الموضوع: فى حد ممكن يشرح فكرة تخيلية للمارش لو سمحتم؟

المشاركة الأصلية كتبت بواسطة human12

يعنى لو حد تعرفيه خبطته عربيه سايقاها واحده واخده الرخصه زى حضرتك
هتبقى مبسوطه وسعيده؟

لازم انجح يعنى لازم انجح حتى لو مش له انا محبش ابقى بشغل اى شىء ومش فاهمهاه او عندى قصور فى فهمه
لو كلفت نفسك وقريت السطر ده كنت علمتنى حرف او قلت كلمة احسن من كده صح؟
[

المشاركة الأصلية كتبت بواسطة ramy_2r

و عليكم السلام
تصحيح بس لبعض المفاهيم
المارش>>>> موتور لبداية تشغيل المحرك
المارشدير>>>يعنى الغيار الخاص ب الرجوع للخلف
عند الرجوع للخلف الحاكايه سهله
لفى الدريكسون شمال ...ضهر العربيه حيروح شمال....وش العربيه حيورح يمين
لفى الدركسيون يمين ....ضهر العربيه حيروح يمين ....وش العربيه حيورح شمال
ده حسب تصورى
و ان شاء الله الأعضاء بفيدوكى أكتر

ان شاء الله ناوية انزل اعمل كده بالعربية فى اى مكان هادى واتعلم موضوع المارش احسن من كده ميرسى لذوقك وردك

المشاركة الأصلية كتبت بواسطة walidadel

بصي هو الموضوع كبير حبتين تلاته اربعه
و مش هاتعرفي بكلام علي النت فلازم حد يعلمك كويس اي حد معرفه بقي اخوكي اي حد من صحابه كده يعني
لكن كلام علي النت مافتركش انه هايفهمك حاجه عموما يعني لو كنتي بتركبي عجل زمان وانتي صغيره هيا هيا نفس الفكره
هاترجعي و عايزه ترمي ضهر العربيه يمين هاتكسري كل الدركسيون يمين و العكس صحيح
و علي اد درجة كسر الدركسيون علي اد ماهتلاقي ضهر العربيه اتحرك بنفس مقدار الكسره
مش عارف اقولك ايه تاني الصراحه بس لازم تدريب عملي الكلام مش هايجيب نتيجه

والله انا بقول كده يا جماعة بس قلت افهم النظرى وانزل اطبق عملى بس مش اكتر

المشاركة الأصلية كتبت بواسطة human12

انا برضه مش فاهم يعنى ايه تصور ديه

انا خايف حد يقولى اتصور العجل عشان العربيه تدحرج عليه

لالا مش هتتصور العجل انت تتصور الطريق هتوصل المشوار ههههههههههه مالك بس عامل زى اخويا كده انتوا الاتنين بسببكم مش هفلح فى حاجة

المشاركة الأصلية كتبت بواسطة ramy_2r

مش القصد
مالكم عكشتونى كده ليه
التصور جى من التخيل
فأسهل حاجه (فى تصورى) انك قبل ما تعمل أى حركه تتخيل حيكون مردودها أيه
وبعد كده حتيجى تلقائيا
يعنى انا بسوق بس مفكرتش لما ألف شمال و انا برجع العربيه حترجع ازاى .. هى تلقائى
لكن عشان تكتب نظرى فأنت بتتخيل شكل العربيه اثناء الرجوع للخلف
و تتوقع الحركه
و من هنا جت كلمه التصور

التخيل بيسبق أى

ده اللى كنت اقصده انى اتخيل العجل تحت بيلف ازاى ومن هنا هظبط نفسى مع الدركسيون

المشاركة الأصلية كتبت بواسطة nicegypt

انتى تقصدى المرشدير يا نوجا
فية فرق بين المارش وبين المرشدير وهو الرجوع للخلف
طبعا واضح انك تقصدى المرشدير .. اتعلمى الاول تركنى كويس وتمشى بالعربية كويس .. الخطوة التانية المرشدير
هتلاقية سهل جداَ معاكى .. المهم حد كويس يعلمك .


