الموضوع: تعلم مراتك السواقة و تجبلها عربية ولا لأ؟؟

الموضوع خرج شوية عن عنوانه واصبح الان المشكلة القائمة يعنى ايه سلفى؟
انا تعمدت ان اذكر الكلمة دى لعدة اسباب
اولا الناس فاكرة انه السلفيين دول ناس متخلفيين يريدون العودة بالحضارة الانسانية مئات السنين للخلف والمفروض انه يركب جمل موش سيارة
ثانيا انهم يعاملون زوجاتهم معاملة السجين المعتقل فى بيت الزوجية ولا يحق له رؤية كوكب الشمس الا فى حالة الضرورة القصوى يبقى كمان هتشرى ليها سيارة يعنى رجس من عمل الشيطان بل من علامات الساعة
ثالثا عجبنى رد الاخ اللى قال يعنى ايه سلفى ما كلنا مسلمين وسلفيين زيك وده اجمل شيء سمعته انه الناس بدات تفهم ان الاسلام والسلفية شيئا واحدا ويكفينى هذا الفهم لاكون فى منتهى السعادة ويا افندم حقك على اهو انت اللى سلفى وستين سلفى كمان
رابعا انا شارى لزوجتى سيارة من فترة طويلة بعد لما اتعلمت السواقة واطمنت عليها انها تمام والحمد لله ربنا جعلها عونا على قضاء مصالح الاسرة وتخفيف معاناة الحياة وحفظ وصيانة لكرامة زوجتى اللى هى كرامتى اصلا من بهدلة المواصلات أو ركوب تاكسى مع شخص غريب
واخيرا الحمد لله زوجتى امراة عاقلة بفضل الله ولا تخرج الا لامر مهم طبعا موش هيصة هى هتروح تلف بالسيارة فى الشوارع زى العيال المراهقين وبعدين احنا موش فاضيين للكلام ده لانها سلفية برضه زيي بس الله يخليك ماتزعلش وتقول لى سلفية يعنى ايه بتطلع دخان من ودانها مثلا؟
تقبلوا تحياتى