الموضوع: رد من أحد قيادات الإخوان على ما يثار حاليا حول بعض مواقف الجماعة

خلاص إحنا نعيد الاستفتاء مرة تانية

لكن لو الأغلبية اختاروا الانتخابات ثم الدستور ثم رئاسة الجمهورية

يبقى ساعتها ما فيش مشكلة ممكن نعمله مرة تالتة والتالتة تابته

بس انا خايف انه يؤدي لنفس النتيجه

اقولكم إحنا نحط حد أقصى لكل استفتاء
يعني أقصى شئ بالصلاة على النبي كده خمس مرات استفتاء ولو طلع منهم ثلاث مرات مؤيدين لنعم واتنين مؤيدين لا
يبقى ساعتها نعيده مرة سادسه وسابعة لأنه لازم الناس تقول خمس مرات على الأقل نعم للتعديلات على أول جزء من الدستور

بس يا ريت حد يقولنا الكلام ده حصل قبل كده في العالم ولا هتبقى مصر أولا في هذا النظام

ليه الناس مش عايزه تفهم ان مواد الاستفتاء اتغيرت في الاعلان الدستوري
في ايه
ما تم الاستفتاء عليه شئ وما جاء في الاعلان الدستوري شئ اخر تماما
لو خايفين على الارادة الشعبية روحوا اعترضوا على المجلس العسكري


مين اللي لعب في مواد الاستفتاء وغيرها


الإعلان الدستورى

(مـــــادة 60 )
يجتمع الأعضاء غير المعينين لأول مجلسى شعب وشورى فى اجتماع مشترك ، بدعوة من المجلس الأعلى للقوات المسلحة ، خلال ستة أشهر من انتخابهم ، لإنتخاب جمعية تأسيسية من مائة عضو

مين اللي غير رئيس الجمهورية وحط مكانها المجلس الأعلى للقوات المسلحة؟
سؤال من ابراهيم عيسى

المشاركة الأصلية كتبت بواسطة ahmed anwer

أنتا صدقت الهجاص ابراهيم عيسي ؟؟؟

ده نصاب و مدلس و بيلعب تلت ورقات

المادة 189 بتتكلم عن الأحوال العادية لتغيير الدستور

المادة 189 مكرر بملحقها مادة تكميلية بتتكلم عن الوضع الحالي و حتي المادة ب من المادة المكررة بتتكلم عن مجلس الشوري يشتغل إزاي من غير الأعضاء اللي هيعينهم رئيس الجمهورية

- مادة 189 فقرة أخيرة مضافة
ولكل من رئيس الجمهورية، وبعد موافقة مجلس الوزراء، ولنصف أعضاء مجلسي الشعب والشوري طلب إصدار دستور جديد، وتتولي جمعية تأسيسية من مائة عضو، ينتخبهم أغلبية أعضاء المجلسين من غير المعينين في اجتماع مشترك، إعداد مشروع الدستور في موعد غايته ستة أشهر من تاريخ تشكيلها، ويعرض رئيس الجمهورية المشروع، خلال خمس عشرة يوما من إعداده، علي الشعب لاستفتائه في شأنه، ويعمل بالدستور من تاريخ إعلان موافقة الشعب عليه في الاستفتاء.


- المادة 189 مكررا
يجتمع الأعضاء غير المعينين لأول مجلسي شعب وشوري تاليين لإعلان نتيجة الاستفتاء علي تعديل الدستور لاختيار الجمعية التأسيسية المنوط بها إعداد مشروع الدستور الجديد خلال ستة أشهر من انتخابهم، وذلك كله وفقا لأحكام الفقرة الأخيرة من المادة 189.

- المادة 189 مكررا 1
يمارس أول مجلس شوري، بعد إعلان نتيجة الاستفتاء علي تعديل الدستور، بأعضائه المنتخبين اختصاصاته.
ويتولى رئيس الجمهورية، فور انتخابه، استكمال تشكيل المجلس بتعيين ثلث أعضائه، ويكون تعيين هؤلاء لاستكمال المدة الباقية للمجلس علي النحو المبين بالقانون.

المادة 189 مكرر هيا اللي إحنا ملزمين بيها دلوقتي يا افندم

يا باشا كبر دماغك من الهجاصين دوول

معلش مش واخد بالى فين تم ذكر المجلس الأعلى للقوات المسلحة في المادة 189 مكرر
حضرتك ما ذكرته لا جديد فيه
وحتى المكرر يعود بالامر الى اصل المادة الى رئيس الجمهورية
في الفقرة (وذلك كله وفقًا لأحكام الفقرة الأخيرة من المادة 189)


مادة 93 اتغيرت كمان

الاصلي ما تم الاستفتاء عليه
تختص المحكمة الدستورية العليا بالفصل في صحة عضوية أعضاء مجلس الشعب.

واتغيرت الى
تختص محكمة النقض بالفصل فى صحة عضوية أعضاء مجلسى الشعب والشورى

حتى جوهر الاستفتاء اتغير لانه كان عن تعديل لا الغاء للدستور
وقد سالت سؤالين لم يجب احد عليها حتى الان

ما الحكمة من التصويت على الغاء المادة مادة 179 لو كان هناك نية لاعلان دستوري لماذا نلغي مادة واحدة من دستور ملغي كله ؟
وكمان
ما الحكمة من ان مدة الرئاسة 4 سنوات اذا كنا هنعمل دستور جديد بعد شهور
وممكن المدة في الدستور الجديد تكون 10 سنوات مثلا؟ استفدنا ايه يعني


وده معناه ان ارادة الشعب لم تحترم كما يعني ان الاستفتاء غير مقدس