تحذير هاااااااااام من الكروز

**HOSSAM99** · 29-05-2011 02:54 PM

المشاركة الأصلية كتبت بواسطة bassem raafat

اللى توصلتله إن المشكله فى الكروز المانيوال بس ومش شرط إنه يكون العيب فى كل المانيوال ، وممكن يكون فى أول دفعات .

ومعانا ناس هنا فى القسم معاهم الكروز الأوتوماتيك والحمد لله محدش إشتكى منها .

هو ده التوضيح اللي أنا عايزه إن مش شرط إن عربيه في دفعاتها الأولي كان فيه عيب يبقي كل الدفعات بها نفس العيب
شكرا يا أستاذ باسم

**Bassem Raafat** · 29-05-2011 03:06 PM

المشاركة الأصلية كتبت بواسطة hossam99

هو ده التوضيح اللي أنا عايزه إن مش شرط إن عربيه في دفعاتها الأولي كان فيه عيب يبقي كل الدفعات بها نفس العيب
شكرا يا أستاذ باسم

بالظبط يا حسام باشا زى ما حضرتك قولت ، ولا شكر على واجب .

**CryptonX** · 29-05-2011 03:14 PM

علشان منظلمش حد بس ... انا زميل ليا معاه العربية , وكنت عملت موضوع عنها هنا انها بتبطل برده .. و طلع عيب في حاجة في الكهرباء و اتصلح في الضمان .

العربية ركبتها كتير الحمد الله بس مقدرش احكم جذري عليها علشان المدة الي كنت بركبها مكانتش بتعدي 20 - 25 دقيقية و مشاوير صغيرة في طرق جيدة نوعا ما .

بصرف النظر عن الشكل و خلافه , محرك السيارة بصراحة تعبان اخر حاجة ! و ده كان شعوري و ده كلام صاحب العربية ... صوته عالي و مسموع تقريبا في جميع حالات الحركة و ياويلك لو حاولت تحرق .. علي الصوت بقى على الاخر و شغل التكييف على الاخر علشان تنسى صوت المحرك ... مش عارف العيب في المحرك ولا في وزن السيارة بس نفس صاحب السيارة عندهم فورد فوكاس 2007 و فرق السماء والارض بصراحة في كل حاجة يمكن ماعدا الشكل الداخلي بحس الكروز افضل .

العفشة ( وي دي الهايلاين ) نصف نصف لا ناشفة اوي ولا ناعمة اوي و الثبات جيد .

الي معجبنيش برده ان بالرغم من شياكة التابلوه الا انه مدي احساس بالضيق في الامام و لو واحد مليان شوية او طويل شوية ممكن يتضايق من الوضع في القعدة قدام , خامات الابواب الخلفية مش ماشية مع باقي العربيةي حاسسها اقل .

بصراحة انا شايف ان كتير عليها 131 الف جنيه و دي كمان الاوتو الفاضية تماما ! الهايلاين دي نكتة هي كمان لو حتقارنها بكماليات سيارة مثلها مثل السيراتو الهايلاين مثل و سعرها استهبال 141 !

وطبعا اكتر حاجة صاحب العربية شتم فيها هي التوكيل !!

**drzezo0o** · 30-05-2011 05:39 AM

أعلنت الحكومة الكورية الجنوبية أن شركة "جنرال موتورز دايو" الفرع الكوري الجنوبي لمجموعة "جنرال موتورز" الأمريكية ستسحب 58 ألف سيارة من الأسواق بسبب عيوب في التصنيع لموديلات 2011 وقالت وزارة النقل والشئون البحرية والبرية في بيان رسمي نقله يوم الأحد موقع "أسواق" الاقتصادي التابع لشبكة قنوات MBC إن "جي إم دايو أند تكنولوجي" أعلنت أنها "ستسحب 58 ألفا و696 سيارة أنتجتها وباعتها من موديلات "وينستروم ولاسيتي بريميار وداماس" بسبب عيوب في الإنتاج".

وتعاني 45 ألفا و957 سيارة "وينستروم" رباعية الدفع أنتجت في 2006 و2007 من عيوب في "الدريكسيون" ، بينما تواجه 12 ألفا و604 سيارات "لاسيتي بريميار" من مشكلة في أنابيب الوقود.

وأضافت الوزارة أن 135 سيارة "داماس" ميكروباص تبين أن أنظمة إطفاء الحريق فيها ليست كافية.

وأوضح المتحدث باسم "جي إم دايو" أن هذه السيارات بيعت في كوريا الجنوبية لكن إجراء سحب السيارات سيوسع ليشمل دولا أخرى.

