خاص لمن يريد شراء سياره جديده

**ahmed1981** · 01-05-2008 03:18 PM

المشاركة الأصلية كتبت بواسطة ashahbour

واتمنى ان المعلومه تكون وصلة للجميع وبجد انا مش بكبر الموضوع بس هو فعلا حاجه لازملها وقفه مش معقوله تشترى عربيه زيرو تلاقيها رشها وانته مش عارف ورغم كده احنا بنبيع عربيات الكاش غليه والناس بتشترى ويكون العميل حاجز على سعر وعند التنفيذ نعلى عليه وهو بيوافق معرفش العملاء طيبين ولا ايه الحوار ربنا يستر يجدعان فعلا مش تامن لحد فى الزمن ده
يلا خلصت الى عندى واكيد عرفتوه انا شغال فى معرض ايه طبعا م ص ر ي

جزاك الله خيراً
يا جماعة أي واحد بيشتري زيرو لازم يبص على كل حته في عربيته كإنه بيشتري مستعمل
وإذا كان اللبن بيتحط عليه بدرة سيراميك مش بعيد على الحرامية أي حاجة

**outosend** · 01-05-2008 03:22 PM

محدش يسأله ياجماعه هو شغال فين علشان محدش يأذيه فى شغله كفايه ان الراجل وضح الصوره

**tawfi2** · 02-05-2008 02:23 AM

جــزاك الله كل خير يا ashahbour ... انت بجد بالطريقة دى بتنقذ ناس كتير جدا من حاجة زى كده .. شكرا مرة تانية :)

**ahmed el-sawy** · 02-05-2008 05:02 PM

المشاركة الأصلية كتبت بواسطة CAMARO

أولاَ أحب أهنيك على صاحتك ..
بس معلش ممكن أعرف هو حضرتك شغال في أي فرع يعني فرع المنصورة و لا طنطا .. ؟!
و الحكاية دي بتحصلت أو حصلت في كل الفروع و لا في فرع معين .. ؟!
و دة بس للمعرفة مش أكتر .. و للحذر علشان لو فرع معين يبقى الناس ما تتعاملش معاه و تتعامل مع باقي الفروع ..

اخى الكريم دى مش مشكلة فرع لواحده او شركة لواحده دى مشكلة اكثر من معرض انته اعرف انك لازم تفحص السيارة فى اى مكان مهما كان

**ahmed el-sawy** · 06-05-2008 10:33 AM

انا الحمد الله تركت العمل امبارح
انا كنت اعمل فى فرع المصرية للسيارات بالمنصورة وعملت لمدة شهرين هناك من 12/3
وانا اول ما اشتغلت بما انى خريج تجارة اشتغلت فى الخزنة ودى ايضا فيها نصب على العميل هتقول ازاى هقولك ياسيدى انته مثلا عميل وجاى تشترى عربيه هقولك لو مستورده هات 50 جنيه علشان اطلع شهادة البيانات واشتغلك ولو محلى هات 30 جنيه علشان مصاريف الاعتماد وطبعا الاتنين اشتغاله ومن الاساس انا ملزم بالورق مش انته ههههههههههه شغل نصب تماما وانا فضلت ماسك خزنه لغاية 3/4/2008
بعد كده مسكة حركة مسئول عن استلام عربيات وتسليم وده الجزء الجميل باه وبما انى من المنصورة كنت انا الى باخد العربيات ووديها للسمكرى لو فيها حاجه وعلى فكره الكورولا الى نبيتى الى وقفه فى العرض فى فرع المنصوره كانت فيها خبطه فى القايم فوق الباب الى وراه باب السواق وودتها للسمكرى الى هوه احمد عزب فى شارع مستشفى الصدر ردها وخدة بويه وباة كانها زيرو ووقفه فى العرض وعلى كام 147000جنيه متخيل
طبعا غير حورات الخبط والتصليح برضوه اسعارهم فى العربيات بتكون اغلى من بره والخدمات عندهم سئ جدا فى ناس اشتروه من شهر 3 ولسه مش خادوه الضمان بتاعهم لغاية الان متخيل مش عرفين يعملو صيانه فى التوكيل بجد نصيحه بلاش تمشوه وره الدعايه امشوه ورا عقلكم
انا كده قولت الى عندى كفايه كده يلا سلام باه

