كان نفسك تطلع اية

**aliabutaleb** · 22-04-2008 08:56 PM

كان نفسي أطلع مترجم ومحرر أخبار في البي بي سي
بس الحمد لله على كل حال
وعسى ان تكرهوا شيئاً وهو خير لكم
ولو علمتم الغيب لاخترتم الواقع

**eng/muhamad** · 22-04-2008 09:01 PM

كابتن طياار

**turboman** · 22-04-2008 09:24 PM

انا قصتي غريبة شوية كان نفسي اطلع طيار لان خالي طيار ..........لكن مش عارف ليه كان والدي معتبره فاقد.........جبت مجموع في الثانوية و قعدنا القعدة المشهورة بين الاب و ابنه.قالي عايز تدخل ايه قلت له طيران مدني ..ده سمع الكلمة و تقولش اتكهرب و يومين زعيق و شتيمة......قلتله بلاش .طب فنية عسكرية.......نفس رد الفعل.......اخر ما زهقت قلتله تحب انت ايه قالي صيدلة .قلتله بالعند بقى هدخل طب..............و بعد سبع سنين تخرج بقول ياريتني سمعت كلامه او هو سمع كلامي

**Ghamrawy** · 22-04-2008 10:32 PM

مهندس ميكانيكا لدرجة انى كنت باروح ورشة الميكانيكى بتاعنا كل صيف فى الاجازة لمدة شهر و الكلام ده لحد ما تميت 22 سنة .بس اعمل ايه منها لله الكيمياء و فى الاخر دخلت تجارة و شغال محاسب فى شركة غاز طبيعى

**OsKaR** · 23-04-2008 12:49 AM

رجل مطافي
محدش يسألني ليه ؟!

**turboman** · 23-04-2008 01:26 AM

رجل مطافي ؟؟؟؟؟؟؟طب بالعند بقى ليه؟

**analyzer** · 23-04-2008 01:41 AM

تاجر
وما زلت بحاول

**ows212** · 23-04-2008 03:36 AM

قالي صيدلة .قلتله بالعند بقى هدخل طب

انا بقى كان نفسى ادخل صيدلة ... لكن المجموع الكبير خلاهم يقنعونى بالطب وايه دى كمان الصيدلة دا انت هاتطلع عطار افرنجى .. لذيذة مش كده .. المهم دخلت طب .. بعد شهر بالضبط اتعقدت من الطب والمشرحة والتشريح ... حولت صيدلة .. بقيت صيدلى ...ا ا اقصد عطار افرنجى ...
لو رجع بيا الزمان هادخل صيدلة طبعا انا اكتشفت ان مش اى حد يحمل مسئولية المرضى قدام ربنا ...

**engamrnour80** · 23-04-2008 03:45 AM

انا مش عارف المهنه اللى كان نفسى فيها ايه
انا كان نفسى ابقى كل حاجه للعربيات سواق ميكانيكى كهربائى ..... وعشان كده دخلت هندسة بس معرفتش ادخل ميكانيكا عشان الدراسة صعبة اوووى
لو حد فيكم شافنى و انا بتكلم مع الموتور هيلاقينى شبهه
بس عشقى الاول و الاخير السواقه
وعلى فكرة انا سوقت حاجات كتير من عربيات بكل احجامها ماعدا التريلا و الحفارات و البقيه تاتى نفسى اسوق اتوبيس

**emadno1** · 23-04-2008 03:53 AM

كان نفسى اكون قبطان مركب سياحى من الى بنشوفها فى الافلام الاجنبى دى رغم انى من القاهره مش مدينه ساحليه بس الحمد لله بقيت مدير نظم معلومات فى فندق و اهى كلها سياحه برضه

الموضوع: كان نفسك تطلع اية

LinkBack

أدوات الموضوع

عرض

-

-

-

-

-

المواضيع المتشابهه

متحرمش نفسك من العربية اللي نفسك فيها (هو انت هاتعيش كام مرة؟)

النترا تطلع من بورش!!!!!!!!

ال Cd مش عايزة تطلع من الكاسيت

افيدووووونى ال سى دى مش عاوزة تطلع

و دي تطلع كيا ايه دي؟؟؟

الكلمات الدلالية لهذا الموضوع

المفضلات

المفضلات

ضوابط المشاركة