الجدير بالذكر أن سيارتي "وينستروم ولاسيتي بريميار" معروفتان في الأسواق الخارجية ومنها مصر باسم "شيفروليه كابتيفا" و"شيفروليه كروز

**drzezo0o** · 30-05-2011 05:45 AM

ياستاذي الفاضل العربيه الكروز مشاكلها وصلت ان فيها عيوب في الباور يعني ممكن تبقي ماشي بالعربييه تلاقي الطرمبه قفشت والدركسيون تقل والعربيه تغور كلها بالناس والارواح الي فيها حسبي الله ونعم الوكيل

**drzezo0o** · 30-05-2011 06:06 AM

انا معايا شيفروليه كروز عمله 20000 يعني لسه جديده المهم العربيه فيها عيوب كتير جدا من ساعة ما جبتها منها التكيف ضعيف جدا ولما روحت التوكيل قالولي نقصه فريون وبرضو التكيف ضعيف وطبعا مش هاتكلم علي السحب لانها ضعيفه المهم من 3 اسابيع العربية فجاة بطلت ومرديتش تدور وبعدين لما روحت التوكيا قالولي ان الفتيس ضرب وان انا هاستني 3 اسابيع علشان هايستوردو الفتيس لانو مش موجود لما روحتلهم تاني علشان استلم العربيه قالولي معلش العربيه الكمبوتر بتاعها ضرب هو كمان وعرفت من حد جوه ان المشكله دي عامه ومنتشرة ياريت يا جماعه الي عندو مشاكل نحدد يوم ونروح فيه الفرع الرئيسب لجنرال موتورز ونكون عدد علشان انا عرفت ان العربيه اتسحبت في دول كتير الا مصر انا هاسيب ركمي وايميلي الي عندو استعداد نتحد ونتجمع ونروح براحتكو 0100951504 01525122162 eng.mahmoudkassim@yahoo.com

**drzezo0o** · 30-05-2011 06:07 AM

عربيه جديده والفتيس يبوظ على 20000 الف كيلو سبحانك يارب

**aymanmaly** · 30-05-2011 08:40 AM

المشاركة الأصلية كتبت بواسطة drzezo0o

ياستاذي الفاضل العربيه الكروز مشاكلها وصلت ان فيها عيوب في الباور يعني ممكن تبقي ماشي بالعربييه تلاقي الطرمبه قفشت والدركسيون تقل والعربيه تغور كلها بالناس والارواح الي فيها حسبي الله ونعم الوكيل

حضرتك نورت القسم

**mhmdalsaadany** · 30-05-2011 02:07 PM

يا جماعه خلاصه الموضوع للمره المليون والدشليون كروز امريكا بتتصنع في امريكا ودي بتكون 1400 سي سي
والكروز بتاعة مصر كانت بتنزل 2009 زجاج خلفي اكر وكتير منها كان فيها عيب التبطيل وتم تفاديه في جميع موديلات 2010 و2011 وكل اوامر الشغل العربيه انتاج 2009 وكمان موضوع انابيب الوقود كان في اللاسيتي فقط وليس الكروز وطبعا احنا عارفين انه نفس المصنع ولكن لم يثبت حتى الان موضوع عيوب جماعيه للكروز في مصر كلها عيوب فرديه اعتقد

ومعلش نداء لصاحب المشاركه بتاعه العربيه انفجرت وولعت في نص مصر والفتيس باظ والكومبيوتر والدركسيون وقع والرفارف طارت والسقف وقع على العربيات التانيه ياريت صوره لامر الشغل وإلا اسمحلي انا مش مقتنع بالكلام دا ابدا لانه لا يعقل الصراحه
وفي الاخر احب اقول ان الكروز من افشل السيارات في العالم ومحدش يشتريها خالص اوعى حد يجيبها عايزين نبقى مميزين بقى ههههههههههههههههههههههههه هههههههههههههه

-

الموضوع: تحذير هاااااااااام من الكروز

LinkBack

أدوات الموضوع

عرض

-

-

أعلنت الحكومة الكورية الجنوبية -

-

شكوي من صاحب سياره ركوز -

-

-

-

المواضيع المتشابهه

ماهي نسبة الانضغاط في محرك الكروز ونوع البنزين الأمثل لمحرك الكروز

استفسار هاااااااااام

صوت تحذير على سرعة 120 في الكروز!!!!

هاااااااااام جدا

(هاااااااااام ) هى ضريبه ال 128 كام

الكلمات الدلالية لهذا الموضوع

المفضلات

المفضلات

ضوابط المشاركة