خاص لمن يريد شراء سياره جديده

**timo_crosswind** · 06-05-2008 01:27 PM

بالمره ياجماعه مدام فتحنا الموضوع ده حد يعرف شركه الطارق للسيارات اللي موجوده في مصر الجديده ....حد تعامل معاهم او يعرف حد اتعامل معاهم ...ياريت الافاده
اصل انا جبت عربيتي من هناك وحصل معايا حوار مش ظريف وعاوز اعرف دي حاله فرديه ولا لا؟؟؟؟؟؟؟؟؟؟

**السيد أحمد** · 06-05-2008 02:08 PM

انا اشرت للموضوع ده قبل كده
الراجل بيقول اللى يشترى عربية زيرو ياخد باله كويس ويراجعها كويس
وانا معاه فى كلامه لأنى ساكن بجوار جراج خاص للمصرية للسيارات وبعدى عليه اكتر من مره فى اليوم الواحد والنهارده مثلا فى عربية رينو زجاجها الخلفى مكسور وواقع كله وفى عربية سوزوكى ماروتى عامله حادثة جامدة وواضح انها هتتكهن يعنى ملهاش لازمة وخدوا من ده كتير مره اكصدام بفانوس مره زجاج وكل ده لأنهم بينقلوا العربيات من التوكيلات بسواقين والسواقين دول بيعملوا بالعربيات عمايل متتعملش خالص بعربية زيرو

**boody2** · 06-05-2008 04:56 PM

المشاركة الأصلية كتبت بواسطة ashahbour

انا الحمد الله تركت العمل امبارح
انا كنت اعمل فى فرع المصرية للسيارات بالمنصورة وعملت لمدة شهرين هناك من 12/3
وانا اول ما اشتغلت بما انى خريج تجارة اشتغلت فى الخزنة ودى ايضا فيها نصب على العميل هتقول ازاى هقولك ياسيدى انته مثلا عميل وجاى تشترى عربيه هقولك لو مستورده هات 50 جنيه علشان اطلع شهادة البيانات واشتغلك ولو محلى هات 30 جنيه علشان مصاريف الاعتماد وطبعا الاتنين اشتغاله ومن الاساس انا ملزم بالورق مش انته ههههههههههه شغل نصب تماما وانا فضلت ماسك خزنه لغاية 3/4/2008
بعد كده مسكة حركة مسئول عن استلام عربيات وتسليم وده الجزء الجميل باه وبما انى من المنصورة كنت انا الى باخد العربيات ووديها للسمكرى لو فيها حاجه وعلى فكره الكورولا الى نبيتى الى وقفه فى العرض فى فرع المنصوره كانت فيها خبطه فى القايم فوق الباب الى وراه باب السواق وودتها للسمكرى الى هوه احمد عزب فى شارع مستشفى الصدر ردها وخدة بويه وباة كانها زيرو ووقفه فى العرض وعلى كام 147000جنيه متخيل
طبعا غير حورات الخبط والتصليح برضوه اسعارهم فى العربيات بتكون اغلى من بره والخدمات عندهم سئ جدا فى ناس اشتروه من شهر 3 ولسه مش خادوه الضمان بتاعهم لغاية الان متخيل مش عرفين يعملو صيانه فى التوكيل بجد نصيحه بلاش تمشوه وره الدعايه امشوه ورا عقلكم
انا كده قولت الى عندى كفايه كده يلا سلام باه

مع احترامي ليك و لكلامك و لصدقكو لامانتك يا استاذ ashahbour لو احمد ريان صاحب شركة مصرية عرف الي انت كاتبوا بامانة حيتعرف علي شخصيتك و اعتقد انه حيعملك مشكلة كبيرة جدا فبرجاء توخي الحظر

و حسيب الله و نعم الروكيل في معدومي الضمير .

**ahmed el-sawy** · 06-05-2008 05:30 PM

المشاركة الأصلية كتبت بواسطة boody2

مع احترامي ليك و لكلامك و لصدقكو لامانتك يا استاذ ashahbour لو احمد ريان صاحب شركة مصرية عرف الي انت كاتبوا بامانة حيتعرف علي شخصيتك و اعتقد انه حيعملك مشكلة كبيرة جدا فبرجاء توخي الحظر

و حسيب الله و نعم الروكيل في معدومي الضمير .

شكرا لنصيحتك اخى الكريم بس انا مش هقولك مش فارقه ومش عارف ايه لكن كل الى هقلهولك انا شفت حاجه غلط ومش احبها تحصل معايه او مع اى حد ومش قادر اغيرها وكل الوسيله الى امامى انى انشرها على النت واتمنى ان يستفيد منها الاخرين وانا الحمد الله مسئول عن كلامى وانا اعارف السمكرى وانا الى بحسبوه فالحمد الله مش كلام من هواء وربنا يحمينا جميعا اخى العزيز

**أبو عبدالله** · 06-05-2008 06:12 PM

المشاركة الأصلية كتبت بواسطة boody2

مع احترامي ليك و لكلامك و لصدقكو لامانتك يا استاذ ashahbour لو احمد ريان صاحب شركة مصرية عرف الي انت كاتبوا بامانة حيتعرف علي شخصيتك و اعتقد انه حيعملك مشكلة كبيرة جدا فبرجاء توخي الحظر

و حسيب الله و نعم الروكيل في معدومي الضمير .

