عربية لقطة بس صاحبها بيتنك علية

**pioneerahmed** · 13-06-2011 10:09 AM

السلام عليكم يا شباب

طبعا انتو عارفين انى بدور على 318 بقالى فترة

الحمد لله لقيت واحدة لقطة و دى مواصفاتها:

موديل : 2001
اللون : كحلى
الفرش : بيج
الكيلومتر : 46000 كم
الصاج : فابريكة بالكامل (العربية بتبرؤ ما شاء الله)
الفتيس : القديم الاوتوماتيك (معرفش ازاى بس هى العربية ممكن تكون سبيشيال اوردر سنة 2000 لان فيها اوبشنز مش موجودة فى الموديل دة و لا فى ال300 ميات اصلا)
الحالة العامة : جديدة لانج فعلا الكنبة بكيسها و دراعات المساحات بكيسها
التصنيع و التقفيل : المانى مش مصرى
الصيانات : مظبوطة بالساعة كل 6 شهور فى التوكيل بالفواتير (دة عشان مبتكملش مواعيد الصيانة بالكيلو) + معاة كشف البافارية ابو 800 جنية دة من اسبوع و ما شاء الله كلها جديدة و اتاكدت بنفسى من ملفها فى التوكيل

العربية بتاعة راجل كبير عندو 84 سنة و مبيركبهاش - راجل مليونير ساكن فى قصر و عندو غيرها حوالى 6 عربيات من الى بنشوفهم فى الاعلانات بس

تفتكروا العربية دى تخلص على كام؟؟؟ المهم ظبتها معاة على 110000 جم
المشكلة : ابن الراجل دة ماسك شركات ابوة و الكلام المفروض انو معاة بس للاسف انا مش عارف اتلم علية علطول مسافر

و يوم لما شفتة كان معاة مدير اعمالة (و الله يا شباب عامل زى رجال الاعمال الى دايما بيطلعوا فى السينما)

مشكلتة انو مش فارقة معاة فلوس بس هو بميت كلمة هبيع لا مش هبيع و فى اخر مرة لقيتو كلمنى و بيقولى انا مسافر كام يوم كدة فى شغل لاوروبا و معرفش هرجع امته قلتلة طيب خد الفلوس و هات العربية و بعدين نبقى نسجل لما ترجع بالسلامة قالى انا طيارتى بعد ساعتين!!!

اصل ابوة يبقى جوز خالة زوجة واحد صاحبى فى الشغل

تفتكروا استناة و افضل (ازن) و لا اكبر و ادور على حاجة تانية (بس طبعا عمرى ما هلاقى الحالة دى تانى) اصل هو محسسنى انى زى ما كون بشحت منو

انا محتار جدا شوروا علية يا شباب!!!

**medododo** · 13-06-2011 10:36 AM

استمر في الزن الي الامام انت خسران ايه
انا شايف انها لقطة ومدام مش فارق معاهم الفلوس ممكن تخلص بأقل من كده كمان

**ahmed2y** · 13-06-2011 10:41 AM

هههههههههههههههههههه هقولك انا تعمل اية بس على الخاص عشان مينفعش الافكار الشريرة دى متتقالش هنا بس قولى الاول انت عرفت العربية دى منين

**pioneerahmed** · 13-06-2011 11:27 AM

المشاركة الأصلية كتبت بواسطة ahmed2y

هههههههههههههههههههه هقولك انا تعمل اية بس على الخاص عشان مينفعش الافكار الشريرة دى متتقالش هنا بس قولى الاول انت عرفت العربية دى منين

لا قول ارجوك انا فى امس الحاجة للافكار دى دلواتى

عرفتها عن طريق صاحبى الى معايا فى الشغل شافنى مسحول بدور على عربية بقالى شهرين فحن علية و قالى عليها بس هو ايدك منو و القبر مش بيحب يدخل نفسة فى بيع و شراء

و كمان كان بيفكر ياخدها هو بس الفلوس معجزة معاة

**pioneerahmed** · 13-06-2011 11:34 AM

المشاركة الأصلية كتبت بواسطة medododo

استمر في الزن الي الامام انت خسران ايه
انا شايف انها لقطة ومدام مش فارق معاهم الفلوس ممكن تخلص بأقل من كده كمان

اصلو راجل تنك اوى و انا مش بحب التناكة

و بعدين هى بصراحة العربية بحالتها دى تسوى اكتر و انا مش شاطر اوى فى الفصال

**ahmed2y** · 13-06-2011 12:09 PM

على فكرة هو شاف فى عنيك ان العربية عجباك وانك عاوزها وسيبك من القلاطة الى هو فيها دى

