تحياتي لكل الاعضاء :-)
عندي مشكله مضايقاني جدا .. و ياريت لو حد عنده خبره في المشكله دي يفيدني و شكرا جزيلا
انا حاعرض المشكله من خلال عده نقاط عشان اقدر أوضح الموضوع
1- عربيتي لانوس 2011 عامله 7500 كم
2- فيشه الاوكتان ظابطها علي 92..متشاله خالص
3- لاحظت ان بعد 10 او 15 كم سواقه في الحر بالتكيف او بدون تكيف ..العربيه بتاخد و تدي في الزحمه او في الطريق العادي يعني مع العربيات ..بمعني : بتتقل شويه و ادوس بنزين تتشد لأدام و أسيب رجلي من علي البنزين أحس انها بتتشد لورا شويه .. و الدوسه علي البنزين زي ما تكون مش سالكه .
4- لو دوست بنزين علطول والطريق فتح خالص و جبت تالت ورابع .. المشكله دي مبتحصلش خالص
5- بالليل مع التكييف او بدون و في الزحمه مبيحصلش الموضوع دة .. و بتبقي العربيه تمام جدا
6- هوة الموضوع دة بيحصل معايا دايما و انا راجع من الشغل في حدود االساعه 3.30 او 4 العصر
رحت التوكيل : و حكيت المشكله .. نضفوا البوابه و الحساس اللي فوق البوابه بعد ما خلوني اشتري اسبراي ac delco و بردوا المشكله زي ما هيه
رحت تاني انهاردة ..قالولي دي مشكله وساخه بنزين .. قولتلهم طب ليه مبتحصلش الا في عز الحر و بعد 10 او 15 كم سواقه بالظبط .. وليه مبتتحصلش بالليل؟؟؟؟؟؟؟؟؟؟؟؟؟
قالولي لازم تشتري منظف اللي بيتحط في التانك و بردو ac delco ...و قالولي تحطةة في التاانك وتفول عليه
بيني وبينكم انا مش مقتنع .. و طبقا للي ذكرته لحضراتكم فوق ..حاسس ان المشكله موبينه او طلمبه بنزين
و انا لسه مش خبير في مشاكل اللانوس ....قولت اعرض الموضوع عليكم
و بردو انا خايف من ac delco بتاع التانك االلي بيتضاف عالبنزين .. لأن واحد قاللي انه غغلط جدا لانه بيوسع الرشاشات ... هل الكلام دة صح؟
و عموما انا مش مقتنع انها مشكله بنزين .. و لا فلتر بنزين ..
عذرا للاطاله ...
تحياتي ليكم جميعا ..
عمرو ابراهيم
المفضلات