ايوة ودة المقصود من كلامى يا نوجا .. طالما غيرتى عنوان الاقامة انتهى الامر مش محتاجة تنتظري 3 شهور
وتروحى مرور اخر مختلف تماما حسب عنوانك ف البطاقة . انتى كنتى تبع مرور اية يا نوجا ؟ اوعى يكون السلام !!!
دة اساسا مرور مصيبة لوحدة

ههههههههههههههههههههههههه هه الله يطمن قلبك ده انا اصلا كنت هروح مرور السلام ههههههههههه
انا بطاقتى منوفية بس انا عايشة فى القاهرة وكسلت اغير بصراحة واهو جه الوقت اللى اتعاقب فيه على غلطة ماما من 30 سنة هههههههههههههههههه

الناس اللى بتهاجمنى دى كلها فاكرة انى مش عارفة ادور العربية واطلع ورايحة اعمل رخصة؟ طيب لو انا هبلة اكيد اهلى مش مستغنين عنى على الاقل ولا قاعدين نفسهم يموتوا خلق الله

المشاركة الأصلية كتبت بواسطة ahmed_mido1889

مش القصد بس انا ده مبدائي

علي العموم لما تيجي ترجعي بدهرك

عايزه تروحي يمين بتلفي الدركسيون شمال

والعكس صحيح

انت اهم حاجه وانت راجعه تبقي ظابطه مرايات الاجناب تبقي جايبه جنب العربيه وجايبه الاقماع


ترجعي بسرعه بطيئه علشان المساحه بتبقي ضيقه

وتعرفي تلمي وش العربيه من غير ما تخبطي اي قمع

والله ده اللى كنت اقصده بالظبط من كلمة التخيل لانى تخيلت نفسى كانى بسوق العربية وقاعدة بضهرى لانى ببص ورا فحبيت افهم الفكرة اكتر انا بركن وكل حاجة بس اول ما حد يطلع لى بتلخبط طول منا لوحدى شغاله زى الفل الاقى بنى ادمين احس انهم بيتفرجوا على اتلخبط بالذات لما يبدؤوا يساعدوا من غير سؤال بحس ان خيبتى باينة هههه

عشان منخرجش عن الموضوع الاصلى
السواقه عشان تتعلميها صح لازم تدريب عملى و يكون معاكى حد فاهم عشان يشرح لك اول باول
ممارسه

المشاركة الأصلية كتبت بواسطة ahmed_mido1889

احنا مش بنهاجم

احنا قصدنا انت لما تروحي عارفه السواق صح

محدش يقدر يقولك 1/3 ال3 كام

بس هي دي وجه نظرنا

وغير كده انت بتحافظي علي نفسك وعربيتك وعلي الاخرين
:b4_611:

انا معاك طبعا فى رايك مقدرش اقولك انه غلط انا كل اللى طالباه اتقان المارش علشان الركن وبس لكن السواقة والفرامل والاشارات والسرعات والنقل تمام مفيش مشاكل خالص انا بروح بالعربية من القاهرة للمنوفية يا جماعة يعنى مفتكرش حد مبيعرفش يسوق هيروح كده طبيعى واهله هيسيبوه غير لو مامنين عليه وعاوزين يورثوه هههههههههههه وعلى شرط شارع العشرين عندنا والقاهرة كلها طبعا فلة شمعة منورة وبمشى تمام ولا بخبط ولا بتخبط ولا اى شىء الحمد لله بس المارش دير ده النهاردة حسيته قالى باى يا بنتى نتقابل بعد اسبوعين
مصلحة يلا اروح اتمرن فى اى حتة فاضية على ارض رملة واشوف اللى متخيلاه هيترسم ازاى بالكاوتش على الارض