تكييف بورتابل

**tamatemo** · 21-05-2011 04:54 AM

خليه يجبلك صور ليه وهوا متركب

**gaaz** · 21-05-2011 12:53 PM

انا كلمت الراجل
الراجل بيقولي ان هو فعلا مش تكييف بس هو حاجة اسمها كووولر تحطله ميه او تلج وهو يظبط الجو
وبيقول ان سعره برة تلتميت دولار
ممكن تحطه في شنطة العربية وليه وصلة بتطلع من الكرسي اللي ورا تطلع الهوا الساقع في العربية كلها
انا دخلت على سايتات كتير وشفت ناس عاملينه عمولة وانا بفكر اعمل واحد عمولة مع نفسي في البيت
لو حد يقدر يساعني بافكار او اي حاجة يا ريت
ده حاجة انا لقيتها هي معمولة لطيارة بس كاتبين في السايت ممكن للعربيات برضه
YouTube - ‪Arctic Air Portable Airplane Air Conditioner from Sporty's‬&rlm;
محدش يعرف اجيب مروحة جامدة منين ؟ وهل حتاخد اتناشر فولت بتوع الولاعه ؟ ولا حتحتاج اكتر ؟ افيدوني قبل ما ادوب من الحر

**gaaz** · 23-05-2011 10:22 PM

فين خبراء الكهرباء في المنتدى ؟ ولا خلاص كله اكمنه عنده تكييف في العربية مسقع للغلابة حالاتي هههههههههه

**sterio_504ever** · 23-05-2011 10:46 PM

المشاركة الأصلية كتبت بواسطة gaaz

فين خبراء الكهرباء في المنتدى ؟ ولا خلاص كله اكمنه عنده تكييف في العربية مسقع للغلابة حالاتي هههههههههه

ههههه يا عم اسكت يا عم حدش حاسس بينا دا احنا غلابه اوى

**gaaz** · 23-05-2011 10:51 PM

ستيريو ههههههههههههههههههه
والله عندك حق بص بص بقى انا مش حسكت
انشالله اركب تلاجة في العربية بجد لازم نتصرف هههههههههه

**sterio_504ever** · 31-05-2011 01:57 PM

انا معاااك يا معلم :]

**misoalex** · 31-05-2011 05:46 PM

طيب انت عندك المروحه العاديه بتاعه العربيه اللى ليها علبه فى الكبوت متجرب تجيب ازازه تلج وتحطها فى العلبه دى وتشغل المروحه
دى كتجربه مبدأيه لو نجحت يبقى ممكن تطور فيى الصندوق بتاع المروحه ده وتخليه زى الايس بوكس

وعلى فكره مش حتلاقى مروحه اقوى من المروحه اللى بقولك عليها دى وهى 12 فولت طبعا ومتركبه وجاهزه عندك

والله انا لو راكب عندى وشغال كنت جربته لكن انا شيل العلبه بالمروحه ولو شغاله اصلا وصلات التهويه اللى راكبه فى التابلوه وطالعه من الهوايات عندى متشاله مش موجوده
:(((((

**MOUSTAFA_SAAD** · 31-05-2011 07:44 PM

مش عملى ابدا

**misoalex** · 31-05-2011 08:40 PM

وبالنسبه لموضوع الميه اللى حتطلع من التلج والتكثيف ممكن تعمل خرطوم رفيع من بتاع المساحات ده فى اسفل الصندوق ياخد الميه ينزلها على الارض بعيد عن المروحه وحوض العربيه

بقولك يا باشا متيجى نتقابل ونشوف الحوار ده

**gaaz** · 31-05-2011 09:32 PM

ياريت والله يا ميسو
انت طلعتها في دماغي
المشكلة انا عندي المروحة دي فعلا وشغالة بس ضعيفة اوي مش حتعمل اي حاجة وبعدين بتضرب الهوا في اتجاه واحد يعني انا كمت عايز موضوع الشنطة ده عشان الهوا يبقا جاي من ورا يبقى الصالون كله مكيف