خاص لمن يريد شراء سياره جديده

**emam** · 28-04-2008 06:39 PM

المشاركة الأصلية كتبت بواسطة ashahbour

بسم الله الرحمن الرحيم

اتمنى ان افيد اخوانى فى المنتدى والزائرين
اولا انا اعمل فى احد المعارض ذات الاسم الكبير فى بيع السيارات وصاحبة اكبر سلسة معارض فى محافظات مصر وانا اعمل فى احد المحافظات
وهى شركة اسمها على اسم مصر
عموما المعلومه التى اريد ان اوصلها للاخوه والى انا لاحظتها بطبيعة عملى فى مدة شهرين حده الان
ان المعرض كل الى بيهموه طبعا طبعا طبعا المكسب حده لو فى تلبيس
طبعا اى حد بيشترى عربيه مستعمله بيجيب مكنيكى وبيرفع العربيه ويطلع عين صاحب العربيه معاله ما ياخدها رغم ان فى مستعمل بيكون زيرو طبعا
اما لما بيروح يشترى زيرو بيقولك الزيرو احسن من المستعمل رغم ان الى بيحصل فى مصر حاليا معدش فى حاجه اسمها زيرو
بجد اه معدش فى زيرو
يجدعان احنا فى عربيات بتكون رشه جنب بابين وبعناها زيرو وكانت لانسر وعربيه تانيه رشه كابوت واكصدمات وكانت فيرنا وبعناها زيرو
وعربيه كورولا الشكل الجديده ب 150 الف كانت فى خبطه فى القايم وعدلناها ورشة وعرضها للبيع زيرو طبعا والبس يا زبون
هى دى طبيعة المعارض فى مصر احنا شعب بنحب الى يضحك علينه بالدعايه والاعلانات والهدايا وشوية افشخانات
ياريت الى رايح يشترى عربيه زيرو يفليها زى المستعمله ده غير حوار فصل العداد علشان العربيه بتلف على المعارض فلازم مش تعد الكليوات
شغل بجد ربنا يسامحنا جميعا
واتمنى ان المعلومه تكون وصلة للجميع وبجد انا مش بكبر الموضوع بس هو فعلا حاجه لازملها وقفه مش معقوله تشترى عربيه زيرو تلاقيها رشها وانته مش عارف ورغم كده احنا بنبيع عربيات الكاش غليه والناس بتشترى ويكون العميل حاجز على سعر وعند التنفيذ نعلى عليه وهو بيوافق معرفش العملاء طيبين ولا ايه الحوار ربنا يستر يجدعان فعلا مش تامن لحد فى الزمن ده
يلا خلصت الى عندى واكيد عرفتوه انا شغال فى معرض ايه طبعا م ص ر ي

احييك بشدة على صراحتك ياريت نسمع تعليق من زميلنا الاستاذ مصراوى على هذا الموضوع

**wildeagle** · 28-04-2008 06:58 PM

أخواني الأعزاء تسمحولي أحكيلكم تجربة مماثلة حصلت معايا مع أني شاري العربية من بره مصر ، كنت اشتريت عربية النترا 2006 من السعودية زيرو و نزلت بيها مصر و جمركتها و الحمد لله مكنتش خبطتها و لا عملت بيها أي حوادث ، لغاية ما في مره و هيا واقفة جه ميكروباص و حك جنب العربية فخد معاه الباب الأمامي و جزء من الرفرف ، و لما رحت أرشها (بالطبع خارج التوكيل علشان غبور بيه و اعلاناته أنه غير مسئول عن أي سيارة من خارج مصر) المهم لقيت الراجل بيقولي هو انت راشش جزء من الباب الخلفي قبل كده ، قلت له لا دي العربية زيرو ، قالي بص كده من الجنب لقيت قعلاُ البوية الامامية ناعمة جداُ و الخلفية محببة شوية قالي علشان دي أخدت سكينة معجون طبعاُ مصدقتش الكلام ده بس بعد كده رحت لمهندس في التوكيل اتعرفت عليه قالي ساعات العربيات أثناء نقلها في المراكب بتتحك و تتجرح و طبعاً بنعالج الموضوع ده قبل بيع السيارة ما هو مش ممكن نرجع العربية علشان خدش و لا تجريح (بس بصراحة قايم كامل يتم استعدالة و تتباع كأنها زيرو هو ده النصب بعينه)
لكن اللي فهمته ان بعض الوكلاء المحترمين لما بيكون في عيب بسيط زي ده بيقولك عليه و ينزلك من سعر العربية كمان و الله أعلم
سامحوني على الأطالة

