الموضوع: لنرجع الي الوراء قليلا البردعي 2007

وفتح عليك ابواب نعمته امين

المشاركة الأصلية كتبت بواسطة araberphilosoph

عايز تعمل حملة مساندة ليه أتفضل ماحدش مانعك بس صدقني مش هاتلاقي مادة أيجابية تسانده بيها غير أنه جمع توقيعات في يوم من الايام

يااااه يا استاذ اوتوف ده احنا بننسي بسرعه اوي اوي
ياااه
افتكر للرجل طيب يوم ما مات خالد سعيد معذبا ومزقوا سمعته وسمعه اهله وكان الرجل من اول من حرض وساهم في التظاهر في اكبر مظاهره ضد التعذيب في تاريخ مصر ووقف يوميها وسط ارجل واشجع 4 الاف مصري خرجوا بعد صلاه الجمعه في اسكندريه في اول بروفه للثوره واتحاصروا ب 40 الف جندي امن مركزي ورفض يومها الاخوان والسلفيين المشاركه وقفوا وقفه حق في وجه سلطان جائر
افتكر للرجل انه اول شخصيه كبيره هو واهله يعزوا اهل خالد سعيد ويقفوا جانبهم ولو معنويا ولم نسمع كلمه واحده من السلفيين ولا غيرهم
افتكر لما مات سيد بلال وادان الرجل الفعله وقال لا وطلب بتحقيق مباشر يوم ما كان السلفيين بيرفضوا مجرد التظاهر لانه حرام والخروج علي ولي الامر حرام وهلم جر والفيديوهات منتشره ولن انسي قول احد المشايخ يومئذ (مهما فعلوا لن نخرج علي ولي الامر)
افتكر لما رجع مصر يوم 27 يناير وخرج مظاهرات 28 واتفقل عليه الجامع واتضرب بالقنابل المسيله للدموع والفيديوهات موجوده يوم ما كانت الفتاوي جايه من السعوديه ومن مصر بحرمه التظاهر والخروج علي ولي الامر وكانت قيادات الاخوان بتجتمع بعمر سليمان عشان يفضوا الميدان
طب افتكر للرجل انه في وقت ما كان اغلب الناس والقيادات في التيارات المختلفه بتحتقر الشباب وبيقولوا عليهم شويه عيال وهو من قبلها بسنه كان بيقول انه بيثق فيهم (ومعهم سيكون الحلم حقيقه) وتبعه الشباب وحرروا مصر وحررونا كلنا وبقينا دلوقتي بنتشرط وبنقول ده ينفع وده مينفعش
طب افتكر يوم ما كان اقصي امانينا ان ربنا يعتقنا من جمال مبارك ويمسك عمر سليمان احسن واكبر امالنا في اصلاح اي حاجه في اي حاجه ولما جه قلنا ليه لا وبدا ولو بارقه امل ان في اختيارات تانيه مهما كانت مش مناسبه بس هه في امل
طب افتكر له ثقته في النصر (اعتقد اننا سننتصر في النهايه بشكل او باخر) افتكره جلده وايمانه بفكرته مهما كان اعتراض حضرتك عليها
افتكر شجاعته لما قال النظام كله فاسد
يا سيدي من لا يشكر الناس لا يشكر الله (ليس بحديث)
ياااه ده احنا بننسي بسرعه اوي اوي اوي

+11111 ربنا يباركلك

اما استاذ اوتيفا عمره ما هايفتكرله حاجه كويسه وسيظل على طريقته في الهجوم الفاشل على البرادعي لانه يفتقد المصداقيه في كلامه ويتبع سياسة الكيل بمكيالين ( نفس طريقة حسني مبارك وعمرو موسى ) ودائما تبريراته من نوعية الاسلام والدين بس مشكلته انه بيكلم ناس متعلمة وفاهمه الصح من الغلط لازم يعرف ان الاسلام بيخاطب العقل أولا ( إقرأ ) الاسلام بريء من هذه السياسه الفاشله

المشاركة الأصلية كتبت بواسطة memo_p910

+11111 ربنا يباركلك

اما استاذ اوتيفا عمره ما هايفتكرله حاجه كويسه وسيظل على طريقته في الهجوم الفاشل على البرادعي لانه يفتقد المصداقيه في كلامه ويتبع سياسة الكيل بمكيالين ( نفس طريقة حسني مبارك وعمرو موسى ) ودائما تبريراته من نوعية الاسلام والدين بس مشكلته انه بيكلم ناس متعلمة وفاهمه الصح من الغلط لازم يعرف ان الاسلام بيخاطب العقل أولا ( إقرأ ) الاسلام بريء من هذه السياسه الفاشله

عيب بلاش غلط ومغالطات ....... أنت مش قادر تشوف الحقيقة براحتك الله أعلم بتوجهاتك