عايزه أتمن عربيتى لو سمحتوا

**virus2007** · 03-07-2011 02:53 PM

لا

الجراح علية حراسة والدخول والخروج منوا بورقة الاشتراك ... كمان الساحة كبيرة ومفيش ضغط عليها يعنى العربيات مش متكربسة فوق بعض

لازم حد من عند حضرتك يروح يحرك العربية

هما بس مسؤولين عن الحماية

**kar!m** · 03-07-2011 03:16 PM

حضرتك ليه مصره انك تحركى العربية كل فترة .. أو حد يدورها؟

حضرتك مش محتاجة ده كله .. و بعدين الموضوع كله سنة .. فى ناس بترفع العربية 15 سنة .. قدامك اختيارين:

1. ترفعيها فى جراج عام فى مكان كويس و تتغطى و حد من قرايبك يروح يبص عليها كل أسبوع.

2. تأجرى محل مساحتة تاخد العربية و ترفعيها فيه و يتقفل كويس و تسافرى و لما ترجعى بالسلامة تنزليها .. ممكن حتى ميكونش فى القاهرة .. لو ليكى قرايب فى المحافظات ممكن يلاقولك حاجه كده بسعر ممتاز .. لدرجة ان فى ناس بتشيل باب الجراج الحديد و بتبنى مكانه بطوب أحمر لحد ما ترجع .. تهد الطوب و تفتح الجراج.

مع الاخذ بشروط رفع العربية اللى الزملاء قالوها فى الحالتين.

**samyomar** · 03-07-2011 09:44 PM

المشاركة الأصلية كتبت بواسطة rinaa

الى الأح الكريم سامى عمر
انا قريت ان موضوع صلاحية الزيت لمجرد شهود دى اكذوبه كبرى علشان شركات اللى بتنتج الزيوت تكسب ارباح كبيره جدا من المبيعات ....والدليل ان عربيتى ماشيه زى الفل بس يعنى من نهاية 2007 الى 2011 مشيت اربع الاف كيلو بس بمعدل 4كيلو يوميا فقططططططططططططط ... وعلشان كده صعبان عليا ابيعها حتى ب 70 الف وكمان خايفه عليها من الركنه بالجراج وغالبا مش هقدر اأجرها لأن الموضوع ده له ناسه أسفه مش قصدى أقصد له ناسه من ناحية المعرفه بالسوق وقيم الأيجارات والاعيب اصحاب محلات التاجير وبهدلة العربيه المتوقع وهى على الزيرو تعتبر خساره كبيره فعلالالالالالالالالا ... من كل الأراء اللى فاتت أعتقد ان افضل شىء بالنسبه لى انى أغير الزيوت ( بس لى سؤال هو زيت المحرك هو نفسه زيت الموتور)؟ وكمان زيت الفتيس ...هو فى زيوت تانيه بتحتاجها العربيه؟؟؟؟؟؟؟ المهم هغير باذن الله الزيوت ومايه الردياتير وهنفح العجل زياده وأخلى أختى اللى مش بتعرف تسوق اصلا كل اسبوع يعنى تدور الموتور وترجعها سنه ادام وسنه ورا لمدة 5 او عشر دقايق ...ان شاء الله اعتقد ان العربيه هتكون تمام ومش هغير الكاوتشات كمان بعد عام من سفرى ان شاء الله وهرجع لو كان ليا عمر الاقيها تمام ومن غير اى خساير .......وبرده مستنيه تعليقاتكم

اولا ربنا يرجعك بالف سلامه ان شاء الله
بالنسبه لحكاية صلاحية الزيت متقلقيش ان شاء الله ميكونش فيه مشكله عندك خالص
لانك ماستخدمتيش العربيه كتير
موضوع انك تأجرى العربيه لاى حد انا برضه مش مؤيد للفكره دى لان زى ما الاخوه هنا قالو مفيش حد هيحافظ على العربيه لو اجرتيها و هترجعى تلاقيها اتبهدلت خالص
زيت المحرك هو زيت الموتور و هو احد نوعين يا اما زيت معدنى و ده بيبقى رخيص شويه و بيمشى على الاكثر 5 الاف كم و اما يكون زيت تخليقى و ده تمنه غالى شويه و بيمشى فى العربيه لحد 15 الف كم
زيت الفتيس حاجه تانيه غير زيت الموتور و بيبقى نوع تانى من الزيوت و لكن لو عربيتك مانوال زيت الفتيس مش بيتغير لكن بيتزود بس لو كان ناقص و لو عربيتك اوتو يبقى زيت الفتيس لازم يتغير كل فتره
مفيش فى العربيه زيوت تانيه غير زيت الفرامل و زيت الباور و كل حاجه منهم ليها نوع زيت خاص بيها
بالنسبه لموضوع رفع العربيه انا لاقيت اللينك ده ممكن يفيدك فى موضوع الرفع و افضل طريقه له
طريقه رفع السيارة ( تخزينها )
و ان شاء الله تسافرى و ترجعى بالسلامه و تلاقى العربيه حالتها زى الاول و مش هتضطرى تبيعيها لانها بجد خساره تفرطى فيها
ربنا يديكى خيرها و يكفيكى شرها و اسف لو كنت طولت شويه على حضرتك
فى رعاية الله