**mada121977** · 30-04-2008 01:54 AM

المشاركة الأصلية كتبت بواسطة emam

احييك بشدة على صراحتك ياريت نسمع تعليق من زميلنا الاستاذ مصراوى على هذا الموضوع

اخى الفاضل اعتقد ان حضرتك خلطت بين مصريه والمصريه وفيه فرق كبير بين الاتنين يعنى الاولى هى توكيل متسوبيشى بمصر ودى ملهاش علاقه بالموضوع اللى اتكتب اما التانيه فهى مجرد شركه لبيع العربيات الزيرو .. يعنى الموضوع ليس له دخل بتوكيل متسوبيشى فى مصر وانما بأخلاقيات وضمير الشركه الاخرى

**Mzeid** · 30-04-2008 02:49 AM

أولاَ أحب أهنيك على صاحتك ..
بس معلش ممكن أعرف هو حضرتك شغال في أي فرع يعني فرع المنصورة و لا طنطا .. ؟!
و الحكاية دي بتحصلت أو حصلت في كل الفروع و لا في فرع معين .. ؟!
و دة بس للمعرفة مش أكتر .. و للحذر علشان لو فرع معين يبقى الناس ما تتعاملش معاه و تتعامل مع باقي الفروع ..

**ahmed1981** · 01-05-2008 03:15 PM

المشاركة الأصلية كتبت بواسطة CAMARO

بس معلش ممكن أعرف هو حضرتك شغال في أي فرع يعني فرع المنصورة و لا طنطا .. ؟!

أظن والله أعلم أنه يفضل ألا يفصح عن معلومات عن موقعه

**ahmed el-sawy** · 02-05-2008 05:02 PM

المشاركة الأصلية كتبت بواسطة CAMARO

أولاَ أحب أهنيك على صاحتك ..
بس معلش ممكن أعرف هو حضرتك شغال في أي فرع يعني فرع المنصورة و لا طنطا .. ؟!
و الحكاية دي بتحصلت أو حصلت في كل الفروع و لا في فرع معين .. ؟!
و دة بس للمعرفة مش أكتر .. و للحذر علشان لو فرع معين يبقى الناس ما تتعاملش معاه و تتعامل مع باقي الفروع ..

اخى الكريم دى مش مشكلة فرع لواحده او شركة لواحده دى مشكلة اكثر من معرض انته اعرف انك لازم تفحص السيارة فى اى مكان مهما كان

**ahmed el-sawy** · 06-05-2008 10:33 AM

انا الحمد الله تركت العمل امبارح
انا كنت اعمل فى فرع المصرية للسيارات بالمنصورة وعملت لمدة شهرين هناك من 12/3
وانا اول ما اشتغلت بما انى خريج تجارة اشتغلت فى الخزنة ودى ايضا فيها نصب على العميل هتقول ازاى هقولك ياسيدى انته مثلا عميل وجاى تشترى عربيه هقولك لو مستورده هات 50 جنيه علشان اطلع شهادة البيانات واشتغلك ولو محلى هات 30 جنيه علشان مصاريف الاعتماد وطبعا الاتنين اشتغاله ومن الاساس انا ملزم بالورق مش انته ههههههههههه شغل نصب تماما وانا فضلت ماسك خزنه لغاية 3/4/2008
بعد كده مسكة حركة مسئول عن استلام عربيات وتسليم وده الجزء الجميل باه وبما انى من المنصورة كنت انا الى باخد العربيات ووديها للسمكرى لو فيها حاجه وعلى فكره الكورولا الى نبيتى الى وقفه فى العرض فى فرع المنصوره كانت فيها خبطه فى القايم فوق الباب الى وراه باب السواق وودتها للسمكرى الى هوه احمد عزب فى شارع مستشفى الصدر ردها وخدة بويه وباة كانها زيرو ووقفه فى العرض وعلى كام 147000جنيه متخيل
طبعا غير حورات الخبط والتصليح برضوه اسعارهم فى العربيات بتكون اغلى من بره والخدمات عندهم سئ جدا فى ناس اشتروه من شهر 3 ولسه مش خادوه الضمان بتاعهم لغاية الان متخيل مش عرفين يعملو صيانه فى التوكيل بجد نصيحه بلاش تمشوه وره الدعايه امشوه ورا عقلكم
انا كده قولت الى عندى كفايه كده يلا سلام باه

