تكييف بورتابل

**misoalex** · 01-06-2011 12:47 AM

انا لقيت فيديوهات على اليوتيوب طريقه تحط مش عارف جلسرين على ايه كده تلاقى التلج طلع
بس مش عارف المواد المستخدمه ايه

وهل التلج اللى حيطلع حيعمل بروده ولا منظر بس

**misoalex** · 01-06-2011 12:50 AM

المشاركة الأصلية كتبت بواسطة gaaz

بص يا ميسو الخرطوم اللي طالع من المروحة ورايح للبوكس ده مش ممكن امشيه من جوه العربية ؟ واخلي البوكس اللي فيه ثلج تحت الكرسي اللي جمبي ؟ ؟؟؟؟ وبكده يبقى معزول كويس عن الحرارة
ها ؟

ممكن طبعا بس مقولتليش حتحل مشكله التلج لما يسيح ازاى ؟؟؟ مهو لازم حيسيح

بقولك دى المشكله اللى خلتنى اوقف الفكره

**gaaz** · 01-06-2011 01:25 AM

بص يا سيدي التلج كده كده حيسيح فانت ممكن تحل المشكلة باكتر من طريقة
اما انك وانت نازل تاخد معاك كيسة فيها تلج صغير كده من التلاجة
او ان احنا نجيب التلاجة الصغيرة بتاعت العربيات ودي برضو موجودة وسهله

**misoalex** · 01-06-2011 05:31 AM

بس تلاجه العربيات مبتعملش تلج دى بتحافظ على درجه حراره المثلجات او بتخليها ساقعه مش مثلجه

وهو طبعا اكيد قبل منركب العربيه لازم تجيب معاك ازازه تلج او كيس تلج
بس حيقعد 3 ساعات او 4 وبعد كده بخخخخخخ طيب باقى اليوم حتعمل ايه

**gaaz** · 01-06-2011 10:31 AM

ماهي التلاجة حتخليه يقعد اكتر من اربع ساعات ان شاء الله بالاضافة الى مكانة اللي حنحطه في حتة معزولة تحت الكراسي مثلا
بص انا ما عندنيش مانع ادفع فلوس واجرب القصة دي
بس المشكلة اني معرفش منين اجيب التلاجة بتاعت العربية
بتتباع فين ؟

**tarek_2005** · 01-06-2011 01:56 PM

ممكن تجيبها من اي هايبر ماركت ( كارفور - هايبر وان )

وانا عندي فكرة ممكن تكون افضل واقل تكاليف وممتده تعالوا اقولكم عليها واعرض المشكلة الي ممكن تقابلنا ونحاول التغلب عليها معاً

ايه رائيكم نجيب انفرتر من 12 فولت تيار مستمر الي 220 فولت تيار متردد ويكون 300 وات مثلاً
ونجيب موتور ثلاجة صغير 1/5 حصان مثلاً
ونجيب مبخر ومكثف بتوع ثلاجة 10 قدم

وبعدين نوصل الانفرتر علي موتور الثلاجة ونوصل موتور الثلاجة علي المكثف بتاع الفريون والمكثف الي المبخر ثم الي موتور الثلاجة ونشحن الدايرة دي فريون وبكده يبقي عندنا تكيف كهرباء وليس له علاقة بالمحرك سوي سحب تيار زائد من الدينامو

المشاكل التي اعاقت الفكرة

1 - لابد من عدم حركة موتور الثلاجة اثناء العمل
2 - مدي الاعتمادية علي ديناموا السيارة في تغذية الانفرتر والتاثير السلبي

لو حد عنده افكار يطرحها ونحن نتناقش يمكن نستفاد

اخيكم
طارق علاء

**gaaz** · 02-06-2011 12:04 AM

ياريت حد من المهندسين يفيدنا في القصة دي

**gaaz** · 02-06-2011 12:16 AM

ممكن تجيبها من اي هايبر ماركت ( كارفور - هايبر وان )

مش موجودة يا باشا في كارفور اسكندرية

**essamenen** · 03-06-2011 12:37 PM

دائره التبريد للثلاجه كبيره وثقيله وبتسحب كهرباء ( امبير )عالي ومينفعش تشتغل والعربيه بتتحرك علشان الزيت الى فى الضاغط ميدخلشى فى المواسير ( ضاغط تكييف السياره مصمم على فصل الزيت ) وثمنها قريب من ثكييف العربيه طب ليه منركب الحاجه الاصليه بتاعه العربيه
شوف المشاركه دى وقولى رايك فيها
http://www.nilemotors.net/Nile/219332-a.html

-

الموضوع: تكييف بورتابل

LinkBack

أدوات الموضوع

عرض

-

-

-

-

المواضيع المتشابهه

فكره / بخصوص تكييف الفلشيا يعنى تكييف بدون حمل على الموتور ياله بينا نشارك فى الحر ده

تكييف اللانوس تفوق بجدارة على تكييف ال rb

هارد بورتابل 80 جيجا بالجراب و السعر ممتاز

أركب تكييف للجولف فين (عايز تكييف جولف أصلي إستيراد)

الكلمات الدلالية لهذا الموضوع

المفضلات

المفضلات

ضوابط المشاركة