هل تلتزم بالحارة المرورية؟؟

**Abo_Lina** · 24-04-2008 03:42 PM

المشاركة الأصلية كتبت بواسطة TAG_Turbo0

الصورة دى كنت بدور عليها من الصبح
شوفوا الحارات المرورية قى مصر

ماشاء الله

يا جماعة لازم نبقي فرحانين

مصر اول بلد تعمل طريق من ابو 17 حارة

**kh_talaat** · 24-04-2008 03:46 PM

والله بحاول إني ألتزم بيها على قد ما أقدر

المضحك إني زمان أول ما تعلمت سواقة كنت معتقد إن الخطوط الموجودة على الأسفلت الهدف منها إنك تجعلها في منتصف العربية وأنت ماشي عشان لما يكون في ضباب أو شبوره وفضلت على إعتقادي دة يمكن حوالي 3 سنين ..... هههههههههه

**Karim_Monir** · 24-04-2008 03:51 PM

اينعم بحالو اكون ملتزم 90 % مالم يجبرني اي هيكل معدني متحرك بجواري ان انتقل بسرعة لحارة اخري بدل من الانتقال للاخرة

وكمان بحب التزم ابدا بعدم التخطي طول ما الخط الابيض المتصل موجود

واللي بشوفوة ماشي في حارتين متعمد
يعني عينة اللي يحط الخط الابيض في وسط العربية وماشي
ممكن اكرهة في عيشتة وفي اليوم اللي فكر فيه يسوق في مصر
واخرها في طريق العبور من 3 ايام والله كنت هالبسة في بلدوزر من غيظي

**Islam_galal** · 25-04-2008 03:27 AM

أنا حاولت بس يأست و بالتزم بيها لو الشارع فاضي و الناس بتتصرف زي الناس يعني تقريبا مابلتزمش بيها

**Dr Ahmed** · 25-04-2008 03:36 AM

هلتزم بالحارة المرورية تبعا لقانون المرور وللا قانون الشارع المصرى؟؟؟

الحارة اليسرى للأسرع فى قانون المرور وللأبطأ فى قانون الشارع
واللى بيقول انه بيلتزم بالحارات أحب أسأله إزااااااااااااى؟؟
هل تقدر تكمل مشيك على 90 كم/س بس فى الحارة الشمال وللا كل 100 متر هتقابلك عربية ترلة ولا كارو وللا أى ماركة ماشية على 40 وأحيانا أقل؟؟؟ هتفضل ملتزم بالشمال برضه؟؟؟
والتخطى اللى مفروض يبقى من اليسار... لا يمكن حدوثه فى شارعنا إلا من اليمين لأن من أمامك لن يترك لك اليسار أبدا لتمر..

هو الشارع المصرى كده شماله يمين ويمينه شمال
ويبدو إن دى حقيقة واقعنا كله : معكوس

**analyzer** · 25-04-2008 03:55 PM

على طرق مصر اسكندرية الزراعى مفيش حاجه اسمها حارات خالص
النقل الثقيل فى الشمال والكارو فى الحارة اليمين والميكروباص ماشى على التراب بعد الاسفلت والاتوبيس فى النص

وكله على كله من الاخر سلطه يعنى الحته الفاضيه امامك ادخل فيها بسرعة قبل الى خلفك ما يدخلها ويزنقك

اما من المظلات الى التحرير بحاول التزم ولكن سؤ اخلاق الميكروباص بيخلينى اتجنن وابلطج عليهم واعمل غرز وازنق عليهم خاصتا لما بكون بالعربية الادا

**emadno1** · 25-04-2008 04:55 PM

طبعا انا بالتزم بيها و بادى اشاره لما باغير من حاره لحاره

بس المشكله انى لما بسوق فى اى محافظه من محافظات مصر الناس بتلتزم بالكلام ده الا فى القاهرة بحس ان الناس بتتعمد متلتزمش بى الكلام دة

**Ghamrawy** · 26-04-2008 12:01 AM

على قد ما اقدر و غالبا ده بيكون على الطرق الصحراوية ،انا النهارده كنت راجع من القاهرة و ما خرجتش بره الحارة غير خمس او ست مرات بسبب العربيات النقل بس جوه البلد لا يمكن طبعا التزم بيها طول ما فى زباليين سايقين عربيات لونها اسود فى برتقالى و عربيات 100 راكب اسمها ميكروبات و حبة شباب فرحان بنفسه و كاتب اسمه على الزجاج الخلفى

**abdelaziz-waleed** · 26-04-2008 04:57 AM

بحاول على قد ما اقدر
بس زي ما في في الطب حاجة اسمها

Antibiotic وفي الكمبيوتر Antivirus

هتلاقي في مصر Antisystem يعني الناس يشوفوا فين النظام ويبعدو عنه
الطريق الثلاث حارات بيتحول الى خمس حارات طب ازاي هاتلتزم
تعريف الحارة المرورية في مصر هو حدود عربيتك واحمد ربنا وماتطلبشي اكتر من كدة واهو احسن من مفيش
يعني على قد ما الشارع يكفي عربيات هيبقى هو ده عدد الحارات المرورية
ثم مش لما يصلحو الشوارع اصلا يبقو يفكروا يعملو حارات مرورية

مشاهدة نتائج الإستطلاع: هل تلتزم بالحارة المرورية؟

الموضوع: هل تلتزم بالحارة المرورية؟؟

LinkBack

أدوات الموضوع

عرض

-

-

-

-

-

المواضيع المتشابهه

هي الناس ليه مابقتشي تلتزم بالاتفاق!!!!!! رحمتك يا رب

سلسلة سلوكيات القيادة - الحلقة الثامنة (الألتزام بالحارة المرورية)

شهر التوعية المرورية !!!!

لو الطريق قدامك فاضى و مفيش رادار هتجرى و لا تلتزم بالسرعة القانونية؟

مرض الإلتصاق بالحارة اليسرى في الطرق في مصر والتي تسمى بحارة التجاوز

الكلمات الدلالية لهذا الموضوع

المفضلات

المفضلات

ضوابط المشاركة