تجربت شراء كاوتش من سمير بيومى اللى فى الدقى

**mido_soliman** · 09-06-2011 03:55 AM

المشاركة الأصلية كتبت بواسطة hamahmy

انا قدمت شكوى عبر البريد الالكترونى للابلاغ عن التهرب الضريبى لمصلحة الضرائب العامة و اتمنى يتم النظر ليها
اما موضوع اروح القسم و اقدم بلاغ اعتقد انه صعب لأنى ماعنديش وقت لكل ده لظروف عملى و انا حابيت اكتب الموضوع ده و احكى التجربة علشان باقى الأعضاء يستفيدوا و شكرا

قريت موضوعك واتعاطفت معاك ولما قريت ردك دة بجد استفزيت واتنرفزت واتعصبت كمان
يعنى اية معندكش وقت تروح تاخد حقك دة حتة محضر فى القسم ومكالمة لجهاز حماية المستهلك مش حتاخد منك وقت اكتر من الوقت اللى اخدتة فى كتابة الموضوع دة
وبعدين يا اخى انت بتحذرنا من اية الاولى تحذر نفسك من التهاون مع اى معتدى ياخد حقك
كنت مستنى اية اكتر من انة كان ممكن يعتدى عليك بالضرب علشان تتحرك
طول ما احنا سلبيين كدة الافة دى والفئة دى من المجتمع حتفضل ترعى وفى الاخر نقول حسبى الله ونعم الوكيل
حسبى الله ونعم الوكيل فى اى وقت وضد اى حد ولكن لا تتخاذل فى المحاولة (فقط المحاولة ) فى اثبات حقك
اعذرنى اذا كانت لهجتى قاسية بعض الشىء ولكنى لو كنت مكانك لما كان الامر كذلك على الاطلاق قسما بالله لكنت شهرت بة فى كل مكان ونكلت بة اشد التنكيل لان دى فلوسى واللى يسرقها ويكون بجح كمان فى الوقت دة ميلومش غير نفسة

**kamatsho** · 09-06-2011 04:10 AM

المشاركة الأصلية كتبت بواسطة maka

متسبش حقك انت مش ضعيف و لا قليل متزعلش من كلامى اجرى و راء حقك و متسبيوش حتى لو مش علشانك فعلشان غيرك و علشان يكررش فعلته اللى ممكن تموت ناس دى تانى

المؤمن القوى خير و احب عند الله من المؤمن الضعيف

بالظبط كده يا باشا

بس معنى جملة المؤمن القوي خير واحب عند الله من المؤمن الضعيف

مش ان المؤمن القوي بالعضلات او بالمعارف او بلطجه يا باشا

الجملة معانها ان المؤمن القوي ايماناًً خير واحب عند الله من المؤمن الضعيف ايماناً

**Mostafa.Ismail** · 09-06-2011 05:42 AM

والله ان رأى تتجنب المشاكل طالما الموضوع خسارة فلوس وتجربة فاشلة وخلاص (الا اذا مد ايدة دى تبقى حاجة تانية).
اعتر نفسك اتعلمت حاجة بثمن فردة عجل ومتخليش الموضوع ياخد اكبر من حجمة والعواقب تبقى مش ولابد وركز فى الشغل والله اهم مليون مرة.

اجعل اللة حسبك ووكيلك بس بعد كدة متدفعش فلوس فى حاجة غير لما تسال ... على راى المثل قيس 100 مرة وقص مرة.

ياريت بس تفكرو فى كلامى من جميع الزوايا.

**ahmed_su** · 09-06-2011 10:36 PM

بصراحة انا مستغرب موقفك الخاص بان ما عندكش وقت

ايه يعنى ساعة ولا اتنين او يوم طالما بتسعى ورا حقك وتأديب

امثال الاخ ده يبقى جبت حقك وقمت بحماية غيرك ...

**HeMa_LanCeR** · 10-06-2011 12:00 AM

انا جيت اشتري منه الكاوتش لقيته اغلي 50 جنيه في الفرده
ولما وافقت علشان في ناس كتير شكرت فيه
وبيركب الكاوتش لقيته انتاج 2010 بقوله ازاي يعني يقولي اما الكاوتش بيقعد في البحر لما يوصل حوالي 6 شهور
طبعا نفضت ومشيت
وجبته من عندي ارخص 50 بالترصيص وبالنيتروجين
والمفاجاءه انتاج اخر شهر 4 في 2011 :)

**OmaR_FekrY** · 10-06-2011 12:36 AM

اوعى تسيب حقك و مينفعش تقدم شكوى على النت ... اللى شغالين هناك مبيعرفوش يفتحوا الكمبيوتلا اصلا .... قدمها بنفسك احسن

و لو عندك كام واحد من صحابك رجاله كده .... خدهم و رحله و حاول معاه تانى و لو مرضيش و حسيت انه عايز يضربك تانى دغدغله المحل

**amribrahim** · 10-06-2011 12:54 AM

المفروض تاخد همام بتاع فيزا أمستردام مثلك الأعلى شوفت عمل إيه لما العيال ضربوا فيزا و طلعة فشنك ... جاب ناس و رجع فلوسه

**maka** · 10-06-2011 11:54 AM

المشاركة الأصلية كتبت بواسطة omar_fekry

و لو عندك كام واحد من صحابك رجاله كده .... خدهم و رحله و حاول معاه تانى و لو مرضيش و حسيت انه عايز يضربك تانى دغدغله المحل

حوار اصحابه ده مينفعش الا لما يشوف حد ماسك المنطقة عند بتاع الكاوتش علشان لو حصل قلق يبقى حد حاميهم او يخشوا فى حامه

**ahmedhilmy** · 10-06-2011 05:04 PM

حسبي الله و نعم الوكيل ناس معندهمش ضمير

-

الموضوع: تجربت شراء كاوتش من سمير بيومى اللى فى الدقى

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

رقم تليفون سمير بيومى ( شركه الايمان )

يرضيكم اللى عملوه مودرن الدقى معايا .. هو ده المنتظر من نيسان

تجربتى للاسف عند الحاج سمير بيومى

بركولى امبارح اشتريت 4 فرد كاوتش جديدة من سمير بيومى هانكوك

الكلمات الدلالية لهذا الموضوع

المفضلات

المفضلات

ضوابط المشاركة