**rinaa** · 13-07-2011 12:41 PM

شكرا للمشاركه لللأحوه الاعضاء وفعلا يااخى سامى عمر انا ذهبت امبارح لمركز الصيانه بالعباسيه وقلت اغير الزيوت كلها وبالمره مية الردياتير والمساحات كمان وأعدل الشكمان زى ماقلتلكم بالسابق انه اتخبط بالرصيف فنزل شويه لتحت وبالمره برضه اعمل سمكره واعدل الخبطات علشان ارجعها على الزيرو قلبا وقالبا واركنها على نظافه لأنى فعلا بعزها وعايزاها فى احسن صوره ...المهم فهمت مهندس الصيانه على رغبتى فى السفر وركنها على نظافه والقصه دى كلها ...قالى هعملها الصيانه الازمه (معرفش ايه هى خطوات الصيانه دى) وهيغير الزيت وخيرنى فعلا بين نوعين قلتله عايزه الأفضل فحطلى الأرخص زيت xhpومعرفش ليه ثمنه 85 جنيه مع فلتر زيت جديد ب 20 جنيه وقالى زوتلك باقى الزيوت (مرضاش يغيرها) قالى مش محتاجه تغيير مع ان الفتيس اوتوماتيك ومكتوب بالفاتوره xhp 4*4 p20w504ده ب 116 جنيه (معرفش ده ايه) انا ما صدقت خلصت ومابصتش فى الفاتوره كنت خلاص هموت وامشى رحت الساعه 8 الصبح ومشيت حوالى 2.30 بعد الظهر حد يعرف البند الأخير ده ايه؟؟؟؟؟؟؟؟؟؟ المهم وانا سايقه بعد ما خرجت حسيت ان العربيه تقيله وانى لازم اضغط على الدواسات جامد علشان اسيطر على العربيه سواء بنزين او فرامل ولاحظت ان دواسة الفرامل كانت بتزيق شويه ... معرفش عملوا ايه؟؟؟؟؟؟ العربيه قبل الصيانه كانت أخف بكتير !!!! كمان قلت للمهندس ملاحظه لم يراعى الهتمام بيها وقابلها بأبتسامه عريضه معرفش ليه ؟؟؟ قلتله فى الشتا كانت العربيه بتزيق فى المطبات واختفت الملحوظه دى فى الصيف يبقى فيها ايه؟؟؟ ضحك وكانه مش مصدقنى وماردش رد مناسب ...عموما كمان قالى ان الشكمان محتاج يتغير له جزئين مش فاكره اساميهم لكنه شرحلى ان الشكمان عباره عن ثلاث اجزاء وقالى المشكله ان الجزئين اللى عايزين يتغيروا فيهم جزء مش موجود عندهم وبالتالى مش هيعمل فيه حاجه وقالى كمان ان الموضوع مش مؤثر بشكل سلبى على العربيه طبعا ان اتضايقت لأن شكل الشكمان مش عاجبنى وهو ساقط عن مكانه ....المصيبه الكبرى بقه ودى من العيار التقيل ان مسئول السمكره بالورشه قعد يبص على العربيه ويفكر ويفكر ويفكر ويتردد فى الكلام ويرجع يفكر وفى الأخر قالى ان البابين اللى عايزه ارد خبطاتهم على البارد مش هينفعوا وان البابين لازم يتغيروا وبعدين العربيه تترش وهتكلفك خمسة الاف جنيه !!!!!!!! كانت مفاجاه مزهله لأن الخبطات مش خطيره والدهان الأصلى موجود !!!!! يعنى ادفع المبلغ ده كله وفى النهايه يبقى الدهان مش اصلى ... ايه رايكم يااخوانى منتظره رايكم