خاليك وراة بالعقل

**ahmed2y** · 13-06-2011 12:11 PM

المشاركة الأصلية كتبت بواسطة pioneerahmed

لا قول ارجوك انا فى امس الحاجة للافكار دى دلواتى

عرفتها عن طريق صاحبى الى معايا فى الشغل شافنى مسحول بدور على عربية بقالى شهرين فحن علية و قالى عليها بس هو ايدك منو و القبر مش بيحب يدخل نفسة فى بيع و شراء

و كمان كان بيفكر ياخدها هو بس الفلوس معجزة معاة

وهو عرفها منين اعلان يعنى وعلى العموم نصيبك هيجيلك لحد عندك

**pioneerahmed** · 13-06-2011 12:22 PM

لا هو مش عامل اعلان ولا حاجة دة صاحبى عرف من مراتو

**TheBuccaneer** · 13-06-2011 12:40 PM

السلام عليكم.

إن كان فيها اساءة أدب منى ممكن تقول لنا على الكماليات الزياده على أساس نعرف هل السياره فعلا تستحق الأنتظار و لا ليس بالضروره. هى أفضل شىء حتى الأن إن عداد السياره 46000 كم فقط, و هذا معناه إن السياره لم تستعمل كثيرا و عالعموم سعر ال e46 2001 فى حدود مبلغ 105000 جنيه - 110000 جنيه لكن هذا الكلام بالنسبه لل e46 الفتيس الأستيبترونيك يعنى المفترض إن ال e46 مع نهاية عام 2000 زودت بالفتيس الأستيبترونيك, و عالعموم الفتيس الأستيبترونيك ب 5000 جنيه.

لكن هناك حالات مشابهه كثيره و يمكن أفضل من حيث الكماليات الزائده, كان هناك عضو عارض سيارته و كانت موديل 2001 بكماليات ما شاء الله ممتازه لكن كان بيطلب 125000 جنيه. و الفرق بينها و بين ما تتحدث عنها هو إن عداد سيارته كان فى حدود 120000 - 140000 كم.

عالعموم ربنا يوفقك و يسهل لك فى الشراء و تكون من نصيبك إن شاء الله. أنت قول لصاحب السياره حضرتك فاضى يوم ايه نخلص فيه يعنى ضبط معه ميعاد أو ما دام صديقك من أقرباء هذا الشخص ممكن تجعله يكلمه أو يأتى معك و أنت بتكلم صاحب السياره على أساس القرابه و تشترى و تخلص :).

**pioneerahmed** · 13-06-2011 01:11 PM

1- الموتور الى نازل فى العربيات دى بيبقى 1900 سى سى (الموتور الابيض ) اما العربية دى موتورها الاسود سعة 2000 سى سى (غالبا بتاع ال 320 و الله اعلم)
2- العربية مزودة بمالتى فانكشن و كاسيت سى دى و مثبت سرعه فى التارة بتاعتها (الى هى الاير باج بتاعها مربع مش مدور)
3- فتحة سقف - المفروض الموديل دة نازل بيز لاين بس مفيهوش فتحة سقف
4- الجنوط بتاعتها مختلفة
5- نازلة بسنسور بارك اوريجينال
6- صاحبى بيقول ان العفشة بتاعتها مختلفة بس انا مبفهمش فيها
7- المقابض بتاعتها نواكل اوريجينال
8- التابلوة و يد الفتيس و الهاند مطعمين بابانوس
9- التابلوة بتاعها مختلف شوية

يا رب اكون منسيتش حاجة تانى

بس يا عمرو بية العربيات دى بتتباع بارخص من كدة موقع كونتاكت مش مقياس خصوصا ان البى ام تقيلة فى بيعها و النضيف منها قليل عشان كدة ممكن تسمع فية ال115 و ال120

و بردو سمعت من ناس كتير ان الموديل دة افضل من الى الشكل الى بعدة بس بصراحة انا مركبش لا دة و لا دة

الموضوع: عربية لقطة بس صاحبها بيتنك علية

LinkBack

أدوات الموضوع

عرض

عربية لقطة بس صاحبها بيتنك علية - انشر الموضوع فى :

-

-

-

-

المواضيع المتشابهه

فى عربية مسروقة النترا يارب صاحبها يشوف الموضوع

شيفروليه افيــــو 2008 Ls فول اوبشن عربي لقطة لقطة لقطة

لقينا عربية سيراتو مسروقة - مين صاحبها ؟؟؟؟؟؟؟؟؟؟؟؟؟؟؟؟

اسكودا عربية بتلرضي صاحبها

معروضة علية عربية 128 موديل 87

الكلمات الدلالية لهذا الموضوع

المفضلات

المفضلات

ضوابط المشاركة