ميحان 2: أنها حقاً سيارة محترمة

**topgear** · 31-01-2009 02:45 PM

المشاركة الأصلية كتبت بواسطة Ahmed A.Maksoud

السلام عليكم يا شباب

أنا لسة راجع من شرم الشيخ و حصل معايا موقف لازم تعرفوه

أنا كنت رايح يوم السبت الفجر لوحدى وطبعاً سواقة 500 كم وانت لوحدك فى العربية ممكن تجبلك هسهس :-)

المهم أنا كنت ماشى طول الطريق على 160 \ 170 و جبت قبل شرم ب 200 كم كنت على أخرى من الزهق المهم بدأت أجرى شوية 180\190 وساعات 200 و بعدين أهدى تانى و بعد نص ساعة كنت مثبت 190 \200 وبعد نص ساعة كمان على السرعة دى لقيت لمبة ال Service نورت والشاشة كتبت Gearbox Overheating أو ما معناه أن زيت الفتيس حرارته عليت زيادة عن العادى
طبعاً أنا قلبى وقع فى رجلى و بدأت العن اليوم اللى جبت فيه الميجان
المهم وقفت على اليمين و مرضتش أبطل العربية لحسن متدورش تانى وأنا لسة فاضلى 120 كم
كلمت رقم ال Call Center 16202 الساعة 8:30 صباحاً ردو عليا على طول وحولونى لمختص
حكيتلو القصة و وأنا بحكيلو اللمبة طفت لوحدها
الرجل قللى باللفظ " أنت ماشى فوق ال 160 لمدة طويلة صح ؟ "
قلتلو صح قالى أنزل بالسرعة لحد 130 شوية و هاتلاقى اللمبة طفت لوحدها
قولتله فعلاً هى لسة طافية حالاً قالى خلاص كمل عادى بي متفضلش ماشى كتير فوق ال 160 170
قولتله طب أروح أشيك على العربية أول لما أوصل شرم قاللى لأ مفيش مشكلة بس لو ظهرت معاك تانى روح

أنا طبعاً لميت نفسي و كملت باقى الطريق بين 130 وال 150 و الحمد لله مفيش حاجة حصلت
و أنا راجع النهاردة فضات ماشى أول 200 كم ما بين 170 و 180 واحمد لله برضه مفيش حاجة.

أنا شايف انها لو كانت عربية تانية مش بالتكنولوجيا دى كان زمان الفتيس فى الباىباى

أيه رأيكم ؟

نفس اللى حصل معايا
بعد مشتريت العربيه فى نفس اليوم سافرت العريش وانا فى الطريق كنت ماشى 170/180 وفرحان بقه لسه بجرب العربيه لسه جديده وكان فاضل 80 كيلو وكان فى رمضان قبل الفطار بنص ساعه وكنت عايز افطر مع اهلى وظهرتلى نفس الكلمه روحت ركنت وطفيت العربيه وفضلت واقف شويه ودورت لقيت اختفت وكملت 120 بس بعد كده كلمت مهندس التوكيل قالى نفس الكلام فاانا كنت عايز اسال حضرتك سؤال هو انتا جربت مشيت تانى 180 ومحصلش حاجه
يعنى اجرب واتوكل على الله

**Ahmed Selim** · 31-01-2009 02:54 PM

جربت فى نفس اليوم بعد 30 دقيقة و جربت فى نفس السفرية فى الرجوع من شرم......

**Ahmed Selim** · 31-01-2009 03:32 PM

صوت الموتور بيبقى عالى شوية بعد ال 140 تقريباً
أصل الفتيس 4 نقلات بس مش عارف ليه.........لو كان 5 كان الصوت هيبقى أقل و التوب سبيد كانت هتعلى شوية.

**محمد ابراهيم 1** · 01-02-2009 04:27 PM

المشاركة الأصلية كتبت بواسطة Ahmed A.Maksoud

صوت الموتور بيبقى عالى شوية بعد ال 140 تقريباً
أصل الفتيس 4 نقلات بس مش عارف ليه.........لو كان 5 كان الصوت هيبقى أقل و التوب سبيد كانت هتعلى شوية.

يا باشا جميع العربيات الأوتوماتيك فتيسها بيبقى 4 سرعات بس ما عدا الهوندا السيتى الجديده فنازله بفتيس 7 سرعات
وبرضه المرسيدس الجديده نازله بفتيس 7 سرعات

**محمد ابراهيم 1** · 01-02-2009 04:31 PM

بصراحه العربيات الأوروبى سباقه فى الموضوع ده
أذكر إن كان فيه موديل من الريجاتا بتنزل فيها كمبيوتر أعطال
وكان عندنا 405 موديل 89 وكان فيها شاشه بتكتب استوب لو العربيه سخنت أو زيت الفرامل خلص أو منسوب الميه انخفض أو منسوب الزيت أو ضغطه

**Ahmed Selim** · 01-02-2009 04:37 PM

الأوكتافيا ال A5 خمس سرعات يا باشا
و أعتقد فى بعض العربيات دلوقتى بقى الطبيعى بتاعها 5 و فى طبعاً 6 و 7 كمان.

**Ahmed Selim** · 01-02-2009 04:39 PM

المشاركة الأصلية كتبت بواسطة محمد ابراهيم 1

بصراحه العربيات الأوروبى سباقه فى الموضوع ده
أذكر إن كان فيه موديل من الريجاتا بتنزل فيها كمبيوتر أعطال
وكان عندنا 405 موديل 89 وكان فيها شاشه بتكتب استوب لو العربيه سخنت أو زيت الفرامل خلص أو منسوب الميه انخفض أو منسوب الزيت أو ضغطه

موديلات Bmw 325 أوائل التمانينات كان فيها كمبيوتر أعطال محترم جداً
وال 318 فيما فوق كان فيها نظام بيوريك الصيانة القادمة باقى عليها كام كم

انها رائعه رينو -

-

الموضوع: ميحان 2: أنها حقاً سيارة محترمة

LinkBack

أدوات الموضوع

عرض

-

-

-

-

-

-

المواضيع المتشابهه

عاوز بنزينة محترمة و ثقة لفحص سيارة مستعملة

عاوز بنزينة محترمة و ثقة لفحص سيارة مستعملة

معايا 80000 عايز سيارة تكون محترمة

عودة 127مو 1974 الى الحياة لتصبح 2008واحسن من الزيرو(انها حقا سيارة محترمة)

أين أجد شركة محترمة اشترى منها سيارة هيونداى

الكلمات الدلالية لهذا الموضوع

المفضلات

المفضلات

ضوابط المشاركة