حدث قبل منتصف الليل:: جواز صالونات

**heshamzaky** · 18-05-2011 02:34 PM

المشاركة الأصلية كتبت بواسطة eng/muhamad

انا اقصد ان لو هو مثلا 21 و هى 23 قدامهم حوالى 12 او 13 سنه على ما يوصلوا لسن 35 او 36 و دى احلى فتره فى عمر الانسان و بعد سن 35 فى حاجات بتتغير فى الست بالتحديد و بتبدا تحس انها بدات تكبر
لو هو 27 و هى 30 مش هيلحقوا يعيشوا الفتره الحلوه دى غير 5 او 6 سنين ده اللى اقصده

يا باشا الفترة الحلوة ممكن تتعاش حتى لو عنك 60 سنة مثلا مش مشكلة
انا رأيى ان سن 23 سنة يبقى صغير شوية على الجواز و حاسس انة سن 21 سنة للولد دة ما ينفعش لانة صغير قوى انة يتحمل مسؤلية جواز بجد هو لحق يعمل أى حاجة فى دنيتة علشان يتجوز يعنى لا اشتغل و لا كون نفسة ولا خلص جيشة و لسة عاوز يخرج و يروح هنا و هناك . مش عارف أنا حاسس أنة سن صغير قوى لتحمل مسؤلية بجد
دة حا يبقى مسؤل عن زوجة و اولاد و كيان

**azmeralda** · 18-05-2011 05:00 PM

اولا حمد الله على السلامة

ثانيا مش مهم السن طبعا قدام المميزات ايه يعنى سنتين

**mr_vampire** · 18-05-2011 05:23 PM

-لو في حد هنا ليه تجربة عملية او حد قريب منه يقول الوضع ايه علي ارض الواقع انما كلام نظري مينفعش.

-بص يابو حميد اسمع التجربة ده وعلي اساسها شوف انتا ظروفك ايه,

-ليا واحد صاحبي معايا فالشغل وبعد ماعرفت ظروف شغلي واكيد متخيلها قاعدين بقي فالصحرا والحر واللي عايز يفضفض يفضفض بقي براحته وهو كمان بيرتاحلي كتير.

-باختصار كان مرتبط بواحد زميلته فالكلية ( كانو مع بعض في نفس السنة الدراسية بس هي كانت اكبر بسنة عمرية ) وهي اتخرجت قبله لانه نزل سنة فالكلية بس كانو متفقين فالتفكير وفي كلللللللللللللللل شيء ( علي حسب كلامه ). فتحدو كل الناس واتجوزو وعاشو مع بعض وربنا رزقهم بطفل قرد ( عمو فامبير راح قصدي عمو احمد راح عمو احمد جه ربنا يفرحهم بيه ).

المشكلة بقي اللي منغصة عليه حياته دلوقتي وحكهالي بكل شفافية انه حاسس انها بدءت تكبر ( هو عنده 30 وهي عندها 31 ) بيقولي لو في مناقشة بحس علي طول رايها الصائب ( قولتله النضج مش عيب وملوش علاقة بسن ) قالي بس ده حاجة من حاجات كتير بدءت تبقي زاهدة في حاجات هو ميال ليها سواء علاقة بينهم او خروجات ( مع العلم انها كانت تميل ليها قبل الخلفة بس بدءت تحس انها ام وكبيرة وعليها مسئوليات ومفيش وقت ولا دماغ لحاجة غير كدة ).

فبيقولي بدءت افكر فعلا ليه متجوزش تاني بنت صغيرة تعوضني ( مع العلم ان ده مش نزوة وهتعدي ) لاء فعلا متمسك بيها بس مش قادر يفهمها اللي عايزه او هي فاهمة بس مش من اولوياتها.

-عالنقيض بقي زميل تاني ( البديل بتاع صاحبي الاولاني يعني ده ينزل اجازة ده يشتغل وهكذا ) فرق السن بينه وبين زوجته 7 سنين بيقولي احسسسسسسسسسسسن حاجة ان تكون اكبر من مراتك بفرق كويس مش اقل من 5 تحس انك مربيها علي ايدك وتعودها وتطبعها علي طباعك من غير مجادلة بقي ولا مناقشات لاثبات الذات والكلام ده.

