الموضوع: لا يشرفني ان نكون كلنا ( خ.س ) و كلنا عارفين

المشاركة الأصلية كتبت بواسطة AshTurbo

بالظبط كدة عليك نور أحنا اللي يهمنا أن الشرطة عملت كدة مسكت مواطن مصري له حقوقه وسحلتة وضربته بمنتهى القسوى ولا كأنه صرصار ... اللي يهمنا أننا عشنا 30 سنة من القمع والقذارة والفساد والتعذيب الممنهج اللي كانت بتمارسه الشرطة ضد المتظاهرين وضد أي حد يقول كلمة ضد النظام ... اللي يهمنا أننا عملنا ثورة ونجحت وخالد سعيد هيفضل رمز من رموزها شأت أم أبيت والله لو قعدت تهاتي 100 سنة هيفضل من رموز 25 يناير عارف ليه عشان كان مصري زينا وكان شاب بردوا زينا ممكن يغلط ويتعاقب عادي ممكن يفكر تفكير غلط فننصحه مش نقتله

اسلوب راقي في الحوار
شكرا
تصدق فعلاً لا يهمنا أن كان حشاش ولا لأ لأن هناك الكثير من الحشاشين ومتعاطي البانجو هنا معانا في الموضوع تقريباً الأعضاء كلهم اللي ردوا عليك محششين أو أقولك المليون ونص اللي على صفحة خالد سعيد ولاد وبنات رجال ونساء مهندسين ودكاترة ومعلمين وعلماء حشاشين وبيضربوا بنجو والله عيب .

ان كان هذا رأيك فأنت حر في نفسك
فأنا لا اوافقك عليه
ليس بيننا في هذا المنتدي حشاشين و متعاطين بانجو

م.حاتم السباعي

[frame="1 80"]كلام حضرتك كله تلميح بأن المتعاطف معاه حشاش بدليل أنك بتقول " مش هقول أسامي واللي على راسه بطحة يحسس عليها ويتكلم معانا " وتقول كمان كل مدى يزيد يقيني أننا من المنتمين لهذا الفكر ومش فارقه معانا أن كان حشاش ولا لأ [/frame]
يا اخي اتقي الله فيما تقول ( فين كلامي اللي بلمح بيه ان المتعاطفين يبقو حشاشين ) فين اصلا كلامي اللي متوجه مني للمختلف معي في الرأي
انا كتبت الموضوع و شرحت اسبابي
و ذكرت انني لن اذكر اسمه صراحة ( لان هو كأسم في حد ذاته لا يعنيني الله يرحمه ) كأن يكون حاتم او محمد او فلان
لذلك رمزت له ( بالحروف ) كي لا يكون قضيتنا الفرد بذاته المتوفي و اكملت حديثي كي لا نزعل حد لاني لا اخوض في سيرته هو شخصيا ( كفلان ) فحتي لا اغضب احد رمزت له يبقي مفيش حد كل شوية هيجي مثلا يقولي انته تعرف فلان فلان ده قريبي او كذا
فأنا رمزت له ( لان الموضوع اصلا بيناقش اتخاذ رمز لشباب بالمجتمع احدث منهم اشخاص ثورة حتي هوه نفسه هذا الشخص لم يحدث ثورة لذلك اوؤكد انه لم يعنيني ( اسمه او بلده )
و لما اقول اللي علي راسه بطحة يعني اللي هيكون مقتنع ان اللي بيمثل له ان يكون رمزا او محركا لشئ ما لا تفرق معه ان يكون هذا الملهم ( حشاش او بتاع بانجو ) طلبت منهم ان يناقشونا بالمنطق
و اكملت مشاركتي معكم
فين بقي دلائل اتهاماتك ارجوك
و لما اقول ان كل ما بشوف الردود بيزيد يقيني ان الناس بتنتمي لهذا الفكر
طبعا و مازلت اكررها هناك من الاعضاء و انت منهم قلتم مش فارقه معاكم و هذا هو اصلا اصل الموضوع و هذا ما استنكرته ( و علشان كده عملت الموضوع ) و هذا رأيي الذي لم افرضه مع من اختلف معي
و هذا كان طلبي من الاول
اما اكون انا غلطان و طالب المثالية او تكونو انتم الصح
حتي انتم المدافعين للاسف عن الشخص مش الموضوع لم تتفقو
فعضو يقول لنا ان فلان ( فوق مستوي الشبهات و ان ما حدث معه من الاصل كان تلفيق في تلفيق ) و انا ذكرت اني كنت متخيل كده زمان في اول الموضوع
و عضو اخر قال مش فارقة معانا ( حتي لو ثبت انه حشاش هوه مفجر الثورة )
( و اخر لا ينكر فكرتي و لا ينكر انه ليس بقدوة )
فيه ايه بس ارجو ان تراجع بالراحة ما اكتبه و يا ريت اللي بيشاهد الكلام امامه يداري الاسم اللي مكتوب و يجاوب علي المشاركة و ليس صاحبها حتي يكون هناك حتي رد مقنع نستفيد منه اما الهجوم و الاتهام بالباطل بجد بيخلي الواحد يحس اننا بنضيع و قت مثلا نغلق عيوننا و نصدق اي حاجة و خلاص

م.حاتم السباعي