الموضوع: عربية لقطة بس صاحبها بيتنك علية

فعلا
انا كنت في نفس الوضع وزغلت جا وفضل معشمني واح تاني بردوا وبعين ربنا كرمني وجبت الاحسن منها وبالصدفه وانا بشتري عربيتي من المعرض قابلت الراجل اللي كان معشمني ده كان جاي يبيع عربيته في التوكيل فسبحان الله متزعلش على حاجه ابدا
كل امر المؤمن خير

ده الى بيحصل 100 % و ذلك عن خبره اكتر من 6 مرات فى البيع و الشراء.

دائما صاحب السياره يكون لافف على كل التجار و سامع اسعار فى الارض - يعنى عارف سوقها كويس..... و تييجى حضرتك بكل شياكه تقوله 5000 جم زياده عن الى سمعه - يتنك و يقولك انا معروض عليا كيت و كيت و رفضت - و طبعا كله اونطه علشان هو طمعان فى 20 الف اكتر !!! و طبعا مفيش حد عايز بيشترى مرسيدس او بى ام ملفش و سأل و شاف الاسعار السوقيه.

و فى الاخر لما البايع يبوظ سوقها بدلعه و تناكته و استهباله - يروح فى الاخر زى ال ....... للتاجر و يبيعها له ارخص مما سمع فى الاول !!!!! امال كل العربيات الى المعروضه عند التجار دى و قعه عليهم بخساره ؟؟

....* و عن تجربه شخصيه فى شراء 523 مو 2006 كسر زيرو 9 الاف كم فى نفس السنه - كانت زيرو ب 468 و صاحبها كان عايز بكل ثقه و ثبات 438 !!! و لا ممكن ابدا ( زى عبد الفتاح القصرى ) ان ينزل مليم و الكلام ده - ههههههههه
فى الاخر علشان مطولش عليكم - طبعا مفيش حد عبره - و بعد اسبوعين بالظبط راح باعها للتوكيل فى الاسكندريه ب 400 الف - و بعدين انا اشترتها بحكم علاقتى بالتوكيل ب 410 و كمان دفعت 260 و بقيت 150 بعد شهر !!!!!!
--- و للعلم اما كنت عارض عليه نفس الى دفعته 410 و كان ممكن 415 و لكنه استهزء بكلامى و قتها !!!!

تحياتى .....

الله يطمنكو