قاعد بفكر إنهاردة كده ..
الموضوع بقى حرب ...
الشيوخ السلفيين عمالين يتكلموا عن بقيت المصريين إللى مش مؤيدين ليهم و يقولوا عليهم ليبراليين كفرة .. علمانيين كفرة ...
مبدئيا هذا التعميم خاطئ ... لأنه ليس المقصود من يخالفون الشيوخ ولكن المقصودين هم الذين يريدون تهميش احكام الشريعة الإسلامية .... يعنى لو حضرتك بتقول انا ليبرالى وتحتكم الى الشريعة الإسلامية فأنت ليس المقصود .
و فى نفس الوقت الأحزاب الأخرى بتحاول و بتدافع ...
بالعكس الأحزاب اللى حضرتك تقصدها هى التى تهاجم وتحاول تشويه الصورة
الموضوع بقى معركة .. كأن من سيصل لمجلس الشعب فى سبتمبر هيقر دولته براحته تماما و يفضل فيها مدى الحياة ...
طبعا هذا مستحيل .
و بدأت أتسائل .. عن السلفية و السلفيين ...
1- الإنتخابات كانت حرام شرعا لأنها ممكن تجيب واحد كافر ( فى وجهة نظرهم) للحكم .... فين الكلام ده دلوقتى ؟؟
الحكم على المشاركة فى الإنتخابات كان لسبب انها كانت تزور ونتيجتها كانت معروفة مسبقا وهذا لا يخفى على الجميع ... أما كونها تأتى بكافر فمن هو الكافرالذى ستأتى به ؟
و الفيديو القادم لياسر البرهامى ... إلى مفهوم من الفيديو إن الإنتخابات حلال طالما جائت بالإسلاميين للحكم .. غير كده حرام و باطلة ...
موقع أنا السلفى | 074-حكم المشاركة فى الإنتخابات.د/ ياسر برهامى
طبعا حضرتك فهمت خطأ اسمع الفيديو للآخر .. الشيخ قال ان الإنتخابات الحكم فيها تبعا للمصلحة والمفسدة وبما أن فى الوقت الماضى كانت الإنتخابات مزورة فالأولى مقاطعتها ... اما لو انتخابات نزيهة فما المانع ؟
دلوقتى لو هما كسبوا الإنخابات ... هيعملوا إيه ؟؟ هيلغوا الإنتخابات ؟؟؟ هيمنعوا أى حد يشارك فيها طالما ليس منهم ؟؟
ومن قال بذلك ؟ هل سمعت ذلك من احد ؟ الإنتخابات وسيلة لإختيار من يصلح لإدارة مؤسسة معينة
2-
المظاهرات .... راى السلفيين فى المظاهرات ... إنها حرام .. لان بها إختلاط ..... و لأنها تحتواى على هتافات باطلة كالحرية و الديموقراطية ...
هذا كلام مرسل وغير منضبط ... لأن المظاهرات حكمها على حسب المصلحة والمفسدة بمعنى إذا كانت المفسدة أكبر من المصلحة فهى غير جائزة أما إن كانت المصلحة هى الغالبة على المفسدة فلا بأس ..
أيوة .. إنت شفت صح ... الحرية و الديموقراطية بالطلين .....