وانا بصراحة ميال للرأي ده فعلا لازم فرق كويس بين الزوج والزوجة مش اقل من 5 فلو ضحينا بالسن نبقي اد بعض فالسن انما اكبر مني صعبة اوووووووووووووي بصراحة.

فشوف كدة يامعلم انتا ايه اللي انسبلك وقرره وشوف انتا هتقبل الوضع اصلا ادام ولا لاء وفكرة ان مراتك اكبر منك ولسة في اولاد واحفاد ( تيتة اكبر من جدو ). هتقدر تتغاضي عن ده كله ؟؟؟؟؟؟؟؟؟؟؟؟؟؟

**zago** · 18-05-2011 05:29 PM

احمد باشا
سيبك من الناس دول
ده كله كلام في الهجايص
مع احترامي ليهم وليك وللمشرف العام ومراقب المنتدى والسيد مساعد اول وزير المهلبيه
اسمع مني انا

مش دايما الرجاله بيقولو ان الستات مخهم صغير ؟؟ لييييييييييييييه ؟؟ أهو احنا كده
ودي مشكله
حل المشكله دي
انك تتجوز واحده مخها كبييييييييييييير
وعلشان مخها يبقى كبير لازم تبقى كبيره
يعني تقدر تقول ...
مخ راجل عنده 27 سنه = مخ ست عندها 30 سنه
يبقى توكل على الله
وهو المطلوب اثباته
يعني دي ميزه مش عيب

غير كده
بالنسبه للبنات ...
البنت دلوقتي بتتجوز ولد اصغر منها علشان... تربيه .

هههههههههههههه

**khaled_sabry** · 18-05-2011 05:35 PM

اقولك على تجربتى ... طبعا ماحدش فى المتدى هنا يعرفنى شخصيا (رغم انى داخل باسم الحقيقى ) و بالتالى اتكلم براحتى
انا متزوج من زميله ليا فى العمل - بعد اعجاب متبادل بس ماوصلشى لمرحلة عبد الحليم و زبيده ثروت
وهى اكبر منى ب 4 اشهر (عارف انه فرق لايذكر - بس كملو الكلام للاخر)
مشكلتى بقى انى بحس انها طفله اوى زياده عن اللزوم و انها سطحيه جدااا
و انى انا ببقى دايما اللى رأى هو الصح و انى انا اكثر ثقافه و بالتالى مش بعرف اعمل معاها اى مناقشه الا فى الحجات البسيطه اوى او فى المسلسلات التركيه دى
و دلوقتى بقيت اعانى من فارق الثقافه ده لأنى عندى طفلين و اختلاف اسلوب التربيه بيني و بينها

فعلا دلوقتى البنت المثقفه عمله نادره .. و من كلامك انها مثقفه و ذكيه و دى صفات نادره دلوقتى
بس اللى مخوفنى منها جرأتها و انها تتصل بيك و لسه مافيش بينكم اى ارتباط
بس لو على فرق السن ماتهتمش بيه بجد و انا اعرف ناس كتير متجوزين كده و سعداء عادى

**zago** · 18-05-2011 05:37 PM

عمو فامبير اعتقد المثال بين اصدقائك مش سليم
لان الشخصيه ليها دور كبيييييييييييير

أهم حاجه .. شخصيتك تبقى قوييييييييييه

**mr_vampire** · 18-05-2011 05:47 PM

المشاركة الأصلية كتبت بواسطة zago

عمو فامبير اعتقد المثال بين اصدقائك مش سليم
لان الشخصيه ليها دور كبيييييييييييير

أهم حاجه .. شخصيتك تبقى قوييييييييييه

عمو فامبير ؟؟؟؟؟؟؟؟؟؟ علي فكرة انا نفس موديل فارما 84 هاي لاين برده. فمش محتاج عمو غير بقي لو انتا موديل جدييييييييييييييييييييييي د او موديل السنة.

معلش الحوار مش حوار صراع شخصيات يعني مين اللي لازم تبقي شخصيته اقوي عشان يغلب عالشخصية التانية.

