الموضوع: تحذير هاااااااااام من الكروز

حضرتك بتستخدم بنزين إيه و هل بتعمل صيانة كل خمسة أو عشرة تلاف كيلو ... حضرتك أو إلي بيأجرو العربية بيقرصو على العربية ولا لأ ... في حد لعب في العربية ولا لأ ... حضرتك بتاخد مطبات ولا لأ فيه كذا سؤال بس معلش يعني عمري ماشفت كروز صاحبها بيدلل عليها أومال إلي معهم 128 يعملو إيه فرح علشان يبيعوها ؟؟؟؟

المشاركة الأصلية كتبت بواسطة drzezo0o

عندي معرض ايجار سيارات في شارع شهاب ومعرض مشهور جدا عندي كيا سيراتو وعندي لانسر بومه وعندي 3 شارك بعت واحد من شهر لانها دمرت تماما في حادثه وعندي هونداي سوناتا 2000 سي سي وكانت عندي الكروز وبعتها بنجاح بعد مادللت عليها وخسرتني كتير في التوكيل كل يوم عطلانه وكسفاني مع الزباين انا طبع شغلنا بيان لاي عربيه هي كويسه ولا لا لان بقولك العربيه بتتنقل من سائق لسائق وبيطلع عنيها يمكن تكون مع اصحابها تمام بس معايه قرفتني اووووووووي وليه كام واحد هنا قرفاهم بردوه يعني العيب مش مني ابدا ده من الكروز نفسها وشكرا لكم جميعا
باااااااااااي

والله انا كمان بدأت اكون مش فاهم هو حضرتك بتشتغل فى توكيل متسوبيشى ولا عندك معرض ايجار سيارات استعملت الكروز ولاكنت بتأجرها ولا هى بتاعة صاحبك المواضيع الى حضرتك نقلتها لناس تعرفهم ولا ناقلها من على النت و مانتش عارف مدى مصداقيتها انا مش فاهم
وكل الناس بتسأل حضرتك عن استفسارات وحضرتك مابتردش على الاستفسارات
وكل الى بتعملة انك بتستفذ الناس وبس
ياريت حضرتك تقولول لينا على غرض حضرتك من الى بتعملة دة علشان مايكونش الموضوع نشهير وخلاص
كل هذا الكم من الموضيع الى اتجمعت فى الموضوع دة ومافيش ورقة توحد ربنا تثبت فيها انك كنت مالك للعربية
ولحين الرد على الاسئلة بادعوا جميع الاعضاء عدم الرد فى هذا الموضوع لحين رد كاتب الموضوع رد منطقى على الاسألة
و بعد كدة سوف نلجاء لادارة المنتدى للتصرف علشان مصداقية المنتدى

المشاركة الأصلية كتبت بواسطة fawzyyyy

الي صاحب الموضوع

اهلا وسهلا بيك ....مش عارف ليه حاسس اني اعرفك او ان طريقة كتابتك مش غريبة عليا

المهم......انا ممكن ادخل حالا اجيبلك لينكات من علي النت علي عربية هيونداي اكسنت....ان هي اتسحب منها كميات كبيرة جدا مش في دول اوروبية بس .....لأ في سوريا و عمان و الخليج.......و ده بسبب ان في عيوب في الباور بتاع العربية و انه بيقفش لوحده

و لكن غبور باع منها كام واحدة ؟؟؟؟ متهيألي اكتر من 20000 عربية.......!!!! هل في حد اشتكي منها ؟؟؟ واحد او اتنين او قول 10 اشتكوا....!! ده معناها اني اقول ان العربية فاشلة.....!!!!
ايه رأيك بقي ...اني ممكن اجيبللك بردو تقارير عن العربية اللانسر الشارك...(اللي حضرتك بتقول انك شغال في التوكيل بتاعها و تملك العربية )........و ان فيها عيوب خطيرة و مخيفة لدرجة انك لو رشيت عليها مياة ...ممكن العربية تتخض.....!!!

يا استاذي الفاضل يا ريت متضحكش علينا الناس......!! حضرتك بتقول انك بتملك العربية و فيها مشاكل حصلتلك...تروح عاملي موضوع و ناقلي فيه مواضيع فات عليها اكتر من سنة ...حتي اوامر الشغل اللي انت رافعها مش بتاعتك ...و عمال تنقل في تقارير و اخبار من مواقع........و نسيت تحكي قصتك......!!!!
و في الاخر افتكرت و روحت كاتب انك معاك العربية و اول مشكلة ان تكيفها ضعيف......!!!!! و بعد كدة اما العربية بطلت منك ...و حضرتك روحت التوكيل قالولك الفتيس بايظ و عايز يتغير ( الفتيس بتاعك مانيوال )......انا عايز اسأل حضرتك سؤال من غير زعل ...هو حضرتك بتكلم هنوووود ؟؟؟!! ايه علاقة الفتيس بالتبطيل ...؟؟!!