**boody2** · 06-05-2008 04:56 PM

المشاركة الأصلية كتبت بواسطة ashahbour

انا الحمد الله تركت العمل امبارح
انا كنت اعمل فى فرع المصرية للسيارات بالمنصورة وعملت لمدة شهرين هناك من 12/3
وانا اول ما اشتغلت بما انى خريج تجارة اشتغلت فى الخزنة ودى ايضا فيها نصب على العميل هتقول ازاى هقولك ياسيدى انته مثلا عميل وجاى تشترى عربيه هقولك لو مستورده هات 50 جنيه علشان اطلع شهادة البيانات واشتغلك ولو محلى هات 30 جنيه علشان مصاريف الاعتماد وطبعا الاتنين اشتغاله ومن الاساس انا ملزم بالورق مش انته ههههههههههه شغل نصب تماما وانا فضلت ماسك خزنه لغاية 3/4/2008
بعد كده مسكة حركة مسئول عن استلام عربيات وتسليم وده الجزء الجميل باه وبما انى من المنصورة كنت انا الى باخد العربيات ووديها للسمكرى لو فيها حاجه وعلى فكره الكورولا الى نبيتى الى وقفه فى العرض فى فرع المنصوره كانت فيها خبطه فى القايم فوق الباب الى وراه باب السواق وودتها للسمكرى الى هوه احمد عزب فى شارع مستشفى الصدر ردها وخدة بويه وباة كانها زيرو ووقفه فى العرض وعلى كام 147000جنيه متخيل
طبعا غير حورات الخبط والتصليح برضوه اسعارهم فى العربيات بتكون اغلى من بره والخدمات عندهم سئ جدا فى ناس اشتروه من شهر 3 ولسه مش خادوه الضمان بتاعهم لغاية الان متخيل مش عرفين يعملو صيانه فى التوكيل بجد نصيحه بلاش تمشوه وره الدعايه امشوه ورا عقلكم
انا كده قولت الى عندى كفايه كده يلا سلام باه

مع احترامي ليك و لكلامك و لصدقكو لامانتك يا استاذ ashahbour لو احمد ريان صاحب شركة مصرية عرف الي انت كاتبوا بامانة حيتعرف علي شخصيتك و اعتقد انه حيعملك مشكلة كبيرة جدا فبرجاء توخي الحظر

و حسيب الله و نعم الروكيل في معدومي الضمير .

**ahmed el-sawy** · 06-05-2008 05:30 PM

المشاركة الأصلية كتبت بواسطة boody2

مع احترامي ليك و لكلامك و لصدقكو لامانتك يا استاذ ashahbour لو احمد ريان صاحب شركة مصرية عرف الي انت كاتبوا بامانة حيتعرف علي شخصيتك و اعتقد انه حيعملك مشكلة كبيرة جدا فبرجاء توخي الحظر

و حسيب الله و نعم الروكيل في معدومي الضمير .

شكرا لنصيحتك اخى الكريم بس انا مش هقولك مش فارقه ومش عارف ايه لكن كل الى هقلهولك انا شفت حاجه غلط ومش احبها تحصل معايه او مع اى حد ومش قادر اغيرها وكل الوسيله الى امامى انى انشرها على النت واتمنى ان يستفيد منها الاخرين وانا الحمد الله مسئول عن كلامى وانا اعارف السمكرى وانا الى بحسبوه فالحمد الله مش كلام من هواء وربنا يحمينا جميعا اخى العزيز

**أبو عبدالله** · 06-05-2008 06:12 PM

المشاركة الأصلية كتبت بواسطة boody2

مع احترامي ليك و لكلامك و لصدقكو لامانتك يا استاذ ashahbour لو احمد ريان صاحب شركة مصرية عرف الي انت كاتبوا بامانة حيتعرف علي شخصيتك و اعتقد انه حيعملك مشكلة كبيرة جدا فبرجاء توخي الحظر

و حسيب الله و نعم الروكيل في معدومي الضمير .

هو واللي يتشددله كمان

هو يجرأ يعمل حاجه علشان فضيحته تبقى بجلاجل

الموضوع: خاص لمن يريد شراء سياره جديده

LinkBack

أدوات الموضوع

عرض

العرض المتطور

شكرررررا - انشر الموضوع فى :

-

-

-

-

المواضيع المتشابهه

خصم الموزع علي شراء سياره جديده

(هام للمقبلين على شراء سياره مستعمله او جديده) هساعدك فى الاختيار

نصيحه الي كل من يريد شراء سياره جديده او قديمه.

شراء سياره جديده؟!

محتاج راءى الخبراء بسرعه فى شراء سياره جديده مابين شيفروليه لانوس اوفيات سينا او فيرن

الكلمات الدلالية لهذا الموضوع

المفضلات

المفضلات

ضوابط المشاركة