ده حياة بتتبني يعني مش هتبدء بالمنظر ده.

عموما هما مثالين عمليين ادامي فقولت اقولهم يمكن يساعدو.

**Frozen_Pain** · 18-05-2011 06:01 PM

على فكرة يا احمد موضوع جواز الصالونات ده رخم جدااااااااااا

خاصة لما الرفض بيجى من ناحية الشاب،،، يعنى مثلا انت قولت انك مش حاسس انها ممكن تخليك تنزل من عرش العزوبية كلام جميل جدا،،، وطبعا لو قولتلها كده هتضايق جدا فهتكون مضطر انك تقول حجة تانى من غير ما تجرحها
على الرغم من كده بتلاقى البنت برضه بتفكر طيب انا فيا ايه وحش علشان يرفضنى

انت فاهم انا قصدى ايه؟

وبعدين خد وقتك بجد وما تستعجلش،،، وربنا يكرم ان شاء الله

والمرة الجاة فى خطاب التنحى ابقى متنساش تجيب الراجل اللى واقف ورا أحمد فارما ( قصدى عمر سليمان)

**zago** · 18-05-2011 06:14 PM

المشاركة الأصلية كتبت بواسطة mr_vampire

عمو فامبير ؟؟؟؟؟؟؟؟؟؟ علي فكرة انا نفس موديل فارما 84 هاي لاين برده. فمش محتاج عمو غير بقي لو انتا موديل جدييييييييييييييييييييييي د او موديل السنة.
. [/size]

موديل 87 خليجي مش وكيل هههههههههه

**AHMED12345678** · 18-05-2011 06:41 PM

شوف يا عزيزى السائل انا هقولك على حاجة يمكن توصلك لقرار لانى اتحطيت فى موقف زيك تقريبا مع الفرق ان البنت كانت اكبر منى بسنة
وساعة ما فكرت اخطبهاكان عندى 27 سنة وهى 28 سنة
وكانت محترمة جدا وبتشتغل شغلانة حلوة ودخلها عالى اوى وعيلتها ناس محترمين ومراكز وحتى اهلى شجعونى ومكنش فارق معاهم موضوع السن دة
ولكن يا عزيزى لكن
الرحل الشرقى الى جوايا وجوا معظمنا قالى مكل اخواتك واصحابك اتجوزوا الى اصغر منهم وانا داخلى ومركزى الوظيفى ممتاز ومش محتاج حاجة من مخلوق واهلى بردة مراكز ومش محتاجين حاجة من مخلوق
فلية اعمل فى نفسى كدة واعرض نفسى لرزالة الناس
والى ممكن يبصلى باستغراب علشان متجوز واحدة اكبر منى و
والى ممكن يقولى كلمة رخمة
بالاضافة انا اصلا بغض النظر عن دة كلة مقدرتش ابلع انى اتجوز واحدة اكبر منى وبدون مبرر
يعنى مفيش قصة حب بينا ومفيش سبب قوى يخلينى اتنازل فى موضوع السن دة
وخصوصا ان البنات كتير
وفى الاخر اتجوزت طبيبة اصغر منى بست سنين بحالهم
وياريت محدش يبص لكلامى بعنصرية لانى مقصدش الحكم على البنات الى اتعدوا سن معين ان محدش يتجوزهم
انا بس بوضح وجهة نظر انا متاكد انها عند كتير من الرجالة حتى من الاخوة الى نصحوك متركز فى موضوع السن لانهم بكل بساطة متحطوش فى مكانك
واغلبهم اذا اتحط فى مكانى او مكانك هيعملوا زى معملت
لان الى ايدة فى المية مش زى الى ايدة فى النار
وعموما كل حاجة قسمة ونصيب
واذا كان ليك نصيب فيها فربنا هيجمع بينكوا
واتمنالك الخير
ومتنساش تصلى صلاة استخارة
ملحوظة صغيرة: الجواز شر لابد منة
والحرية تاج فوق رؤوس العازبون لا يراة الا المتزوجون
واذا كان ليك نصيب واتجوزت فقولى علشان ادعيلك بالرحمه
ههههههههههههههههههههههههه ههههههههههههههههههههههههه ههههههههههههه