هل تلتزم بالحارة المرورية؟؟

**HeMa_LanCeR** · 20-05-2008 06:05 PM

معلش انا عندي سؤال
هي فين الحارات المروريه في مصر
قولي طريق واحد عليه حاره مظبوطه ممكن الواحد يعتمد عليها
ياعم الحاج انت في مصر
لما تلاقي الواحد ماشي 30 وماسك الشمال وتديله كلاكسات ونور يزعق ويقولك اعملك ايه اطير يعني
ياريت نلغي الموضوع ده اصلا

**samehafez** · 20-05-2008 06:20 PM

يا جماعة يا جماعة الخطوط اللي في الارض دي مش عشان حارات و دياولو دي عشان الشوارع يبقي شكلها حلو ... تخيل ان انت ماشي في شارع كله اسود ............................................ايه الإكتئاب ده ...فعشان كده حطو شوية من الابيض ده decoration
و كمان انا سمعت من واحد صاحبي ان فيه بره حاجة اسمها شوارع و بيبقي شكلها كده برضه و فيها خطوط بيضا فممكن هما عملوا الخطوط دي عشان المدقات بتاعتنا تبقى شبه الشوارع

**sammor_28** · 25-05-2008 11:53 PM

انا بحاول بقدر الأمكان التزم بالحاره المروريه بس للأسف...
مابستمرش كتير بسبب الناس اللي ممكن تمشي بالراحه قوي في الشمال..
وناس تانيه تمشي بسرعه قوي عاليمين..
ده غير التاكسيات والميكروباصات..
وربنا يستر طريقنا جميعا

**karimalaa** · 26-05-2008 01:01 AM

لسه ما طلعتش رخصة بس ان شاء الله لما اسوق لازم حالتزم:)

**Amrrr** · 02-12-2008 12:37 PM

بأحاول وعمري ماعرفت اعملها غير في صلاح سالم بعد واحدة بالليل او في الصحراوي
غير كدة مستحيل عشان زي ماناس قالت ساعات تبقى ماشي ومركز في حارتك تلاقيها مدخلاك في رصيف او طلعت بيك برة الطريق او اي لخبطة تقريبا اللي بيخطط الشوارع مش عارف لزمة الخطوط دي ايه وفاكرها لتزيين الشوارع بلا خط ابيض بلا حارات بلا وجع دماغ
ازاي في وسط كمية تييييييييييت اللي سايقة في السوارع وتيييييييييييييييييييت سواقين التاكسي (معظمهم) وتيييييييييييييييت بتاع الميكروباص (برضة معظمهم ماعدا كام واحد)وتيييييييييييييييييي� �ت اللي الرخصة راحتلهم عالبيت من غير حتى ميكونوا بيعرفوا يحركوا العربية والعجوزاللي متبت في الدريكسيون وخايف يتحرك واللي واقفة على الشمال وعايز تركن عاليمين وموقفة الشارع وراها واللي طالعة من تقاطع بتسرح شعرها في مراية العربية (مطلخبطة وفاكرة نفسها بتبص في مراية الحمام) ومحطة الميكروباص او الاوتوبيس اللي الركاب واقفة واخدة حارة كاملة من الشارع وبييجي الميكروباص يقف وييجي اللي وراه يقف بس جنبه (عشان فهلوي ) وييجي التالت اذكى منهم كلهم ويقف في اقصى الشمال وواحد تاني طلبت معاه يقف في مطلع الكوبري (ماهو الزبون عايز ينزل هنا والزبون دائما على حق) والتاكسي اللي ييجي يمين وتسيبلة الحارة اليمين وانت معدي من جنبه يكون البيه رفض الزبون وطلبت يطلع تاني عالطريق ولو في زحمة ولا حاجة والعربية اللي قدامك اتحركت وانت لسة مكانك اللي جنبك هينط قدامك وفي معظم الأحوال اللي بيعمل الحركة دي بيكون غشيم ولازم تبعد عنه سنة يعني هتطلع من حارتك برضة بس مش بمزاجك
حد يقوللي هيلتزم ازاي بالحارة في وسط العالم دي من غير مايتخبط ولا يضطر يطلع من حارته

**ouba2** · 02-12-2008 12:52 PM

ايوة ملتزم بيها

**ibrahimsaad** · 02-12-2008 05:54 PM

بصراحه احنا معندناش حاجه اسمها حاره مروريه اصلا اللهم الا نادرا

لكن انا بصراحه باحاول التزم قدر الامكان

لكن احيانا باضطر انى ابلطج زى سواقين التاكسى والميكروباص واعمل زيهم لانى لقيت ان مافيش مكان للمحترمين

**human** · 02-12-2008 06:05 PM

للاسف بلتزم و بحس ان حد قتلنى لما يدى اشاره و يرمى عليا عشان ياخد مكانى بحس انى عايز انزل اكله
الاشاره مش معناها انه يعدى و كمان هو يقف مكانه و انا لو عايز اعديه يبقى يعدى و لازم عربيتى تكون كلها وراه و انا اللى أذن ليه بس هنا الناس متعوده على الدراع
و بجد بحس بخنقه و انا ماشى فى الحاره وواحد مصمم انه ييجى قدامى

**nobody** · 02-12-2008 06:21 PM

هو في طرق في مصر أساسا عشان يبقى فيه حارات مرورية

**human** · 02-12-2008 06:24 PM

بحاول اقنع نفسى ان الخط المستقيم اللى انا ماشى فيه حاره

مشاهدة نتائج الإستطلاع: هل تلتزم بالحارة المرورية؟

الموضوع: هل تلتزم بالحارة المرورية؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

هي الناس ليه مابقتشي تلتزم بالاتفاق!!!!!! رحمتك يا رب

سلسلة سلوكيات القيادة - الحلقة الثامنة (الألتزام بالحارة المرورية)

شهر التوعية المرورية !!!!

لو الطريق قدامك فاضى و مفيش رادار هتجرى و لا تلتزم بالسرعة القانونية؟

مرض الإلتصاق بالحارة اليسرى في الطرق في مصر والتي تسمى بحارة التجاوز

الكلمات الدلالية لهذا الموضوع

المفضلات

المفضلات

ضوابط المشاركة