الموضوع: اللوجان مش مريحانى

المشاركة الأصلية كتبت بواسطة mr_7oda

اولا شكرا لكل الناس اللى اتفاعلوا مع الموضوع وشكرا خاص لاستاذ مصطفى على الرد انت استاذ فعلا

بس انا ليا كام تعليق :
1-بالنسبة للفرك انا ذكرت انى كنت محطوط فى موقف ومزنوق ولازم اطلع بالعربية بسرعة يعنى مكنش قصدى .... وانا طالع العربية فركت منى وفقدت السيطرة عليها لفترة والموضوع ده حصل مرتين بالتحديد


2-بالنسبة للباور انا شايف انا تقل عن زمان بنسبة كبيرة ومش عارف ليه .... وكمان مش طبيعى ان العربية تمشى مع تعرجات الاسفلت ... العربية معندهاش اى مقاومة لاى حاجة فى الاسفلت خالص وصعبة فى التحكم على الطرق اللى الاسفلت بتاعها مش كويس

3-بالنسبة لموضوع التكيف مع الفرامل مش عارف بس بجد انا خليت حد يسوق العربية غيرى وفعلا حس بالاحساس بتاع ان العربية مش بتقف بسرعة زى لما بكون قافل التكيف وده ملحوظة مش شايف لها اى تفسير لحد دلوقتى

4- الطقطقة من التابلوة ومصدر الصوت مش عارف منين فى التابلوه بالظبط

عموما انا بفكر اخدها ال25 التوكيل وهاخد حقى ومش همشى الا لما كل المشاكل ان شاء الله تتحل ... علشان العربية ده مدفوع فيها فلوس مش ببلاش يعنى

بالنسبة لموضوع اول عربية اركبها ..... لا خالص ده الحمد لله 5 عربية خاصة بيا اركبها ده طبعا غير عربيات المعارف والاصدقاء

عموما شكرا لحضرتك على مساهمتك فى محاولة حل المشاكل

لالا ... انا قولت ان المشاكل ده تقريبا فردية بدليل ان العربية ما شاء الله منتشرة انتشار جامد جدا ... اتوكل على الله وانزل احجز والف مبروك مقدما

اولا بعد رد مصطفي مافيش رد - بس احب اوضح انا فعلا جربت الفرك كذا مرة والموضوع بتاعك محصلش معايا نهائي - فانصحك بحجتين اولا اظبط ضغط الكاوتش - ثانيا اظبط زوايا واربط عفشة امامية لان اكيد العيب عندك واحد من الاتنين او الاتنين معا وخصوصا ان انت بتقول ان الباور تقل اكتر من الاول وان الدريكسيون بيلف منك في المطبات ودا برضة مابيحصلش معايا - انا احيانا ببقي في شاطئ النخيل وكلها مطبات ورمل واللي من اسكندرية عارف المدينة دلوقت شكلها اية -بس عمري ما حسيت بمشكلة في الدريكسيون او الفرك

بالنسبة لمشكلة التكييف دي ظبط يا معلم في التوكيل ماتقلقش وكان المفروض تتظبط بعد ما شحنت الفريون

تقطقتة التابلوة دي بصراحة مش فاهمها بس اتاكد ان مافيش حاجة كنت حاططها علي التابلوة ووقعت منك في الهوايات - بتحصل

اشرف باشا هو موضوع لف الدركسيون ده بيحصل فى الحاله الاتيه
لو انت بتسافر كتير على الزراعى زى حالاتى

حتلاقى ان كاوتش العربيات النقل بسبب الحموله الكبيره والاسفلت التعبان معلم فى الطريق وغاطس لجوه لو جيت تعدى عليه حتلاقى الدركسيون بيتحرك حركه بسيطه سواء يمين او شمال وده على ما اعتقد هو سبب شكوة الاخ صاحب الموضوع

المشاركة الأصلية كتبت بواسطة moustafa_saad

اشرف باشا هو موضوع لف الدركسيون ده بيحصل فى الحاله الاتيه
لو انت بتسافر كتير على الزراعى زى حالاتى

حتلاقى ان كاوتش العربيات النقل بسبب الحموله الكبيره والاسفلت التعبان معلم فى الطريق وغاطس لجوه لو جيت تعدى عليه حتلاقى الدركسيون بيتحرك حركه بسيطه سواء يمين او شمال وده على ما اعتقد هو سبب شكوة الاخ صاحب الموضوع

+11111111111111111111111111

المشاركة الأصلية كتبت بواسطة moustafa_saad

العفو يا mr_7oda احنا هنا علشان نريح بعض بس المشكله ان حضرتك بتقول انك مش قابل العربيه وده فى نفسه عيب ملهوش حل
موضوع الباور اللى تقل اكيد الكاوتش مريح منك شويه اظبط الضغط على 30
وطبيعى جدا ان الدركسيون يتحرك مع تعرجات الاسفلت لان الباور زيت ولكن الكلام ده مش موجود فى العربيات العاليه اللى الباور فيها كهرباء

ان شاء الله مشاكلك كلها تنحل لانها بسيطه جدا ومش مؤثره واهم حاجه حب عربيتك حتلاقيها بتحبك

اخيرا انا مش عاوزك تزعل منى بس احنا لسه طالعين من مشكلة الاخ ابو مريم ونفسيتنا تعبانه للاسف ومش مستحملين تشكيك تانى فى العربيه

انا خدت لفة فى القسم وعرفت حوار الاخ ابو مريم .... لا بصراحة كويس اوى انكوا استحملتونى ... عموما انا كفاية حسيت بأن الناس كلها عاوزة تساعد ومحدش يهاجم ويخرج وخلاص .... انا بإذن الله هنزل اشوف ضغط الكاوتش وهحاول اشوف العفشة والزوايا والكلام ده ... بس انا ليا تعليق برضه صغنطط اوى على موضوع ان طالما الباور زيت يبقى ظاهرة انه يمشى مع الاسفلت عادى .... انا كنت راكب الاكسيل ( خلاط 5 سرعات) ومكنش فيها الظاهرة ده خالص

المشاركة الأصلية كتبت بواسطة akerima

اولا بعد رد مصطفي مافيش رد - بس احب اوضح انا فعلا جربت الفرك كذا مرة والموضوع بتاعك محصلش معايا نهائي - فانصحك بحجتين اولا اظبط ضغط الكاوتش - ثانيا اظبط زوايا واربط عفشة امامية لان اكيد العيب عندك واحد من الاتنين او الاتنين معا وخصوصا ان انت بتقول ان الباور تقل اكتر من الاول وان الدريكسيون بيلف منك في المطبات ودا برضة مابيحصلش معايا - انا احيانا ببقي في شاطئ النخيل وكلها مطبات ورمل واللي من اسكندرية عارف المدينة دلوقت شكلها اية -بس عمري ما حسيت بمشكلة في الدريكسيون او الفرك

بالنسبة لمشكلة التكييف دي ظبط يا معلم في التوكيل ماتقلقش وكان المفروض تتظبط بعد ما شحنت الفريون

تقطقتة التابلوة دي بصراحة مش فاهمها بس اتاكد ان مافيش حاجة كنت حاططها علي التابلوة ووقعت منك في الهوايات - بتحصل

ما هو انا هعمل كده ان شاء الله وهروح التوكيل ومش همشى الا لما اخد حقى وكل المشاكل تتحل بإذن الله