**A.Saad** · 13-07-2011 06:15 PM

تغيير الابواب او سمكرتها
حسب الخبطة
حاولى ترفعى الصور
موضوع البوية اصلى
نادر ان حد فينا بيجيب بوية من التوكيل الا لو اترش فيه
الرش برة بيكون انك تجيبى نوع بويه كويس
وصنايعى نضيف
الشمكان
مدام فيه جزئين هيتغيروا
سيبه لبعد العودة
بس ابقى هاتى نوع اسمه ابو اليزيد
هو مصرى بس سمعته جيدة
ولازم يكون مختوم عليه بالصاج باسمه

وعلى فكرة بتاع الدهان بتاع التوكيل ده كلامه اشبه بكلام المنجدين
لو رشيتى بابين
لو نفس الجهة خلاص
اخره ترشى الرفرفين معاهم مش العربية كلها
لو هترشى الرفرفين والبابين والعتبة كمان
يبقى خمس قطع
متوسط القطعة 400 جنيه بالكتير كاغلب التوكيلات يبقى 2000 جنيه
ده غير تمن البابين

**Ahmod** · 13-07-2011 07:19 PM

انا رايي الشخصي اني مش مع فكرة رفع العربية وركنها تماما !

فيه عربية مركونة في الجراش اللى بركن فيه وغالبا برضوا صاحبها مسافر

العربية كل مابشوفها بحزن ! التراب مبهدلها من كل حتة الى غير الصدأ اللى بدأ يأشر في الصاج والبوية بتاعة العربية اتأثرت بالركنة

الرطوبة والتراب والهوا والمطر وكل الكلام ده بياثر في العربية

الركنة عموما مش كويسة للعربية

انا من وجهة نظري افضل حل انك تسلمي مفتاح العربية لواحد عندكم في العيلة يكون امين ويدور العربية كل فترة او يروح بيها كل فترة او التانية مشاوير قصيرة

ده انسب حل من وجهة نظري

**rinaa** · 14-07-2011 10:54 AM

شكرا على الرد بس أنا مش فاهمه من الأح سعد بخصوص الدهان والسمكره ...انا بقول ان الخبطات مش شايله الدهانات للبابين وخصوصا الباب اللى ورا ... يعنى الخبطه تترد على البارد عادى يعنى لكن الصنيعى مسئول السمكره بالورشه فكر كتير قوى قبل ما يتكلم وأعتقد انه كان عايزنى اطلعله اى فلوس علشان يردها على البارد ... ياأما يخسرنى ويقولى البابين يتغيروا اعتقد انه كان بيستغل فرصة ان المهندس المسئول عن السمكره كان فى أجازه على حظى ...عارفين لو قال مثلا الباب الخلفى يترد على البارد والأمامى يتغير كنت قلت يمكن مع العلم ان حتى الباب الأمامى مفهوش ولا خدش لأن اللى خبطه (جارنا العزيز ) كان عامل مارش دير ودايس بنزين فدخل فى الباب اللى ادام وطبعا خرج من الخبطه للأدام يعنى ما حكش فيه اصلا وكانت الدنيا باليل ومحدش شافه قال كويس فى نفسه بس ماخدش باله ان اثار العجل بتاعة عربيته معلمه فى الأرض علشان تدلنى على اللى عملها وفى النهايه أتهرب حتى من الأعتذار وحسبى الله ونعم الوكيلللللل .. ما علينا عموما انا فى كل الأحوال لو هرش العربيه وهى مش محتاجه غير بس الأكسدام الأمامى والخلفى متخربشيين شويه مش هرشها غير بالتوكيل ... لكن السؤال هنا هل الدهان فى الحاله دى يعتبر دهان المصنع يعنى اصلى ولا لأ؟؟؟؟؟؟؟

**A.Saad** · 14-07-2011 12:36 PM

من الاول تانى

تغيير الابواب او سمكرتها
حسب الخبطة
يعنى قوة الخبطة وشكلها هيا اللى بتحدد ان كان يتم عمل سمكرة او يتم تغيير القطعة المخبوطة
حاولى ترفعى الصور
موضوع البوية اصلى
نادر ان حد فينا بيجيب بوية من التوكيل الا لو اترش فيه
الرش برة بيكون انك تجيبى نوع بويه كويس
وصنايعى نضيف
لو هترشة برة التوكيل
هتجيبى نوع دهان نضيف
ماركة كويسة يعنى زى ماركة اسمها سكينز

الشمكان
مدام فيه جزئين هيتغيروا
سيبه لبعد العودة
بس ابقى هاتى نوع اسمه ابو اليزيد
هو مصرى بس سمعته جيدة
ولازم يكون مختوم عليه بالصاج باسمه
يعنى يتغير بعد اما تيجى من السفر ، وممكن لو مش هتغيريه فى التوكيل تجيبى نوع اسمه ابو اليزيد
ده صاحب المصنع ومسمى المصنع كدة

وعلى فكرة بتاع الدهان بتاع التوكيل ده كلامه اشبه بكلام المنجدين
كناية ان اللى كلمك .............

