الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة ahmed79

كل سنه وانتم طيبين
وربنا يكرم ويكون الجميع بصحه جيدا
وعيد سعيد

و أنت طيب يا كبير عيد سعيد يا باشا وحشتنا يا ريس

أيمن باشا دى صور البارات الخارجية رقم2 و البارات الداخلية رقم 1 الى راكبة فى علبة الدريكسيون


و دى البيضة الى فى البارات الخارجية


و دى البارات الخارجية و مسمار الميزان

السلام عليكم ورحمة الله وبركاتة وكل عام ورابطة التيمبرا بخير
انا يا جماعة حصل معايا 3 ملاحظات عايز حد منكم يفدني ويقولي الحل ايه
1- عداد الحرارة بقالة فترة بيخرف كان لما اشتريت العربية ميعديش 90 ولما الدنيا تكون زحمة يعدي التسعين بشرطة او اثنين ولكن دلوقتي احيانا بيوصل لـ 130 ولما اركن وادور من اول وجديد ينزل لغاية90

2- طلعت مشوار 100 كيلو اول يوم العيد وكلة تمام وبعد ما ركنت لمدة 3 ساعات بس للاسف كنت راكن في الشمس رحت اركب العربية لاقيت لمبة نقص مياه القربة منور في تابلوة الاعطال دورت العربية ولاقيت مستوي المياه بالقربة منخفض زوت المياه لحد المستوي بتاع السهم واعلي منه بشوية صغيرين ( وللعلم انا من ساعة ما جبت العربية مزوتش مياه ولاه مرة ومشيت بالعربية حوالي 1000 كيلو واخر مرة كشفت علي المياه كان قبل العيد بيومين وكانت المياه مظبوطة .

3- بقالي 3 مرات لما بركن العربية في الجراج مروحة الردياتير بتأخذ 5-7 دقائق ثم تفصل ولكن في الاول كانت بتفصل في فترة اقل من كدة .

4- انا لما بكون سايق العربية معرفش المروحة بتفصل وانا سايق ولا لا
برجاء يا جماعة حد يفدني في الموضوع دة واجابة الاسئلة الاتية

* هل تخريف عداد الحرارة بعد تلك الملاحظات راجع لصباع الحرارة طيب هو فين مكان صباعة الحرارة وياريت صورة ليه داخل العربية .
* هل المروحة بتاعة العربية فيها مشكلة ولا الي بيحصل دة حاجة طبيعية ؟.
* هل نقص مياه القربة فجاءه ده طبيعي ول في مشكلة وللعلم من ساعة مازوت المياه من يومين مشيت حوالي 50 كيلو والمياه مظبوطة مبتنقص ..
* برجاء حد يوصفلي كهربائي فاهم في العربية دي ويكون قريب من شبرا الخيمة او شبرا مصر او مسطرد او المطرية ولو ما فيش قريب من تلك المناطق يوصفلي واحد وانا ارحلة
معلش يا جماعة طولت عليكم لكن برجاء قراءة تلك المشاركة والرد علي كل استفساراتي لو سمحتم للاهمية علشان الحق الموضوع في اولة وللعلم السيارة 1600 سي سي انجكشن ايطالي
مع خالص تحياتي وعظيم تقديري

المشاركة الأصلية كتبت بواسطة ahmed79

وانت كمان ياباشا
سؤال عشان العيد وانا راجع بالعربيه لم تكون ماشى سريع وتيجى تفرمل الاقى البدال بتاع الفرامل فيه رجه البدال فقط كانت بتحصل اوقات مش مستمره ده من ايه

أكشف كدة على الطنابير الامامية للأحتياط

بالنسبة لموضوع ان المروحة بتفضل شغالة مدة بعد ما تطفى العربية اعتقد بنسبة كبرة جدا دة بسبب المكثف الى راكب فى القميص بتاع المروحة

المشاركة الأصلية كتبت بواسطة ahmed79

لو طلعت هى الجوز بكام
وهل نغيرهم ولا بيتمسحو وهل جديد ولا استيراد

الجوز جداد ب 180 و فية ب 250 و لو مسحتهم تيفا تقريبا مسحهم عند خراط ب 20 جنية مش متذكر بالظبط