على فكرة الردياتير ملوش عمر افتراضى ولا حاجة
نفهم نظرية التبريد بتاعت الريداتير دية بتم ازاى
1- المية بتطلع سخنة منالماتور وتدخل الردياتير
2- يقوم الردياتير ياخد السخونية من المية ويوزعها على مساحة سطحة ( اللى هى مساحة سطح المواسير بتاعتة + مساحة الريش الكتير اللى موجودة فية )
3- الهواء يجى على الريداتير فياخد منة السخونية ويمشى ويسيب الريداتير
وهكذا ........
دلوقتى المعدن بتاع الردياتير دوة هو اللى بيوصل الحرارة من المياة للهوا بيحصل تراكم للاتربة والاوساخ مع الوقت والزمن على السطح الخارجى للريداتير + تراكم بعض الرواسب وبعض الصدا بتاع الالومنيا بتاعتة من الداخل_زى اما تغلى مية فى حلة بتلاقى الحلة اصفرت ومع الوقت بتلاقيها بقت غامقة قوى من جوة
يبقى الحل
اولا \ انك تغسل الردياتير باستمرار من من برة كل فترة وياريت لو فى زى فرشة كدة وبراحة تنظفة بيها براحة جدا عشان متتنيش الريش بتاعتة
ثانيا \ تحاول تغسل دورة المياة كل فترة برضة بالطرق المواد اللى تنظف الرواسب الداخلية اللى قولنا عليها دية
ثالثا \ تستخدم المياة اللى الاعضاء هنا قالوا عليها الخضراء والحمراء و إلخ .... عشان تقلل من الرواسب الداخلية بقدر المستطاع
وكدة هتحافظ علية اكبر فترة شغال بكفاءة
المفضلات