لو رشيتى بابين
لو نفس الجهة خلاص
اخره ترشى الرفرفين معاهم مش العربية كلها
لو هترشى الرفرفين والبابين والعتبة كمان
يبقى خمس قطع
متوسط القطعة 400 جنيه بالكتير كاغلب التوكيلات يبقى 2000 جنيه
ده غير تمن البابين

الميتالك بيبان فيه فرق لون بين الرش الجديد والقديم
فمينفعش ترشى نصف باب او نصف رفرف وبس
والباقى حساب لتكلفة 5000 اللى قال انهم رش العربية كلها
لان مفيش سبب لرش العربية كلها

**A.Saad** · 14-07-2011 12:49 PM

المشاركة الأصلية كتبت بواسطة rinaa

شكرا على الرد بس أنا مش فاهمه من الأح سعد بخصوص الدهان والسمكره ...انا بقول ان الخبطات مش شايله الدهانات للبابين وخصوصا الباب اللى ورا ...
مفيش علاقة بين ان الدهان موجود ونوع السمكرة
لان ممكن الصاج فى الخبطة يكون اتنى كتير ومحتاج تسخين
يبقى هيترش

يعنى الخبطه تترد على البارد عادى يعنى لكن الصنيعى مسئول السمكره بالورشه فكر كتير قوى قبل ما يتكلم وأعتقد انه كان عايزنى اطلعله اى فلوس علشان يردها على البارد ... ياأما يخسرنى ويقولى البابين يتغيروا اعتقد انه كان بيستغل فرصة ان المهندس المسئول عن السمكره كان فى أجازه على حظى
اغلب التوكيلات بتقول تغيير ، علشان يريحوا دماغهم من المشاكل مع العملاء والسهولة فى الشغل

...عارفين لو قال مثلا الباب الخلفى يترد على البارد والأمامى يتغير كنت قلت يمكن مع العلم ان حتى الباب الأمامى مفهوش ولا خدش لأن اللى خبطه (جارنا العزيز ) كان عامل مارش دير ودايس بنزين فدخل فى الباب اللى ادام وطبعا خرج من الخبطه للأدام يعنى ما حكش فيه اصلا وكانت الدنيا باليل ومحدش شافه قال كويس فى نفسه بس ماخدش باله ان اثار العجل بتاعة عربيته معلمه فى الأرض علشان تدلنى على اللى عملها وفى النهايه أتهرب حتى من الأعتذار وحسبى الله ونعم الوكيلللللل

.. ما علينا عموما انا فى كل الأحوال لو هرش العربيه وهى مش محتاجه غير بس الأكسدام الأمامى والخلفى متخربشيين شويه مش هرشها غير بالتوكيل ... لكن السؤال هنا هل الدهان فى الحاله دى يعتبر دهان المصنع يعنى اصلى ولا لأ؟؟؟؟؟؟؟

يعنى ايه دهان مصنع اصلى ولا لا
قصدك يتعرف انها راشة ولا لا
المصنع بيدهن بطريقة اسمها اليكتروستاتيك ودى بتكون زى احواض للدهان القطع بتنزل فيها مع مرور تيار كهربائى
الرش فى التوكيل لو القطعه جديدة بيتم عادى زى برة رش من مسدس وادخال لفرن الدهان
الفرق ان لو القطعة جديدة مفيهاش سمكرة كمية المعجون بتكون اقل
واعتقد برده انه بيتعرف ان القطعة راشة
ومش كل التوكيلات شغلها فى السمكرة والدهان كويس

**rinaa** · 14-07-2011 01:16 PM

حبيت اشكر ك بس لسرعه الجواب بس لأنى نازله ومستعجله هيكون لينا كلام تانى اشكرك

الموضوع: عايزه أتمن عربيتى لو سمحتوا

LinkBack

أدوات الموضوع

عرض

-

-

-

-

-

المواضيع المتشابهه

عايزة أتمن سعر عربيتي؟؟؟؟

عربيتى عايزه كمبيوتر

يعنى ايه عربيتى عايزه ترصيص

128 عايزه مونرو

الكلمات الدلالية لهذا الموضوع

المفضلات

المفضلات

ضوابط المشاركة