة تجاة بعض خصوصا وسط الزحمة والاهل ....

كلامك سليم ..أصلا كل حد عايز يتجوز نفسه فى كده بس المشكلة ان الناس بتلجأ لموضوع الصالونات لأن أحتمال اللى بتقول عليه ده صعب جدا جدا. الواحد صعب يمشى الأمور على مزاجه كأنه مستنى النصيب أنه يقابل واحدة فى ظرف زي شغل أو غيره+ يعجب بيها + تعجب بيه + لايقين لبعض فى المستوي الثقافى و الأجتماعى
ده غير اللى بيضايق فعلا فى جواز الصالونات أن المفروض الواحد و الواحدة يعرفوا بعض فى قعدتين و بعدين قراية الفاتحة طبعا و الخطوبة لكن لو محصلش نصيب تلاقى الناس تضايق و ميتقبلوش الموضوع و "كده اتحسبت خطوبة على البنت" و" بنات الناس مش لعبة" و الكلام الكبير ده. لسه خارج من موضوع زي ده و طلعت متهم انى بدخل البيوت و أقضى وقت مع بنات الناس و بعدين أسيبهم!. هو أنا بخطب عشان أعرفها و لا بخطب عشان كده خلاص أنى اتجوزت.
خلاصة كلامى أن من أحد مشاكل طريقة الجواز دي أن ممكن يحصل نصيب و ممكن لأ بس الناس لازم تقبل الموضوع بروح رياضية. و على رأيك كل واحد بيتجمل و بيخبى الوحش بكل الطرق لحد ما الطرفين يلبس.

**khaled_sabry** · 20-05-2011 03:12 PM

المشاركة الأصلية كتبت بواسطة a7med_pharma

الجديد النهاردة
كلمتني من ساعة..قالتلي إنها فاهمة إن مش هيحصل نصيب
وجايبالي عروسة..واحدة زميلتها ! ! ! ! ! !

ده بيأكد اللى قولته قولتلك قبل كده واضح انها مثقفه و مخها كبير ... و هى عمله نادره
يلا مش مشكله

المشاركة الأصلية كتبت بواسطة mohamed_refaat

بصراحة مش بحب الطريقة دية فى الجواز راى شخصى
انا بفضل انك تقابل الواحدة وتعجب بيها فى ظروف عادية
لكن لما تبقى رايح ومعروف انك رايح تشوفها وهية تشوفك بيكون الموضوع فية تجمل وتظاهر وصعب تحسوا بحاجة تجاة بعض خصوصا وسط الزحمة والاهل ....

+111111111111111111111111111
مؤيد جداااااااااا
بس المشكله لما الواحد بيبقى عاوز يتجوز و مافيش حد مناسب فى نطاق معارفه

**tamatemo** · 21-05-2011 12:34 AM

مدام جباتلك واحدة صاحبتها

يبقي حط ايدك ورجلك وديلك في سنانك وقول يا فكيك

انتا مش ناقص ياعم

ابعد الله يرضي عليك انا عارف الحوارات دي وكنت هاقع وقعة سودا في واحدة زي كدا

اخللللللللللللللللللللللل للللللللللللللللللللللللل لللللللللللع

**Amr_tika88** · 21-05-2011 03:30 AM

انا راي من راي الاستاذ tamatemo واخلع
لو هيا عاجباك اوك لو مش عاجباك المفروض لما تقابلها تفهمها النقطه دي قولها انا عندي اولويات تانيه واخبط اي حوار وخلاص وفعلا اكتر حاجه تضايق شغل هيا بنات الناس لعبه والكلام الفاضي ده عادي ان ممكن اتنين ميتقبلوش بعض مش فاهم فيها ايه
وفي اي حاجه تعملها يادكتور بجد فكك من كلام الناس

-

الموضوع: حدث قبل منتصف الليل:: جواز صالونات

LinkBack

أدوات الموضوع

عرض

-

-

-

-

-

-

-

المواضيع المتشابهه

حدث قبل منتصف الليل .. بالشلووووت

حدث قبل منتصف الليل.....قصة كل يوم

حدث قبل منتصف الليل::::أخوياااااااااا

حدث بعد منتصف الليل

حادثه منتصف الليل

الكلمات الدلالية لهذا الموضوع

المفضلات

المفضلات

ضوابط المشاركة