تكييف الايفو

**mohamedgamall** · 27-05-2011 03:48 PM

المشكلة ان فى الحر الواحد بيقى عايز الهوا ييجى فى وشة توزيع الفتحات بيخلى الهوا مش مظبوط لازم تقعد ملوح علشان تحس ان الهو مركز علييك و زى ما دكتور وائل و محمد قالوا تشغلة على اربعة بعد ما يكون الهوا السخن خرج و تدريجيا هتلاقى نفسك بتنزلة ل اتنين و و احيانا بقفلة خالص بس كنت عايز اسئل هو الواحد لو ركن فى الشمس كل يوم مع العلم انى بغطيها دة غلط على العربية فى حاجة ؟

**wael17** · 27-05-2011 06:46 PM

المشاركة الأصلية كتبت بواسطة mohamedgamall

هو الواحد لو ركن فى الشمس كل يوم مع العلم انى بغطيها دة غلط على العربية فى حاجة ؟

للاسف الشمس اللي عندنا هاتأثر علي اي عربية...بس طبعا التأثير بيبان بعد سنين...يعني لو جبت عربيتين زي بعض بالظبط و احدة بتتركن في جراج و التانية في الشمس و بصيت عليهم بعد 5 سنين مثلا هتلاقي اللي بتتركن في الشمس لونها بهتان و ممكن تلاقي التابلوه بدا يتأثر ...لو بتركنها في الشمس الغطا ها يحميها شوية

**M.Gamaledeen** · 27-05-2011 07:13 PM

المشاركة الأصلية كتبت بواسطة wael17

في نقطة تانية...الايفو ما فيهاش فتحة تكييف للجزأ الخلفي ...يعني الناس الي قاعدة ورا لازم تعتمد علي الهوا اللي طالع من الفتحات الامامية ‏

د/ وائل
في فتحتين للتكييف تحت الكرسيين الأماميين لتوصيل الهواء ل"سكان" الكنبة الخلفية، وفعلا الفاميه بيفرق كتير (:‏‎
‎

**wael17** · 27-05-2011 07:56 PM

المشاركة الأصلية كتبت بواسطة M.Gamaledeen

د/ وائل
في فتحتين للتكييف تحت الكرسيين الأماميين لتوصيل الهواء ل"سكان" الكنبة الخلفية، وفعلا الفاميه بيفرق كتير (:‏‎
‎

أول مرة أعرف!!!!! و انا اللي عامل فيها خبير في الايفو

**mikology** · 28-05-2011 05:05 AM

طيب حد فيكو قارن التكييف بتاعها بتكييف حاجة كورى او يابانى ؟؟

**HOSSAM99** · 28-05-2011 05:30 AM

المشاركة الأصلية كتبت بواسطة mikology

طيب حد فيكو قارن التكييف بتاعها بتكييف حاجة كورى او يابانى ؟؟

لو أعضاء الفيات يحبوا يجربوا تكييف الإلنترا أو الماتريكس يقولولي
(أعملوا حسابكم في كوفيات و و جواكيت)

**mikology** · 28-05-2011 05:44 AM

المشاركة الأصلية كتبت بواسطة HOSSAM99

لو أعضاء الفيات يحبوا يجربوا تكييف الإلنترا أو الماتريكس يقولولي
(أعملوا حسابكم في كوفيات و و جواكيت)

**yoko** · 28-05-2011 12:50 PM

طبعا مقارنة بالكورولا الي معايا في السعوديه أقل بكتييير لكنها أعلى من الميجان مثلا (أنا كنت قايل الكلام ده في موضوعي عن اللينيا قبل كده)

**CryptonX** · 28-05-2011 03:44 PM

انا جربتها في الايفو و في الباليو و في الكلاسيك !

اضعفهم الباليو , الكلاسيك في الوسط و الايفو احسنهم بس بصراحة في الشمس الحارقة اداء مش مقنع خالص :(
لو سايب العربية في الظل حتبرد بعد شوية في الايفو و تقلله .. انما لو كنت راكنة في الشمس .. ,والله فتحنا الزجاج و شغلت المراوح و طلعت الهواء و كل حاجة ممكن تتعمل .. و قعدت بتاع 10 دقائق بعدها مثلا علشان ابتدي احس بالفرق !
بس للاسف انا من النوع الي بعرق بسرعة جداد فعقبال العك ده كله كان القميص بقى مـياه !!

برده من العربيات الي ماقنعتنيش خالص بالتكييف الفورد فوكاس !

عربيتي انا بقى فيها مشكلة غريبة جدا ... المروحة على 4 اعلى درجة ويادوبك الهواء واصل لوشي و صوت التكييف عالي طبعا ... بس مش قبل 10-15 دقيقة علشان فعلا العربية تبرد بالكامل و اقلله .

على عكس الDigital بتاع البيجو 307 ...تلاجة بجد !!!