رابطة مالكي وعشاق التمبرا (الجزء الخامس)

**sohagy** · 30-08-2011 01:35 PM

كل عام والأعضاء الكرام بخير وصحة وسعادة بمناسبة عيد الفطر .. وربنا يديم الود اللي بينا .. وحال البلد يبقي احسن واحسن ... يا رب

**sohagy** · 30-08-2011 01:41 PM

المشاركة الأصلية كتبت بواسطة man_faraway

سؤال تانى مهم الخرطومين الى طالعين من الكباس التكيف الشجرة فى منهم جداد الا انا موضوع مستعمل الاخ بيقلى 250 لو فى جداد اجيبهم افضل باه ورقم تليفون الكيلانى او غيره عشان لو كده اسال

ارقام الكيلاني .. بس اسعاره حراقة ..
25758439 / 0123316961

**moradmet** · 31-08-2011 02:49 AM

أتمنى الإشتراك في رابطة تمبرا
لدي تمبرا 1993

**nevozaky** · 31-08-2011 03:23 AM

المشاركة الأصلية كتبت بواسطة juventus

عيد سعيد عليكي يا فندم و على الاسرة الكريمة و كل عام و انتم جميعا بخير

كل سنة وحضرتك طيب يا استاذ احمد وعيد سعيد على حضرتك وعلى الاسرة الكريمة

**nevozaky** · 31-08-2011 03:24 AM

المشاركة الأصلية كتبت بواسطة bonanza

كل سنة و انتو طيبيييييييييييييييييييييي ييين
عيد كريم عليكم يا رجالة

كل سنة وحضرتك طيب يا استاذ اسامة .
وعيد سعيد .
ولو ان حضرتك قلت عيد كريم يا رجالة .

**heshamzaky** · 31-08-2011 03:27 AM

المشاركة الأصلية كتبت بواسطة moradmet

أتمنى الإشتراك في رابطة تمبرا
لدي تمبرا 1993

أهلا بيك وسط الرابطة بتاعت التمبرا أنت كدة اشتركت بالفعل
بس رسم الدخول واحد بيسبسى لكل واحد فى الرابطة هههههههههههههه
يا باشا طالما سجلت فى المنتدى من حقك تماما الدخول فى أى موضوع و الاشتراك بالمشاركات و السؤال و التعليق فى اى موضوع انت عاوزة
و أكرر اهلا بيك وسط رابطة التمبرا و على فكرة الحمد لله معظمنا فى الرابطة عارفين بعض كويس و اصدقاء و بنشوف بعض يعنى اخوة و الحمد لله

**heshamzaky** · 31-08-2011 04:08 AM

المشاركة الأصلية كتبت بواسطة moradmet

شكرا أصدقائي فأنا أحد ملاك تمبرا 1993الإنجيكشن و جديد أساسا في موضوع السيارات فأرجو توجيهي و إرشادي و إعتباري أخوكم الصغير
تحياتي

أهلا بيك كمان مرة و ما تقلقش الحمد لله أحنا تقريبا حافظين العربة التمبرا و عارفين نجيب كل حاجة لها و عارفين أسعار قطع غيارها تقريبا من الالف الى الياء و أسعار قطع الغيار ممتازة جدا ما تقلقش من العربية و الانجيكشن ما تقلقش منة نهائيا

**santamento** · 31-08-2011 10:59 AM

طبعا انا عارف انى دخلت متأخر فى المنتدى الرائع ده بس ده علشان ماكانش ليا فى التمبرا و لكن يشاء القدر انى اشترى تمبرا 94 كاملة بعدادات ديجيتال و مش عارف ليه خايف منها اوى .. و ياريت يا جماعة اللى يقدر يشرح العدادات الديجيتال دى عشان مش فاهم منها اى حاجة بالذات فى الجانب اليمين اللى فوق فتحة التكييف
و كمان انا عاوز اعرف هى انجكشن ولا كربراتير اعرفها ازاى دى؟؟