اللوجان مش مريحانى

**Mahmoud Nagieb** · 07-06-2011 06:45 PM

المشاركة الأصلية كتبت بواسطة elshaky

يا باشا كل دى مشاكل ممكن تتحل انت بس روح التوكيل وهما هيظبتولط الدنيا دى كلها ممكن تدفع شويه او ممكن ما تدفعش لكن اكيد هتخرج وانت مبسوط لانه توكيل محترم جدا جدا

والحمد لله انا ولا مشكله اللى حضرتك قولتها شوفتها خالص بس بلاش فرك لان ده بيقصر عمر الكوبلن علشان تحافظ على عربيتك اطول وقت ممكن وحاول تهتم بيها شويه ومتعتبرهاش وسيله مواصلات وبس اعتبرها فرد من افراد اسرتك زى ما انا بعاملها بالظبط وهتلاقى نفسك بتحبها اوى

انا اصحابى فاكرنى مجنون لانى بحب عربيتى وهما بيقلولوى يا عم هى دى عربيه وانا مش بضايق خالص بالعكس انا بحبها اكتر بجد عربيه جميله جدا جدا واكيد اى انسان هيلاقى عيوب فى اى عربيه حتى ولو كانت مرسيدس

وربنا يكفيك شرها وتتصلح وترجع زى الفل

ان شاء الله انا هروح التوكيل اول ما اخلص امتحانات

المشاركة الأصلية كتبت بواسطة MMamdouh

التحويد مع الفرك دة غالبا torque steer و دة طبيعى فى العربيات الجر الامامى فا متقلقش نفسك

YouTube - ‪2010 Mazdaspeed3 - Torque Steer Demo‬&rlm;

موضوع التحويد مع الطريق دة اسمة tramlining و دة عيب فى الطريق و طبيعة كاوتش... فا برضة متقلقش

Tramlining - Wikipedia, the free encyclopedia

MMamdouh

مش معقول كده كل ما حضرتك ترد عليا ادخل واقول استااااااذ ورئيس قسم

المشاركة الأصلية كتبت بواسطة frhateg

احب اسأل صاحب الموضوع . العربيه زي سيادتك ما بتقول عملت لها صيانه ال 20000 . يعني معاك من حوالي سنه او اكثر . و عملت لها عده صيانات ( 5 و 10 و 15 20 الف ). و احب اعرف هي المشاكل دي من اول ما اشتريت العربيه و الا مشاكل جديده و كان ايه رأيك فيها و هي زيرو .

هيا العربية بقالها حوالى 6 شهور الحمد لله ... وهيا كويسة من اول ما جت الحمد لله بإذستثناء بعض المشاكل ظهرت بعد ال 15 الف ..... وبإذن الله هروح التوكيل وهنشوفلها حل

عموما هيا عربية عالية عن الارض وعائلية وبتاخد قيمة عالية لانها على قد فلوسها .... عموما هيا بس محتاجة سعر قطع الغيار بتاعتها ينزل شوية علشان يبقى مناسب للفئة ده من العربيات

وبالتوفيق ان شاء الله

**MOUSTAFA_SAAD** · 07-06-2011 07:24 PM

المشاركة الأصلية كتبت بواسطة mmamdouh

التحويد مع الفرك دة غالبا torque steer و دة طبيعى فى العربيات الجر الامامى فا متقلقش نفسك

youtube - ‪2010 mazdaspeed3 - torque steer demo‬&rlm;

موضوع التحويد مع الطريق دة اسمة tramlining و دة عيب فى الطريق و طبيعة كاوتش... فا برضة متقلقش

tramlining - wikipedia, the free encyclopedia

mmamdouh

ياباشا انا نفسى تجيب عرببه لوجان علشان تبقى منورنا هنا على طول
انت انسان موضوعى جدا وفى منتهى الاحترام وعمرك مافطست فى حاجة حد

**a7madahly** · 07-06-2011 08:47 PM

المشاركة الأصلية كتبت بواسطة moustafa_saad

ياباشا انا نفسى تجيب عرببه لوجان علشان تبقى منورنا هنا على طول
انت انسان موضوعى جدا وفى منتهى الاحترام وعمرك مافطست فى حاجة حد

والله انسان محترم ومعلوماته رائعه. وانا بشوف تعليقاته فى منتدى الشفروليه محترم جدا

**WaelOteffi** · 08-06-2011 02:49 AM

انا برضو عربيتي فيها صوت طقطقة من ورا ناحية الشنطة لما بيركب حد في الكنبة الخلفية مع ان العربية لسه عاملة 3000 كيلو وموضوع اني اروح التوكيل علشان اربط العفشة ده صعب جدا لاني من اسيوط ومش عارف ايه الحل

**MOUSTAFA_SAAD** · 08-06-2011 07:27 AM

المشاركة الأصلية كتبت بواسطة waeloteffi

انا برضو عربيتي فيها صوت طقطقة من ورا ناحية الشنطة لما بيركب حد في الكنبة الخلفية مع ان العربية لسه عاملة 3000 كيلو وموضوع اني اروح التوكيل علشان اربط العفشة ده صعب جدا لاني من اسيوط ومش عارف ايه الحل

