الموضوع: خواطر و تساؤلات حول السلفيية و السلفيين ..

المشاركة الأصلية كتبت بواسطة hagan

طيب احنا معاك و مش هننفعل و منتظرين ردودك كي تعم الفائدة للجميع
بس ياريت تجاوب علي الاسئلة

م.حاتم السباعي

انهي اسألة يا فندم ؟
السؤال المهترئ بتاع جبت منين أن صلاة الضهر 4 ركعات ؟

من أبويا ... عايز حد منكم كدة يقولي هو مين اللي راح فتح كتاب علشان يتعلم الصلاة؟

ما هو دة الفارق بيننا و بينكم أننا بنشوف المسلمين اصحاب عقول وذاكرة وإيمان فطري وأنتم بتشوفوهم كمثل الحمير يحملون أسفارا .. وإذا لم يحملوها بقوا كفار ومجتمع جاهلية و غير كفؤ لإدارة شئون أنفسهم و بالتالي نعمل عليهم باباوات وكهنة بس من غير رتب يحكموهم و يسيروهم كالحمير برضة

هو الرسول نفسة كتب للناس طريقة الصلاة وقالهم ابقوا صلوا كدة ؟؟؟ ولا مش الرسول اللي قال من كتب عني شيئا فليمحة ؟ ولا حتقولي موضوع ولا حتقولي ضعيف السند ؟؟

ولا صحيح البخاري أصح كتاب بعد كتاب الله في سطر وسطر تاني لأ ؟

و يا ريت متقوليش الحديث بتاع تركت فيكم .. لأنها لا تعني إطلاقا ان الرسول سابلنا كتاب أحاديث مشتمل علي المواقف اللي قيلت فيها .. وإلا بقي يبقي المسلمين فضلو في ضلال لمدة قرنين علي ما البخاري كتب صحيحه !

المشاركة الأصلية كتبت بواسطة m3_dolphen

انا عايز اعرف هو حضرتك بتفهم ازاى ؟

انت بتقول ان الحكم الشرعى يؤخذ من القرآن فقط وانا بقولك ان النية اللى هى شرط فى صحة العبادات لم تذكر فى القرآن يبقى معنى كده مفيش نية والأستاذ حاتم بيقول ان عدد الركعات لم يذكر فى القرآن يبقى عرفنا النية وعدد الركعات منين لما هما مش فى القرآن ... ايه بقى اللى جاب ان احنا بنحاسب الناس على الصلاة والنية انا مش فاهم يعنى اانت بتجادل وخلاص

نية اية اللي بتجادل فيها ؟؟!!!!!

هو مفهوم النوايا دة مفهوم ظهر من 1400 سنة فقط .. أعتقد حضرتك محتاج تقرأ شعر جاهلي علشان تتأكد ان الكلمة في اللغة العربية الدارجة من اكتر من 2000 سنة !

وبعدين انت اية دخلك بالنية أصلا .. إية علاقة اي مسلم بنية اي إنسان أخر اصلا؟ النية لله يا فندم ولا علاقة للعباد بها إطلاقا

موضوع النية دة فكرني بمبارك لما بيقولك لم أكن أنتوي

قال أنتوي قال !

المشاركة الأصلية كتبت بواسطة hagan

سبحان الله
هوه انا بسألك مين اخبرك و انته طفل حتي تقولي ( من ابوك )
انا بقول ليك سؤال محدد و لازم تجاوب حتي يعلم الناس حقيقة معتقداتك
لما الرسول صلي الظهر 4 ركعات و هي الزام للمسلمين و من يتعمد مخالفتها يكون قد انكر الحكم الشرعي للصلاة و هي قد و صلتنا سنة ( متواترة ) عن النبي صلي الله عليه و سلم
و هي غير موجودة في كتاب الله ما ردك
يبقي الصح انك تقول ان هناك علماء اجلاء سهرو السنين و سافرو شرقا و غربا كي يعلمونا الصلاة كما صلاها النبي محمد و هي لها احكامها الشرعية التي لم يذكرها القران الكريم حتي و صلت لوالد حضرتك الكريم
( فتسقط بذلك حجتك ) التي تسعي لاثباتها
و اين باقي الاجابات بدل التهكم ما تخلينا نستفيد و نتعلم افضل من اسلوب الهجوم الذي لا يلجأ له الا ضعيف الحجة
احنا منتظرين باقي الاجابات
و موضوع النية ( اين هي من القران الكريم ) ام لك رأي مخالف
و كيف نعلم ان اي شئ ينقل لنا عن الرسول صحيح او به شئ؟ اوعي تقول عن طريق والدك لانه احتمال لا يعلم
و قال الله تعالي ( اسألو اهل الذكر ان كنتم لا تعلمون )
منتظرينك

م.حاتم السباعي

يا راجل إتقي الله ... بعد وفاة الرسول المسلمين من أول الثقيفة لحد كتاب البخاري كانوا بيصلوا إذاي ؟

ولا بيبنوا دولة إذاي ، ولا بعد وفاة الصحابة المسلمين صلوا منين ولا شرعوا منين

إذا كان الصحابة فيما بينهم إختلفوا وتقاتلوا ... وانت جاي تقولي علماء سهروا ومش عارف اية !!!

العلماء جزائهم عند الله مش عند العباد ... هو كان في عالم بيبتغي وجهه البشر أم وجهه الله تعالي

اي محاولة لتأليه اي إنسان أو منحة صفة القدسية هي شرك بين وكفاية بقي بجد ... وعلي فكرة تهمه الشرك موجهه للسلفيين مش مني انا، من أغلب الفرق السنية قبل الشيعة والصوفة والمعتزلة

وأي محاولة لتشريع حكم خارج كتاب الله هو شرك أيضا مهما صح الحديث وكثرت أسانيدة وكفاكم ضلالا ببدعة الإجماع

وأخيرا أتمني حضرتك ترجع لتفسير أية (إنا أنزلنا الذكر) وسبب النزول علشان حضرتك تعرف من المخاطب في الأية علشان واضح فعلا الحفظ والصم أعماكم وبقيتم تبفتئتوا علي قول الله كمان

وكفي بالله شهيدا ومش حرد عليكم تاني في السفسطة دية