موقع أنا السلفى | المظاهرات والمشاركة فيها
إزاى بقى؟؟؟ يبقى إللى نستنتجه إن لو حصلت مظاهرات ضدهم هيبقى إعتقالات و قتل و قمع للمتظاهرين و مش بعيد قصف بالدبابات كمان ..... لو حصلت مظاهرات هيعملوا إيه ؟؟
قال الله تعالى (( وان تنازعتم فى شيئ فردوه إلى الله و الرسول )) هذا هو الفيصل
3-
لو الديمقراطية باطلة .... دخلوا الإنتخابات ليه من الأصل؟؟؟
و لو حصل إن السلفيون مسكوا الحكم ... و نفرض إنهم ملغوش الإنتخابات .. فوجئوا إن الشعب طهق منهم و عايز حد تانى ( مصري عادى مش سلفى) .. إيه هيكون موقفهم ؟؟؟ هيلغوا الإنتخابات و يقفزوا على الحكم و قمع ؟؟؟ زى ما عمل باجبوا فى الحسن وترة فى ساحل العاج ؟؟؟؟
انت بتحسسنى ان نسبة اللى هيمسكوا الحكم 100 % سلفيين !!! طبعا هذا تصور غير موجود
ولو فرض فالجواب ((قال الله تعالى (( وان تنازعتم فى شيئ فردوه إلى الله و الرسول ))
ولا هيلجئوا للتزوير زى النظام السابق ؟؟؟
الحمد لله ديننا كامل متكامل ولسنا فى حاجة لذلك ( ماعند الله لا ينال إلا بطاعة الله )
ولا هيسيبوا الحكم لواحد ليبرالى كافر فى نظرهم ؟؟؟
وهل من ينسب نفسه من المسلمين الى الليبرالية نطلق عليه كافر ؟ الحمد لله ليس هذا منهجنا ولكن ألا تقر بأن هناك ليبراليين كفار ؟
4-
دلوقتى .. إيه هيكون موقف السلف من أى حد يعارضهم ؟؟؟ يكفروهم و يحلوا دمهم ؟؟ يكفروهم بس ؟؟؟؟ هيتعاملوا إزاى مع الأراء الأخرى ؟؟؟ و لا هيقمعوها بحجة إن ده ضد الدين ؟؟؟
يعارض بدليل من القرآن او السنة ؟ أم يعارض بما يوافق هواه ؟
وعموما ليس لمسلم أن يكفر مسلما يشهد أن لا إله إلا الله وأن محمدا رسول وغير منكر لأمر معلوم من الدين بالضرورة فهذا لا يجوز
5-
دلوقتى السلفيين عايزين يطبقوا كل حاجة إسلامية ... يعنى فرض رقابة شديدة على التلفاز ... و على النت .. يعنى رجوع رقابة كاملة على النت .. فين الخصوصية ؟؟؟ إحنا خلصنا من أمن الدولة عشان يرجع تانى ؟؟؟
يعنى مثلا إلغاء الموقع الإباحية من النت والأفلام والمسلسلات التى بها عرى وإثارة هل تسمى ذلك خصوصية ؟
6-
هل سيرضى السلفيون بالموسيقى ؟؟ ولا المنع التام و عقاب اى شخص يحاول ان يكون ضدهم ؟؟؟ و إيه موقفهم من الأوبرا و السينمات و المسارح ... و الفن .. ولا رقابة 100% عشان مافيش حاجة تطلع ضدهم ؟؟؟
قال رسول الله صلى الله عليه وسلم (( يأتى زمان على أمتى يستحلون فيه الحر والحرير والمعازف )) هذا دليل واضح وصريح من النبى عليه الصلاة والسلام على تحريم جميع المعازف
قال تعالى (( ومن الناس من يشترى لهو الحديث ليضل عن سبيل الله بغير علم )) أقسم عبد الله بن عباس رضى الله عنه أن لهو الحديث هو الغناء ...
