استشارة بخصوص زيت الباور و الفرامل

**mohd7380** · 02-07-2011 11:09 PM

ارجوا من الاخوة الاعضاء ابداء ارائهم بخصوص سرفيس الباور و الفرامل متى يتم تغيير الزيوت و هل عدم تغييرهم لمدة طويلة يؤثر بأي شكل من الاشكال ؟ و لسيادتكم جزيل الشكر

**mesho_kimi** · 03-07-2011 12:55 AM

زيت الباور يقال انه بيتغير كل حوالي 30 أو 40 الف كيلو أنا مع فكرة تغييره مع السيرفيس الكامل كل 45 ألف لو عندك زيت باور احمر فا اعمل حسابك اني الطرميه حتودع وغيره يا بزيت اخضر بتاع فولكس او زيت ابيض امريكاني

بالنسبه لزيت الفارمل فا لازم تتأكد أني اللي عندك DOt 4 لاني ال 3 مش بيمشي مع عرياتنا وبيخرب الفرامل تماماً بالنسبه لتغييره انا مع فكرة تغييره مع كل تغيير تيل أمامي في ناس بتسيبه وتزوده بس وأحسن نوع Ate وده اللي بتنصح بيه فولكس العلبه ب 30 جنيه

**M.Mostafa80** · 03-07-2011 02:28 AM

المشاركة الأصلية كتبت بواسطة mesho_kimi

زيت الباور يقال انه بيتغير كل حوالي 30 أو 40 الف كيلو أنا مع فكرة تغييره مع السيرفيس الكامل كل 45 ألف لو عندك زيت باور احمر فا اعمل حسابك اني الطرميه حتودع وغيره يا بزيت اخضر بتاع فولكس او زيت ابيض امريكاني

بالنسبه لزيت الفارمل فا لازم تتأكد أني اللي عندك dot 4 لاني ال 3 مش بيمشي مع عرياتنا وبيخرب الفرامل تماماً بالنسبه لتغييره انا مع فكرة تغييره مع كل تغيير تيل أمامي في ناس بتسيبه وتزوده بس وأحسن نوع ate وده اللي بتنصح بيه فولكس العلبه ب 30 جنيه

الله ينور ياميشو عليك

**SYD** · 03-07-2011 01:21 PM

بالنسبة لزيت الباور لازم طبعا يتغير كل فترة بس مش عارف كام كم بس ممكن كل 30,000 زي معظم الزيوت
ودي علبة زيت شوفتها ب 50 جنيه عند واحد بتاع قطع غيار فولكس

وبالنسبة لزيت الفرامل يستحسن طبعا Dot4 ودة هتلاقيه مكتوب في الكتالوج وعلي خزينة الباكم نفسها
انا أشتريت شل ب 15 جنيه وحطيتها كلها

بس طبعا قبل ما تغير زيت الفرامل لازم تسحب كل الزيت الموجود او تنزله من المساتر
وبعد كدة تحط زيت Dot 3 عشان تنظف بيه وتنزله هو كمان من المساتر (عشان يغسل الخراطيم والمساتر والأنابيب)
وتفك الخزينة (علي كلبسات) وتغسلها كويس بالماء وتسيبها تصفي ميتها وتنشفها كويس (ممكن تسيبها في الشمس لمدة ساعة)
وبعد كدة تحط الزيت الجديد

وعموما بيتغير كل سنتين بحد اقصي او 60,000 كم

ويجب ايضا تغيير زيت الفتيس وليكن مع زيت الفرامل
وحاول تجيب 75W/ 90 ودة الي بتوصي بيه فولكس في عربياتها
احتمال مش تلاقيه
بس هتلاقي 80W/90 اعتقد ممكن يوفي بالغرض

والله المستعان
،
،

**mesho_kimi** · 03-07-2011 02:58 PM

المشاركة الأصلية كتبت بواسطة moooooomooo

اياك تغير زيت الباور بره التوكيل .. هتندم .. أنا دفعت 1500.. بسبب تغيير زيت باور خارج التوكيل بالزات .. ليه .. كانت عندى الاسكاترا اتخبطة ورحت غيرتها المهم الراجل العفشجى حط زيت أحمر من العادى .. وطبعاً طرنبة زيت الباور .. اترمت فى الزباله على طول .. وطبعاً كان لازم أغير الزيت .. المهم غيرت الطرنبة وجبت الزيت الابيض اللى موجود فوق ده .. ودى كانت الغلطة الثانية اضطريت طبعاً أحط أكثر من علبه لعل وعسى الاسكاترا تنضف وبعدين الراجل بتاع قطع الغيار قالى الزيت ده تقيل وجابلى طرنبة من عنده ولقيت فعلا ان زيت الباور بيكون خفيف ولونة أخضر عامل زى المايه .. ريحت دماغى ورحت التوكيل وخليتهم يغيرولى زيت الباور مش فاكر حوالى 160 جنية وجبت كمان شويه حركة 0.5 ليتر وأنا جاى .. وعلى فكرة برده كانت طرنبة الزيت والاسكاترا بأو أى كلام .. بس أنا ماشى بيها وخلاص.. ودى تجربتى وانته فى الآخر القرار قرارك

حضرتك لو اخدت بالك من ردي حتعرف اني قولته اني الزيت الاحمر حيضيعله الطرمبه والزيت الاخضر والابيض مناسبين لعربياتنا وعمر ما حد حاططهم اشتكى

**mesho_kimi** · 03-07-2011 02:59 PM

المشاركة الأصلية كتبت بواسطة m.mostafa80

الله ينور ياميشو عليك

احنا كلنا بنتعلم منك يا محمد ... أنا اللي داخل على تغيير كاوتش ومتحير جامد جداً

**SYD** · 03-07-2011 03:22 PM

المشاركة الأصلية كتبت بواسطة mesho_kimi

حضرتك لو اخدت بالك من ردي حتعرف اني قولته اني الزيت الاحمر حيضيعله الطرمبه والزيت الاخضر والابيض مناسبين لعربياتنا وعمر ما حد حاططهم اشتكى

يعني يا جماعة الزيت الي في العلبة الصفرا دي حلو ولا وحش ؟؟؟؟
ومنين يتجاب الزيت الأخضر ؟؟؟؟؟

**mesho_kimi** · 03-07-2011 04:24 PM

انا شوفت الزيت الاخضر كذا مره عند الميكانيكي الي بتعامل معاه بيكون في علبه بيضه ومحطوط عليها ختم فولكس واودي والكتابه بالاخضر وانا شغال بالزيت الابيض الامريكاني ماركة ( جانك ) العلبه ب 45 جنيه وشغال بيه بقالي سنتين دلوقتي التاني عامل 100 بس للآسف مسألتش على مكان بيع الاخضر حبقه أسألكم إن شاء الله اخلص أمتحانات بس

وبالنسبه لزيت الفرامل انا باكد تحذير للمره التانيه من Dot3 انا مره كان حيحصلي كارثه وربنا ستر بسببه تاني يوم أشتريت العربيه وأكتشفت اني الراجل كان حاط دوت 3 من علبة الزيت اللي كان ناسيها في شنطة العربيه