**ows212** · 06-05-2008 11:07 AM

حسبنا الله ونعم الوكيل

**shady_elkady** · 06-05-2008 11:32 AM

الشركة طول عمرها كدا و الناس كلها عارفة المشكلة فى الناس الى بتروح و نشترى منها فى البلد دة اى حاجة فيها دعاية و هدايا اعرف انها نصباية تشترى عربية تاخد تلفزيون و تخش المعرض تلاقى حطين تلفزيونات على اليمين و الشمال و ياسلام فى رمضان لما بيجيبوا واحد يعزف بالعود و الناس تعد تسقفلة احنا المصريين بنحب الى يشتغلنا انا ياما شفت عربيات فى الحرفيين زيرور بترش انا مبرحش المصرية الى لما اكون عاوز اركب فى عربية و اتفرج عليها برحتى و نفس العربيات دة الى بتتبهدل بتتباع انا قبل ما اشترى الافيوا رحت اتفرج عليها عندهم فى معرض المعادى بفتح العربية لاقيت و احد من السلساوية نايم فى العربية و مطفى السجارة على الكرسى و طبعا الفرش محروق و لا اكنها عربية مرمية فى الشارع و طبعا الغلابان الى هيشترى هيكون مبسوط علشان هياخد بلونة و مدلية و تلفزيون 14 لبوسة

**shahinbasha** · 06-05-2008 12:59 PM

المشاركة الأصلية كتبت بواسطة NaderNabil

اعتقد ان الكلام اللي انت قلته ده مش من الأخلاق المهنية تماما.....ايا كان اللي بيحصل داخل المكان اللي انت شغال فيه مش المفروض أبدا المعلومات ديه تطلع بره...حتي لو سيبته و غيرت شغلانتك بعد كده.....

احنا اه يهمنا مصلحة بعض...بس مش بالأسلوب ده!

اختلف معك بشدة في هذا الكلام الحديث الشريف يقول فيما معناه من رأي منكم منكرا فليغيره ...بيده فان لم يستطع فبلسانة فان لم يستطع فبقلبه ((((((((وذلك اضعف الايمان)))))))))
ومن غشنا فليس منا

**مصراوي جدا** · 06-05-2008 01:20 PM

المشاركة الأصلية كتبت بواسطة mada121977

اخى الفاضل اعتقد ان حضرتك خلطت بين مصريه والمصريه وفيه فرق كبير بين الاتنين يعنى الاولى هى توكيل متسوبيشى بمصر ودى ملهاش علاقه بالموضوع اللى اتكتب اما التانيه فهى مجرد شركه لبيع العربيات الزيرو .. يعنى الموضوع ليس له دخل بتوكيل متسوبيشى فى مصر وانما بأخلاقيات وضمير الشركه الاخرى

شكرا لتوضيحك يا استاذ أحمد

الحقيقة انا لسه شايف الصفحة دي من الموضوع دلوقتي لأني فتحته اول ما نزل ومدخلتش فيه تاني

هو طبعا زي ما الاستاذ احمد وضح ان شركة مصرية هي وكلاء ميتسوبيشي موتورز في مصر

اما المصرية للسيارات فهم مش وكلاء حاجه (اعتقد كان في فترة جابوا توكيل صيني يمكن) انما هما موزعين معتمدين لمعظم التوكيلات في مصر - يعني معرض كبير وبس وطبعا اي تجاوزات بتحصل عندهم هما المسئولين عنها اولا وأخيرا سواء كانت العربيات تويوتا ولا ميتسوبيشي ولا أي ماركة

الموضوع: خاص لمن يريد شراء سياره جديده

LinkBack

أدوات الموضوع

عرض

-

-

-

-

المواضيع المتشابهه

خصم الموزع علي شراء سياره جديده

(هام للمقبلين على شراء سياره مستعمله او جديده) هساعدك فى الاختيار

نصيحه الي كل من يريد شراء سياره جديده او قديمه.

شراء سياره جديده؟!

محتاج راءى الخبراء بسرعه فى شراء سياره جديده مابين شيفروليه لانوس اوفيات سينا او فيرن

الكلمات الدلالية لهذا الموضوع

المفضلات

المفضلات

ضوابط المشاركة