بعد كدة حضرتك بتقول انك اما روحتلهم تاني عشان تستلم العربية قالولك الكمبيوتر اتحرق...و طلعت المشكلة منتشرة في العربية ديه و حضرتك عرفت الكلام ده من التوكيل.....!!! هو اصحاب الكروز اللي في المنتدي مبيروحوش التوكيل ده....؟!! اصلهم لو كانوا بيروحوا التوكيل ده.....كانوا اكيد سمعوا عن المشكلة ديه......فا يا ريت حضرتك تبقي تقولنا علي مكان التوكيل ده عشان ناخد بالنا منه...!!!

حضرتك بتقول المشكلة ديه عامة و منتشرة جدا في العربية ديه........علي فكرة منصور بايع فوق ال 10000 عربية كروز.....و مسمعناش حاجة عن الكروز ولا حتي في طبق اليوم.......!!!
و عشان ابقي بتكلم صح.......نايل موتورز فيها اكتر من 30 مالك للكروز اعرفهم و فيه غيرهم كتير.....محدش اشتكي منها غير استاذ فتحي و استاذة سوزان و الاتنين 2009.......و طبعا مش حقول حضرتك لأنك مأثبتش حتي انك معاك العربية

يبقي ايه لازمة الفرح اللي حضرتك عامله ؟؟!!

مفروض انا لو معايا عربية كروز و حصل فيها مشاكل......اول حاجة حاروح و اعمل مشاكل مع التوكيل و اخد حقي منهم بالقانون تالت و متلت...مش محتاج اني اقعد اجمع ناس و احط ايميلي و رقمي......!!
و لو عايز اشارك مشكلتي عشان الناس تقولي رأيها و تساعدني.........يبقي اعمل موضوع و احكي قصتي بالتفصيل و أحط اوامر الشغل اللي عملتها في التوكيل و أقول اني غيرت كذا و روحت عملت كذا و رفعت قضية و كله بالاثباتات........ساعتها حتلاقي الناس بتشارك و تساعدك.....و حنروح بعيد ليه.....دور علي موضوع (الكروز بتبطل) و شوف استاذ فتحي عامله ازاي ؟؟!!





نقطة اخيرة .......حضرتك كاتب في احد مشاركاتك انك بعت العربية بعد 5 شهور بس.......طيب حضرتك كاتب في المشاركة الاخيرة انك لحد دلوقتي معاك العربية و بتعاني من مشاكل في الكروز........طب ازاي ؟؟؟؟!!
و في مشاركة تانية .....حضرتك بتقول (نصيحه لوجه الله اوعي تعمل زي واحد صاحبي معاه بومه 1300 مانوال باعها واشتري كروز بيعيط دلوقتي على البومه ياباشا هتنزل من بومه وتركب كروز ازااااااااااااااااااااااا ي ) ....هي عربية حضرتك ولا عربية واحد صاحبك ....؟؟!!! صدقني انا بدأت اتجنن....!!!!
في مشاركة تانية بردو ........قولت انك عندك شارك و النترا و سوناتا و عندك من اللانسر الشارك 3 عربيات و عندك سيراتو ..........و كلهم بتأجرهم......يعني تاجر او صاحب معرض و شغال في توكيل لانسر.....!!!! صدقني من غير زعل في حاجات كتييير غريبة في الموضوع

يا ريت توضيح لما يحدث ......و الا اغلاق الموضوع من اساسه
لأن كل فترة تحصل بلبلة عن طريق الكروز و يا ريت تسامحوني انا مش قصدي حاجة........لكن مش عارف ليه دايما اعداء الكروز بيطلعوا مرة واحدة في يوم و ليلة بيظهروا و كمان بتلاقوا الاسلوب واحد في كتابتهم.......( و الحدق يفهم )

المشاركة الأصلية كتبت بواسطة drzezo0o

فوزي باشا ههههههههه حضرتك زعلت ليه اوي كده دي تحذير مش اكتر وايه يعني مقوله الحدق يفهم
ياسيدي الفاضل يعني ايه كل واحد قال عليها وحشه يبقى مثلا حاقد على العربيه اصلا العربيه متستاهلشي حد يحقد عليهاهههههههههههه على الاطلاق ربنا يعين اصحابها لانهم صعبانين عليه اووي مش اكتر حضرتك انا معايه لانسر شارك فئتين مانوال واوتوماتيك المانيوال عامله تقريبا اكتر من 550 الف تقريبا عمري ماشتكيتن منمها في اي حاجه وربنا يغفر لك ويسامحك ويسامح الي صنعها وباعها للناس الغلابه عندي معرض ايجار سيارات في شارع شهاب ومعرض مشهور جدا عندي كيا سيراتو وعندي لانسر بومه وعندي 3 شارك بعت واحد من شهر لانها دمرت تماما في حادثه وعندي هونداي سوناتا 2000 سي سي وكانت عندي الكروز وبعتها بنجاح بعد مادللت عليها وخسرتني كتير في التوكيل كل يوم عطلانه وكسفاني مع الزباين انا طبع شغلنا بيان لاي عربيه هي كويسه ولا لا لان بقولك العربيه بتتنقل من سائق لسائق وبيطلع عنيها يمكن تكون مع اصحابها تمام بس معايه قرفتني اووووووووي وليه كام واحد هنا قرفاهم بردوه يعني العيب مش مني ابدا ده من الكروز نفسها وشكرا لكم جميعا
باااااااااااي

