رابطة مالكي وعشاق التمبرا (الجزء الخامس)

**heshamzaky** · 31-08-2011 03:24 PM

المشاركة الأصلية كتبت بواسطة santamento

طبعا انا عارف انى دخلت متأخر فى المنتدى الرائع ده بس ده علشان ماكانش ليا فى التمبرا و لكن يشاء القدر انى اشترى تمبرا 94 كاملة بعدادات ديجيتال و مش عارف ليه خايف منها اوى .. و ياريت يا جماعة اللى يقدر يشرح العدادات الديجيتال دى عشان مش فاهم منها اى حاجة بالذات فى الجانب اليمين اللى فوق فتحة التكييف
و كمان انا عاوز اعرف هى انجكشن ولا كربراتير اعرفها ازاى دى؟؟

أهلا بيك يا باشا فى الرابطة بص حد من الزملاء حا يشرحلك العدادت الدجيتال
ما تقلقش نهائيا من العربية خالص العدادات الدجيتال بالفبرة لو لا قدر الله باظو نهائيا تمنهم 200 جنية فقط
علشان تعرف العربية كاربراتير و لا أنجيكشن قولى شكل العمة الى راكبة فى الموتور حديد مدورة و لا بلاستيك مستطيلة و السلك بتاع البنزين داخل على الكاربراتير من الصدر بتاع العربية للكاربراتير و لا بالعرض

**heshamzaky** · 31-08-2011 03:40 PM

الصورة الاولى للتمبرا الكاربراتير السلك بتاع البنزين عمودى من صدر العربية للكاربراتير

الصورة دى للتمبرا الانجيكشن السلك بتاع البنزين بالعرض
سلك البنزين هو الفيصل لان فية ناس مركبة عمة مستطيلة و العربية كاربراتير أو العربية كانت أنجيكشن و قلب العربية كاربراتير

**aymanamr** · 31-08-2011 07:52 PM

كل سنه وانتوا طيبين وعيد سعيد عليكوا كلكوااااااا

**aymanamr** · 31-08-2011 10:42 PM

انا رحت اظبط زوايا الراجل رفع العربيه من قدام وهز الكاوتش لقاه بترجرج شويه وقالي بيض المقص وحش قلتله لسه مغيره من شهرين قالي خليه يدقق عليه هو كده قصده بيض البارات الخارجيه وهو اتلغبط ولا ايه؟؟؟؟؟؟؟؟

**BIG** · 01-09-2011 05:28 PM

عيد سعيد علي كل التمبراويه وكان لي استفسار بسيط للاستاذ هشام لوممكن يجاوبني انا معايا تمبرا 93 انجكشن الراداتير عندي عليه كفر اسود بلاستيك من ناحيه الشبكه مغطيه كله يعني الهوا اللي بيخبط في وش العربيه وهيا ماشيه مش بيساعد في التبريد المفروض اشيله ولا لا

**BIG** · 01-09-2011 05:41 PM

ياجماعه هو لومنسوب الميه في قربة الريداتير اعلي من المنسوب الطبيعي يسخن العربيه

**heshamzaky** · 01-09-2011 06:37 PM

المشاركة الأصلية كتبت بواسطة big

عيد سعيد علي كل التمبراويه وكان لي استفسار بسيط للاستاذ هشام لوممكن يجاوبني انا معايا تمبرا 93 انجكشن الراداتير عندي عليه كفر اسود بلاستيك من ناحيه الشبكه مغطيه كله يعني الهوا اللي بيخبط في وش العربيه وهيا ماشيه مش بيساعد في التبريد المفروض اشيله ولا لا

شيلها طبعا يا باشا هى قطعة بلاستيك سوداء زى الهواية و راكبة فى الرادياتير من الامام و نازلة لغاية الاكصدام عند الريش الى فى الاكصدام
دى حا تقلل التبريد شيلها
كل سنة و انت طيب يا باشا

**star88** · 01-09-2011 08:26 PM

ممكن مسعدين البرافا تركب على التمبرا

**star88** · 01-09-2011 08:27 PM

استاذ هشام كل سنة وحدرتك طيب وعيد عليك مبارك

**heshamzaky** · 01-09-2011 08:31 PM

المشاركة الأصلية كتبت بواسطة star88

ممكن مسعدين البرافا تركب على التمبرا

بتركب يا باشا عادى جدا و بيعلو العربية الاختلاف بيبقى فى البطاحة العلوية فقط

المشاركة الأصلية كتبت بواسطة star88

استاذ هشام كل سنة وحدرتك طيب وعيد عليك مبارك

و أنت طيب يا باشا و عيد سعيد

الموضوع: رابطة مالكي وعشاق التمبرا (الجزء الخامس)

LinkBack

أدوات الموضوع

عرض

-

-

المواضيع المتشابهه

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة