رابطة مالكي وعشاق التمبرا (الجزء الخامس)

**heshamzaky** · 02-09-2011 12:42 AM

المشاركة الأصلية كتبت بواسطة big

الف شكر يا استاذ هشام علي ردك عليا ولو ممكن استفسار اخر هو لومنسوب الميه في قربة الريداتير اعلي من المنسوب الطبيعي يسخن العربيه

العفو يا باشا على اية
لو منسوب المياة كتير فى القربة بيكتم الدورة و يسخن العربية و حا تنطرد المية الزيادة من غطاء الفربة بس لازم ترجع تظبط منسوب المية لانها حا تنقص زيادة

**MOH1973** · 02-09-2011 03:14 PM

المشاركة الأصلية كتبت بواسطة heshamzaky

المشكلة أنة بعد فترة حا ينيم البطارية لانة ممكن يعلق و يخلى البطارية تفضا
بص لو عرفت تجرب بمكثف أخر من حد يبقى فل الفل قبل ما تشترى واحد اخر
بيتباع عند بتوع قطع الغيار و الله اعتقد أنة ممكن يكون فى حدود 40 جنية تقريبا مش متأكد

الاخ العزيز هشام باشا انا رحت الصبح اليوم عند العربية ودورت علي المكثف بتاع المروحة الي انته وضحتة في الصورة امس ولكن للاسف المكثف دة مش راكب عندي في المروحة وبصراحة مش عارف اعمل ايه وطبعا لسمة مروحة العربية بتأخذ 3-4 ق بعد التوقف تفضل شغالة وانا مابمشيش من جنبها في الجراج الا لما تفصل
برجاء الافادة يا باشا والحل ايه

**moradmet** · 03-09-2011 01:57 AM

أنا عضو جديد و بقالي 3أيام بذاكر في الجزء الأول لحد صفحة 200وقولت أدخل أشوف الجزء الخامس
بس بإختصار إنتم روعة و أنا إشتريت التمبرا عن إقتناع بس خليتوني أعشقها و أنا وهياة لحد ما تكون حكاية خاصة إنها فابريكة برة و جوة و1600سي سي و إنجيكشن و باور...و شايلة العيلة
شكرا لكل الأخوة الأفاضل عشان مش عايز أنسى حد

**heshamzaky** · 03-09-2011 02:38 AM

المشاركة الأصلية كتبت بواسطة moh1973

الاخ العزيز هشام باشا انا رحت الصبح اليوم عند العربية ودورت علي المكثف بتاع المروحة الي انته وضحتة في الصورة امس ولكن للاسف المكثف دة مش راكب عندي في المروحة وبصراحة مش عارف اعمل ايه وطبعا لسمة مروحة العربية بتأخذ 3-4 ق بعد التوقف تفضل شغالة وانا مابمشيش من جنبها في الجراج الا لما تفصل
برجاء الافادة يا باشا والحل ايه

ممكن تصور المروحة و تنزل الصور و هل العربية مكيفة و لا لآ

**heshamzaky** · 03-09-2011 02:38 AM

المشاركة الأصلية كتبت بواسطة moradmet

أنا عضو جديد و بقالي 3أيام بذاكر في الجزء الأول لحد صفحة 200وقولت أدخل أشوف الجزء الخامس
بس بإختصار إنتم روعة و أنا إشتريت التمبرا عن إقتناع بس خليتوني أعشقها و أنا وهياة لحد ما تكون حكاية خاصة إنها فابريكة برة و جوة و1600سي سي و إنجيكشن و باور...و شايلة العيلة
شكرا لكل الأخوة الأفاضل عشان مش عايز أنسى حد

يا أهلا و يا سهلا نورت يا باشا ههههههههههههه

**nevozaky** · 03-09-2011 03:36 AM

المشاركة الأصلية كتبت بواسطة juventus

ازي حضرتك يا فندم
المشكلة ان التبريد ضعف جدا جدا غالبا كده الفريون سرب
بس الحمد لله على كل حال اهو احسن ما كانت تيجي في حاجة تانية