ههههههههههههههههههههههههه هههههههههههههههه

انا بس عايز اوضح للناس و الاعضاء هنا الكلام و الاسئلة اللي كتبتها لصاحب الموضوع .......معرفش يرد علي سؤال واحد فيهم .......و قعد يتوه في الكلام زي ما انتم شايفين.......و متهيألي كدة الموضوع واضح تماما....... زي ما توقعت

انا اسف يا استاذ ايمن اني رديت....بس كنت عايز اجمع السؤال بتاعي بأجاباته...عشان اوضح للناس الموضوع ماشي ازاي...!!

و أخيرا زي ما استاذ ايمن قال محدش يرد علي الموضوع لحد ما يتجاوب علي الاستفسارات و الاسئلة ديه.....او يمكن صاحب الموضوع يبعتلنا حد تاني يصدق علي معلوماته و يكون بنفس اسلوبه بردو في الكتابة

المشاركة الأصلية كتبت بواسطة aymanmaly

ولحين الرد على الاسئلة بادعوا جميع الاعضاء عدم الرد فى هذا الموضوع لحين رد كاتب الموضوع رد منطقى على الاسألة
و بعد كدة سوف نلجاء لادارة المنتدى للتصرف علشان مصداقية المنتدى

يا جدعــــــــــــــــــــــ ــــــــــــــــــــان

كل الكلام ده فاااااااااااااااااااااااا اكس ، الأستاذ / أحمد عدلى ( drzezo0o ) اللى إقامته فى ( أسيوط ) وعنده معرض إيجار سيارات فى ( شارع شهاب ) وفى نفس ذات الوقت بيشتغل فى توكيل متسوبيشى اللى عنده عربيه شارك عامله 550 الف وماشيه زى الفل واللى عربيته الكروز المانيوال كانت ( للإيجار ) وبعد كده جابت ( فتيس وكمبيوتر ) اللى هى شكوة استاذ / محمود قاسم فى جروب ( كل ضحايا الكروز ) على الفيس بوك إللى عملاه الأستاذه / سوزان اللى هو أعضائه 24 عضو منهم عضوين بس إشتكوا من العربيه .

حد فاهم حاجه .........؟!! ولا أنا بصراحه ........... المهم والخلاصه :

الأستاذ / أحمد عدلى ( drzezo0o ) : شكراً جزيلا على تحذير حضرتك من مخاطر الكروز ، وبجد إتشرفنا بالكلام معاك ونورتنا فى قسم شيفروليه .
الأستاذه / سوزان منتصر ( salome ) : ربنا يقوى حضرتك على مشاكل الكروز ، ونصيحه أوعى تسيبى حقك مع التوكيل .
الساده أعضاء القسم : كبروا دماغكم .

عاجـــــــــل : الكروز تؤكد عدم ترشحها لمنصب عمدة الشيفروليه لفتره جديدة وتنوي القيام باصلاحات وانتقال سلمي للسلطة للأوبترا ، والاف المحتجين يتدفقون من أسيوط الى شارع شهاب رافعين لافتات مندده بسياسات الكروز في الفترة الاخيرة والامن المركزي يحيط بالعاصمه ومئات القناصة فوق الأسطح في حالة تأهب قصوي .

المشاركة الأصلية كتبت بواسطة bassem raafat

عاجـــــــــل : الكروز تؤكد عدم ترشحها لمنصب عمدة الشيفروليه لفتره جديدة وتنوي القيام باصلاحات وانتقال سلمي للسلطة للأوبترا ، والاف المحتجين يتدفقون من أسيوط الى شارع شهاب رافعين لافتات مندده بسياسات الكروز في الفترة الاخيرة والامن المركزي يحيط بالعاصمه ومئات القناصة فوق الأسطح في حالة تأهب قصوي .

ههههههههههههههههههههههههه ههههههههههههههههههههههههه

من اسيوط لشارع شهاب طوالي .......رايح جاي....هههههههههههههههههههه هههههه

لا تعليق عشان خاطر العمدة