فى مركز خدمه فى سوهاج قريب منك

**a7madahly** · 08-06-2011 09:42 AM

اى عفشجى ممكن يربطلك عفشه ب20 جنيه

**MMamdouh** · 08-06-2011 11:50 AM

المشاركة الأصلية كتبت بواسطة Mr_7oda

مش معقول كده كل ما حضرتك ترد عليا ادخل واقول استااااااذ ورئيس قسم

المشاركة الأصلية كتبت بواسطة moustafa_saad

ياباشا انا نفسى تجيب عرببه لوجان علشان تبقى منورنا هنا على طول
انت انسان موضوعى جدا وفى منتهى الاحترام وعمرك مافطست فى حاجة حد

المشاركة الأصلية كتبت بواسطة a7madahly

والله انسان محترم ومعلوماته رائعه. وانا بشوف تعليقاته فى منتدى الشفروليه محترم جدا

ربنا يخلليكم جميعا.. دة بس من ذوقكم

و بالنسبة لشراء اللوجان فا معتقدش انى حشتريها لانى عندى بالفعل عربية عائلية و مريحانى... لو ربنا اكرمنى و بقى فيه فرصة اشترى عربية تانية حتبقى BMW ان شاء الله عشان حبقى محتاج عربية ذات طابع رياضى و ليها مجال واسع للتعديل... و لو مفيش امكانيات فا قرار تغيير اللانوس مش حيجى الا بعد ما تكون جابت اخرها و دة لسة قدامة شوية باذن الله و ساعتها محدش عارف السوق حيبقى متاح فيه ايه جديد

و كدة او كدة مش لازم اكون معايا لوجان عشان اشارك الناس فى الحوار... طالما عندى معلومة اقدر افيد بيها بشارك و افيد الناس و هو دة الهدف من تواجدنا فى المنتدى بغض النظر المعلومة دى فى اى قسم من اقسام المنتدى... يمكن اللى مساهم شوية فى تواجدى هنا هو ان احد اصدقائى المقربين اشترى لوجان و انا و هو جربناها كذا مرة و اتناقشنا فى امكانياتها و ادائها و دة زود معلوماتى عنها كتير (على فكرة العربية دى للبيع)

و بالنسبة للشيفرولية فا التقارب الشديد بين الشيفرولية (اوبترا و افيو) و بين الدايو بما انهم من عائلة GM يعتبر عامل مساعد فى وجود معلومات كتير عندى عن العربيات دى و بالتالى مسهل المشاركة مع الزملاء لتبادل المعلومات

و بالنسبة لموضوع التفطيس دة فا انا مبحبوش خالص... اذا كان واحد بيكره عربية معينة فا ده قرارة و هو حر... بس مينفش يجيى يضايق الناس اللى اشترت العربية او بتحب العربية على الفاضى و المليان بدون سبب غير انة بيكرة العربية... دة اسمة شغل عيال صغيرة

يعنى مثلا انا مبحبش شكل اللوجان خالص... و لا شكل الماتركس... معتقدش ان حد شافنى هنا او فى قسم هيونداى بتريق على حد جايب لوجان او ماتريكس و بقولة "دى عربية شكلها يقرف" او كلام فاضى من النوعية دى... و فى نفس الوقت لو العربيات دى فيها ميزة مينفعش اغض النظر عنها و اعتبرها كان لم تكن... صحيح انا ليا حرية انى احب او اكرة اى عربية بس فى نفس الوقت لازم احترم ذوق و اختيار الاخرين و لازم اكون امين و موضوعى فى اى مناقشة

MMamdouh

**akerima** · 08-06-2011 02:53 PM

المشاركة الأصلية كتبت بواسطة elshamy79

السلام عليكم

أنا بصراحة حاجز لوجان h/o و المفروض إنى أستلم على آخر الشهر
بس بصراحة ... الموضوع ده قفلنى مش عارف ليه !! .. يمكن أكتر من
موضوع زميلنا الأستاذ أبو مريم..

الموضوع قفلنى لأنى بدأت أحس أنه مش عيوب صناعة فردية زى
معظم السيارات ...

ياريت لو حد يدلنى أعمل إيه بالضبط علشان تتفك القفلة دى

أخوكم / إسلام الشامى

اولا يا باشا ادعي ربنا ان انت تلاقي عربية تستلمها اخر الشهر فعلا دا فية ناس بدور عليها ولفت الجمهورية كلها مش لاقياها

ثانيا انا معايا العربية من سنة بالظبط 23/06/2010 ولله الحمد العربية زي الفل ممتازة من كل النواحي والحمد لله معملتش فيها غي الصيانات الدورية - المشكلة ان انت متعرفش كل واحد بيسوق ازاي ولا بيهتم بعربيتة ازاي ووارد انك تلاقي بي ام موديل السنة وطالع عنها عشان صاحبها سواقتة مش تمام او مبهدل فيها - لكن احب اطمنك انا كمان مش واحد حنتيت قوي في العربية اللي هوا العادي بسوق زي معظم الناس بس ماليش في الفرك قوي بس ليا في الجري اوي والله بكرم من عند ربنا محستش للحظة ان انا دفعت فلوسي في حاجة متستاهلش - توكل علي الله ومتقلاقش