الحمد لله على كل حاجة وربنا يسهل ويتصلح تانى ان شاء الله .
ويبقى الموضوع بسيط

**heshamzaky** · 04-09-2011 04:10 AM

المشاركة الأصلية كتبت بواسطة big

السلام عليكم يا تمبراويه عندي استفسار للاستاذ هشام انا شلت الفبره اللي راكبه ادام الريداتيرر ومعملتش اي تغيير في التبريد الناهرده وانا ماشي علي الكورنيش وكان الطريق واقف بشكل وحش الحرارة وصلت ل100و110 هل ده طبيعي في الزحمه تاني حاجه الترموستات غالبا عندي بتشتغل علي 90 ودا بيحصل الصبح اول ما بدور فمن الطبيعي ان حراره العربيه مابين 80 و90 فالمروحه مش بتفصل خالص فهل دا طبيعي وبعدين لو انا ماشي باليل علي طريق سريع مفروض تبقي الحراره الطبيعيه كام مع الجري ياريت يا اهل الخبره تفيدوني

الحرارة يا باشا مفروض تبقى على ال 90 على طول حتى لو مشغل التكيف
بس فى الايام الحر جدا جدا بتزيد بعد ال 90 شوية خصوصا مع التكيف
غير كدة ثابتة على ال 90 على طول

**bestmoahmed201** · 04-09-2011 05:02 PM

المشاركة الأصلية كتبت بواسطة big

السلام عليكم يا تمبراويه عندي استفسار للاستاذ هشام انا شلت الفبره اللي راكبه ادام الريداتيرر ومعملتش اي تغيير في التبريد الناهرده وانا ماشي علي الكورنيش وكان الطريق واقف بشكل وحش الحرارة وصلت ل100و110 هل ده طبيعي في الزحمه تاني حاجه الترموستات غالبا عندي بتشتغل علي 90 ودا بيحصل الصبح اول ما بدور فمن الطبيعي ان حراره العربيه مابين 80 و90 فالمروحه مش بتفصل خالص فهل دا طبيعي وبعدين لو انا ماشي باليل علي طريق سريع مفروض تبقي الحراره الطبيعيه كام مع الجري ياريت يا اهل الخبره تفيدوني

انا عضو جديد لكن ح ارد عليك عشان المشكلة دى حصلت معايابالنسبة لموضوع الحرارة فى الطريق السريع وانت ماشى 120 بتكون من 50 ل60 ولو انت ماشى 150 فما فوق من 60 ل 80 اما جوه البلد المفروض انها متعديش اكتر من 90 وشرطة وتنزل تانى وده الطبيعى معايا اما الاول كانت غير كده خالص كانت زى انت مابتقول وكان السبب انسداد فى الردياتير فغيرت الردياتير واصبح كله تمام وبالنسبة لك متغيرش الردياتير طبعا بس اكشف عليه واغسله ولو مفيش نتيجة الله غالب والكلام ده طبعا بعد اذن الكبار الخبرة انا بس بحاول ولى شرف المحاولة

**MOH1973** · 04-09-2011 08:32 PM

المشاركة الأصلية كتبت بواسطة heshamzaky

ممكن تصور المروحة و تنزل الصور و هل العربية مكيفة و لا لآ

الاخ العزيز /هشام
العربية يا باشا1600 وغير مكيفة موديل 91 ايطالي
اما بالنسبة لصورة المروحة انا مش عارف انزلها اذاي بس هيه شكلها شكل الصورة الي موضحين فيها فيشة المروحة بالموقع .
اما بالنسبة لصباع الحرارة يا باشا الي انت وضحتلي صورته هل افكة من مكانة ونظفة واركبة ثاني ولا اعمل ايه لان المشكلة لسة قائمة