الفن الذى لا يخالف شرع الله لا بأس به
بالمناسبة خبر إنهاردة ناس رفعوا قضية على أحمد رجب عشان إتريق على شيوخ السلفية .. و نص الدعوة ( السخرية من الدين الإسلامى ) ... هو من إمتى الشيخ بق هو الدين ؟؟؟ طب لو كده لو أنا قلت الشيخ الفلانى ده تعبان قوى ... يبقى أنا كده بشتم الدين ... ولا إيه ؟؟
طبعا ليس الشيخ هو الدين .. لكن ليس معنى ذلك ان نسخر من أهل الدين ؟
قال الله تعالى فى الحديث القدسى الصحيح (( من عادى لى وليا فقد آذنته بالحرب ))
7-
إيه موقف السلفيين من السيدات بشكل عام ؟؟؟ هينقبوهم بالقوة أو يحجبوهم بالقوة ؟؟؟ هيمنعوهم من العمل ؟؟؟ هيكتموا أصواتهم بحجة إن صوت المرأة عورة ؟؟ هيمنعوهم من التعليم ( فى فيديو شهير للشيخ الحوينى بيقول فيه العلم للرجالة بس إتفرجوا على اليوتيوب) .. و لو الستات نزلوا الشارع من غير حجاب هيضربوهم ولا هيحبسوهم ؟؟؟؟ ولا هيعملوا إيه ؟
الدعوة إلى الله تكون بالحكمة والموعظة الحسنة ... النقاب حكمه يدور بين الوجوب والإستحباب فلا ينكر من يقول بالوجوب على من يقول بالإستحباب والعكس ... وموضوع صوت المرأة عورة هذا لم يرد فيه حديث صحيح
الشيخ أبى اسحاق الحوينى قصد بالعلم هنا العلم الشرعى وليس العلم الدنيوى ولم يقل انه سيمنعهم من تعلم العلم الشرعى ولكن قال أن الأولى للمرأة أن تربى أولادها وتهتم ببيتها ...
8-
فى فيديو مشهور بردوا للحوينى بيقول فيه الفقر إللى إحنا فيه ده سببه إن مافيش جهاد .. مش كنا لو كل سنة غزوتين ثلاثة نروح البلاد التانية و ناخد أموالهم و نسوانهم .... و تبيع الأطفال بعشرة درهم ... ده إيه نظامه دلوقتى ؟؟؟ إفتحوا اليوتيوب و شوفوا ...
الغنائم أحلها الله لنا فهل نحرمها على أنفسنا ؟ والشيخ لم يقصد أن هذا هو السبب الرئيسى فى الفقر ولكنه يقول أن من فوائد الجهاد الغنائم التى أحلها الله لنا لقوله صلى الله عليه وسلم (( وأحلت لى الغنائم ))
فهذه الغنائم لا شك أنها سبيل لإنعاش الحالة المادية ... والجهاد فرض عين ..
9-
إيه موقفهم من الإختلاط ؟؟ يعنى لو ماشى مع واحدة (مراتى مثلا) كل شوية حد يوقفنى و يشوف بينا حاجة رسمى ولا لأ؟؟؟ و هيتدخلوا فى التفاصيل الحياتية ؟؟؟؟ ليه ؟؟؟ هل هيعملوا كده ؟؟؟
طبعا زوجتك ليس لأحد أن يسألك لماذا تخرج معها ..
10- طبعا السياحة و التعامل مع الديانات التانية و إحترام الإختلاف ده مش هيكون موجود ؟؟ ولا هيكون موجود ؟؟ يعنى مثلا المسيحيين المصريين ؟؟ هل هيقبلوا إنهم يمشوا من غير حجاب ؟؟؟ ولا هيضربوهم بردوا ؟؟ هل هيقبلوا الكنائس ؟؟ هل هيقبلوا شربهم للخمر ؟؟ ( حقهم) ...
السياحة فيها مايوافق الشرع وفيها ما يخالفه ... الإسلام أقر بأهل الكتاب وأوجب علينا معاملتهم بالحسنى والعدل والرفق بل ودمائهم حرام كحرمة دم المسلم ... الكنائس لم يأمرنا الإسلام بهدمها أو المساس بها
أما عن الخمر فلا يجوز أساسا دخولها فى بلد إسلامية
دى كانت تساؤلات دارت فى دماغى و مش لاقيلها إجابة .....
أنا شايف إن الدولة المدنية هى الحل .. تقدر تستوعب جميع الأفكار و جميع الحريات و كل الطوائف ...
على أساس إن الحدود الإسلامية مطبقة ( الحدود الشرعية إللى ليها عقاب دنيوى زى الخمر و السرقة و القتل و هكذا ) ..
تقبلنا كلنا ...
حد يرد على تساؤلاتى .
المفضلات