هو واللي يتشددله كمان

هو يجرأ يعمل حاجه علشان فضيحته تبقى بجلاجل

**karimone** · 22-01-2009 02:25 PM

ديه مصيبه فعلا
انا كنت سمعت عن الموضوع ده قبل كده بس بجد شكراً ليك عشان انت عرفت ناس كتير باللي بيحصل في العربيات الزيرو
ياريت فعلا كل واحد بيشتري عربيه زيرو يكشف عليها كويس

**dr_abooody** · 22-01-2009 03:12 PM

حوار فصل العداد دة بجد منتشر اوي

دة الواحد ممكن ياخد العربية و هي عاملة و لا 1000 كيلو
انا خالي اشترا الالنترا و كان عدادها مفصول بجد شغل حرامية و نصابين

لما كنت في الخليج العربيات كانت تتنقل بعربيات مجهزة من اللي ليها دورين كدا و بتشيل 6 عربيات او اكثر

و معلومة بقا ان العربية بتطلع من المصنع متفولة بنزين على الاخر معنى ان الواحد لما يشتريها يلاقيها فاضية دة دليل على ان اللي بينقلوا العربيات دول بيعدوا يلفوا بيها كأنها بتاعة اهلهم

انا شوفت عربية لانسر مرة ماشية على الدائري على 160 و كان هيشيل واحد و كانت مش معلقة نمر و عليها الكيس بتاعها
دة لو كانت بتاعت صاحبها ماكنش هيمشي بيها كدا لان اول 1000 كيلو تمشي على مهلك عشان ال rpm مايزيدش عن رقم معين و هو تلاقية جايب اخرة بيبوظ في الموتور

حسبي الله و نعم الوكيل

**abzoabzo** · 22-01-2009 04:08 PM

المشاركة الأصلية كتبت بواسطة ahmed el-sawy

بسم الله الرحمن الرحيم

اتمنى ان افيد اخوانى فى المنتدى والزائرين
اولا انا اعمل فى احد المعارض ذات الاسم الكبير فى بيع السيارات وصاحبة اكبر سلسة معارض فى محافظات مصر وانا اعمل فى احد المحافظات
وهى شركة اسمها على اسم مصر
عموما المعلومه التى اريد ان اوصلها للاخوه والى انا لاحظتها بطبيعة عملى فى مدة شهرين حده الان
ان المعرض كل الى بيهموه طبعا طبعا طبعا المكسب حده لو فى تلبيس
طبعا اى حد بيشترى عربيه مستعمله بيجيب مكنيكى وبيرفع العربيه ويطلع عين صاحب العربيه معاله ما ياخدها رغم ان فى مستعمل بيكون زيرو طبعا
اما لما بيروح يشترى زيرو بيقولك الزيرو احسن من المستعمل رغم ان الى بيحصل فى مصر حاليا معدش فى حاجه اسمها زيرو
بجد اه معدش فى زيرو
يجدعان احنا فى عربيات بتكون رشه جنب بابين وبعناها زيرو وكانت لانسر وعربيه تانيه رشه كابوت واكصدمات وكانت فيرنا وبعناها زيرو
وعربيه كورولا الشكل الجديده ب 150 الف كانت فى خبطه فى القايم وعدلناها ورشة وعرضها للبيع زيرو طبعا والبس يا زبون
هى دى طبيعة المعارض فى مصر احنا شعب بنحب الى يضحك علينه بالدعايه والاعلانات والهدايا وشوية افشخانات
ياريت الى رايح يشترى عربيه زيرو يفليها زى المستعمله ده غير حوار فصل العداد علشان العربيه بتلف على المعارض فلازم مش تعد الكليوات
شغل بجد ربنا يسامحنا جميعا
واتمنى ان المعلومه تكون وصلة للجميع وبجد انا مش بكبر الموضوع بس هو فعلا حاجه لازملها وقفه مش معقوله تشترى عربيه زيرو تلاقيها رشها وانته مش عارف ورغم كده احنا بنبيع عربيات الكاش غليه والناس بتشترى ويكون العميل حاجز على سعر وعند التنفيذ نعلى عليه وهو بيوافق معرفش العملاء طيبين ولا ايه الحوار ربنا يستر يجدعان فعلا مش تامن لحد فى الزمن ده
يلا خلصت الى عندى واكيد عرفتوه انا شغال فى معرض ايه طبعا م ص ر ي

يا حمادة معرضك معروف واى عربية بنجيبها من هناك بنبقى اكتر من 7 افراد بناكد على مسمار مسمار واذا كانت رشة

وسيبك من التلفزيون وطقم الدوسات والعربيات الهدية

**mahmoud_nov1985** · 22-01-2009 07:03 PM

ربنا يستر على كل الى عايز يشترى زيرو

**mo7a_mo7a** · 22-01-2009 10:59 PM

يا اخواني كل واحد يعقل الكلام ويحلله ويفهم اللي وراه وبعدين يقرر

يعني هنا مننكرش ان المنتدي مؤثر في ناس كتير
ومنستبعدش حرب الوكلاء والمعارض
واللي بيحاولو يستخدموا الموقع فيها

الموضوع: خاص لمن يريد شراء سياره جديده

LinkBack

أدوات الموضوع

عرض

-

-

-

-

المواضيع المتشابهه

خصم الموزع علي شراء سياره جديده

(هام للمقبلين على شراء سياره مستعمله او جديده) هساعدك فى الاختيار

نصيحه الي كل من يريد شراء سياره جديده او قديمه.

شراء سياره جديده؟!

محتاج راءى الخبراء بسرعه فى شراء سياره جديده مابين شيفروليه لانوس اوفيات سينا او فيرن

الكلمات الدلالية لهذا الموضوع

المفضلات

المفضلات

ضوابط المشاركة