مساعده في الفلتر الأسبور k&n ؟

**mido_soliman** · 13-06-2011 11:29 PM

المشاركة الأصلية كتبت بواسطة aftam

بس الابوللو من على لسان بتوع الفلاتر انه للتربو يعنى المخروطى اليونيفيرسال نفس الاداء بتاع الابوللو لو ركب فى العربيات من غير تربو والله اعلم

الكلام دة اعتقد انة فاكس وبتوع الفلاتر معندهمش فكرة لان الابولو هو فلتر مخروطى عادى بس جاى بالكيت بتاعة كامل مش اكتر

المشاركة الأصلية كتبت بواسطة redbull_30

انت رجعت الموضوع لدماغي تاني.. شكل الفلتر الابولو وهمي و اتمنى انه يستاهل سعره

انا لما فكرت فى الفلتر الاسبور قلت مش حجيب غير دة علشان شكلة اولا وعلشان سالت ناس قلولى دة مبيطلعش صوت عالى زى التانيين واداءة احسن دة غير ودى اهم حاجة تقريبا انى حوصلة على مخرج الهوا الطبيعى اللى موجود عند الكبوت وكمان متغطى ومحمى من السخونية والتراب وما الى ذلك وناويها ان شاء الله قريب بس اعمل شوية فكة لان صيانة ال 20 بيعتنى الحديدة :)

المشاركة الأصلية كتبت بواسطة mangere90

السلام عليكم ورحمة الله وبركاته

انا متشكر اوي يا استاذ ميدو انا مش عارف اشكر حضرتك ازاي علي مجهودك معايا وسرعة الرد
حضرتك بجد انسان فوق الوصف واسف جدا علي تعبك معايا وفي نفس الوقت متشكر علي
المعلومات الهايله دي , لو الأبولو k&n بيعمل في حدود 800 جنيه معقول لاكن لو بيعمل 1500
جنيه كتير اوي ولو كان كده هشتري k&n العادي , بس بصراحه عاجبني اوي شكل الأبولو
وكمان بيجي كامل بكل حاجته دي حاجه جميله اوي فا فعلا لو عامل 800 ان شاء الله هشتريه

يا فندم الكلام دة كتير اوى عليا ربنا يبارك فيك انا معملتش حاجة
وبخصوص انة ب 1500 فعلا هوة عند عادل بالسعر دة ولما اتصلت بية قالى علشان اللى عندة دة بتاع المينى كوبر وبصراحة انا استغربت لانى اعرف ان الابولو تحديدا يونيفرسال مش لماركات معينة يمكن هوة كان عندة من فترة وواقف علية غالى الله اعلم
عموما هوة فعلا فى حدود 800 الى 850 بس خلى جو اخر واحد لانة اغلى واحد
تحت امرك فى اى وقت :)

**mangere90** · 14-06-2011 03:39 AM

السلام عليكم ورحمة الله وبركاته

انا كمان يا استاذ ميدو رايح اعمل صيانة 60 وهبيع الحديده وهستلف عليها كمان ربنا يسهل
طيب المحلين التانيين دول ماكنهم فين يا استاذ ميدو علشان انا مش من مصر فلو حضرتك
تكرمت وجبتللي عناوينهم ابقي شاكر جدا لأفضالك وربنا يجازيك كل خير ..