بطارية العربيه الى جايبها من 6 شهور باظت اعمل ايه ؟؟

**hossam_elwani** · 04-06-2011 02:40 AM

المشاركة الأصلية كتبت بواسطة mada_76

والله البطاريه اللى بحكي عليها دي كانت نسر فارتا
وكان التاريخ ده مكتوب تحت القشاط مباشرة بس كان ممسوح طبعا من كتر التراب والملح . لما الراجل غسلها ظهر التاريخ .
الوكيل بتاعها كان في ارض الترجمان اعتقد .

انا من اسكندريه..............

**madaxman** · 04-06-2011 07:09 AM

طيب انتا عرفت منين انها باظت ؟؟؟
معلش سؤالي غريب بس من حوالي 4 اشهر كنت جايب بطاريه مفيش شهرين والعربيه النور بقا يضعف روحت كشفت عليها الراجل قالي دي بايظه طبعا بطاريه ملهاش شهرين باظت انا جالي احباط
روحت ركنت العربيه دورت الصبح مدارتش وشكرا للبطاريه المهم قعدت ارميلها مفيش
مره واحده وانا واقف مكاني شغلت راحت اشتغلت
غيرت سير الدينمو وشغاله زي الفل دلوقتي

**Tarek_Swelm** · 04-06-2011 10:53 AM

طيب انت كنت بتزود مية كل شهر ولا لأ , علشان دة ممكن يضعف البطارية و في الاخر يبوظها لو مزودتهاش
التوكيل الرئيسي بتاع النسر فارتا في الاسكندرية حتلاقية وانت جاي من لوران شارع ابوقير و عديت مزلقان فيكتوريا بتاع القطر و رايح علي الساعة , انا مش فاكر بصراحة قبل دوران الساعة ولا بعدية قبل دوران السيوف
انت دور علي حلواني اسمة نغم علي شمالك , ادخل الشارع بتاعة , شمال في يمين
ممكن تكلم الدليل 140 و يدوك نمرتهم و تكلم التوكيل يدوك عنوانهم بالظبط و تعرف مواعيد شغلهم , انا عملت كدة , و فاتحين الجمعة بس مش فاكر لحد الساعة كام
و ممكن في التليفون يحسبلك حتدفع كام فرق و يدوك واحدة جديدة , بيخصمو حوالي 10 جنية عن كل شهر استهلاك
بطاقة الضمان بتبقي صفرا عليها ختم بتاريخ الشرا و سيريال البطارية , و حتي لو معكش البطاقة بتاعت الضمان ممكن يبدلوها بواحدة جديدة و تدفع فرق بس اكتر شوية .

**hossam_elwani** · 04-06-2011 03:38 PM

تمام شكرا جزيلا

**amigooo** · 05-06-2011 12:14 AM

توكيل النسر فى الابراهيمية شارع ابو قير بعد نقطة الابراهيمية اول ناصية يمين وانت رايح باب شرق .. ربنا معاك .. !!!!!

**Elawany13** · 05-06-2011 12:57 AM

المشاركة الأصلية كتبت بواسطة hossam_elwani

ومين بيعمل كده عليه العوض البطاريه راحت

أنا كل شهر بعمل كده
مبتاخدش دقيقة

**Elawany13** · 05-06-2011 12:57 AM

المشاركة الأصلية كتبت بواسطة hossam_elwani

ومين بيعمل كده عليه العوض البطاريه راحت

وبتتفحص مجانا

**hossam_elwani** · 08-06-2011 03:35 AM

العيب طلع من ان الميه فى البطاريه كثافتها قلت وبالتالى مابتمسكش شحن رحت ضبط ميتها عند الكهربائى واتشحنت على التونجر ولحد دلوقتى تمام الظاهر عملت كده عشان ما بمشيش كتير بالعربيه تقريبا 500 كم فى الشهر

**hossam_elwani** · 19-06-2011 03:15 PM

البطاريه عملتها تانى ودتها للموزع الى شاريها منه قالى حكلم الشركة والشركه ردت عليها انهم حيتحملو ثلث تمن البطاريه بس وانا اتحمل الباقى شايفين الصناعه المصريه بتعمل فينا ايه